Mateo 5:3 - CHUYA QELLQA La Biblia en Quechua de Ayacucho 2012

³ Mayna kusisqam “Diosmantam necesitani” niq wakchakunaqa, Diospa munaychakuyninpas paykunapam.

Quechua Ayacucho Bible 1987

³ —Mayna kusisqam “Diostam necesitani” niqkunaqa, paykunapamiki Diospa munaychakusqanqa.

Chuya Qellqa 1992

³ Mayna kusisqam “Diosmantam necesitani” niq wakchakunaqa, Diospa munaychakuyninpas paykunapam.

Mateo 5:3 Iomraidhean Croise

2~Crónicas 33:12

Chayna ñakariypi kaspanmi Mana-sesqa yupaychasqan Tayta Diosta mañakurqa, ñawpaq taytankunapa yupaychasqan Tayta Diospa qayllanpim uchuychakurqa.

2~Crónicas 33:19

Mañakuyninpas, chay mañakuyninpa contestasqa kasqanpas, imakunawanmi huchallikusqanpas, Tayta Diosta qepanchasqanpas, maykunapim capillakuna ruwachisqanpas, manaraq Tayta Diospa qayllanpi uchuychakuchkaspa Asera idolokunatawan rikchaqmana idolokunata ruwachispan maykunapim churasqanpas, profetakunapa qellqasqan libropim qellqasqa kachkan.

2~Crónicas 33:23

Manam taytan Manasés hinaqa uchuychakurqachu, aswanraqmi payqa huchaman qokururqa.

2~Crónicas 34:27

sonqoykipi llakikuspa, kay nacionpa chaynataq runankunapa contranpi rimasqayta uyarispa, qayllaypi uchuychakuspa pachaykikunatapas llikipaspa waqasqaykiraykum ñoqapas uyariykuyki.

2~Crónicas 7:14

sichum sutiyta hatunchaq llaqtay uchuychakuspan qayakamuwaspa maskawanqa hinaspa tukuy mana allin kawsayninmanta wanakuspa ñoqaman kutirikamuwaptinqa, hanaq pachamantam uyariykamusaq hinaspam huchankunata pampachaykuspay allpankutapas allinyachisaq.

Jobwan Sutichasqa Libro 42:6

Chayraykum tukuy ima rimasqayta reqsikuni, allpapiwan uchpapim tiyaykuspay wanakuni, nispa.

Proverbios 16:19

Wakchakunawan uchuychakuymi aswan allin hatun tukuqkunawan apuyanamantaqa.

Proverbios 29:23

Hatun tukuq runaqa uchuychasqam kanqa, uchuychakuq runam ichaqa hatunchasqa kanqa.

Proverbios 8:32

Chaynaqa, warmakuna uyariwaychik: ¡Mayna kusisqam yachachisqayman hina kawsakuqkunaqa!

Isaías 30:18

Chaywanpas Tayta Diosqa llakipayarisunaykichikpaqmi suyasuchkankichik, payqa kuyakuynintam qamkunaman reqsichisunkichik. Allin arreglo ruwaqmi Tayta Diosqa. ¡Mayna kusisqam paypi suyaqkunaqa!

Isaías 57:15

Wiña-wiñaypaq kawsakuq Diosmi, hatu-hatun Chuya Diosmi kaynata nin: Ñoqaqa alto-altopim, chuyay-chuyay sitiopim yachani, wanakuspa uchuychakuqkunawanmi yachani, hinaspaymi paykunata kallpanchani.

Isaías 61:1

Tayta Diospa Espiritunmi ñoqapi kachkan, Tayta Diosmi sapaqchawaspan kamachiwarqa wakchakunaman allin noticiata willakamunaypaq, llakisqakunata consuelamunaypaq, presochasqakunata kacharimunaypaq, carcelpi kaqkunata libramunaypaq,

Isaías 66:2

Tukuy imapas ñoqapa ruwasqallaymi, chaymi tukuy imapas rikurirqa. Ñoqa Tayta Diosmi chaynata nini. Ñoqaqa nanachikuni humillakuspa wanakuq runakunatam, yachachikuyniy kasukuq runakunatam.

Miqueas 6:8

Yaw runa, Tayta Diosmi allin kaqkunata reqsichisurqanki, ¿imatataq qanmanta Pay mañasunki? Allin arreglo ruwaq kanaykita, llakipayakuq kuyanaykita, Diosnikipa qayllanpi uchuychakunaykitam.

Mateo 11:25

Chay tiempopim, Taytanta mañakuspan Jesús nirqa: Hanaq pachapipas kay pachapipas munaychakuq Taytalláy, yachayniyuqkunamantawan yuyayniyuqkunamanta pakaykuspaykim, wawakunaman kaykunata reqsichirqanki, chayraykum yupaychayki.

Mateo 11:6

¡Mayna kusisqam ñoqamanta mana iskayrayaqkunaqa! nispan.

Mateo 13:16

Qamkunaqa mayna kusisqam kan-kichik, ñawikichik qawakusqanwan chaynataq rinrikichik uyarikusqanwan.

Mateo 19:14

Hinaptinmi Jesus-ñataq nirqa: Ama harkaychikchu wawakuna ñoqa-man hamunantaqa, kay wawakuna hina kaqkunapaqmi Diospa munaychakuyninqa, nispa.

Mateo 24:46

Mayna kusisqam kanqa sichum patronnin kutimuspa chayna ruwachkaqta tariykamuptinqa.

Mateo 25:34

Hinaspanmi chay Reyqa alleq-ninpi kaqkunata ninqa: “Taytaypa bendecisqankuna hamuychik; manaraq kay pacha unanchasqa kachkaptin qamkunapaq churasqa munaychakuyta chaskiychik.

Mateo 3:2

Huchaykichikmanta wanakuychik, Diospa munaychakuyninmi hichparamunña, nispan.

Mateo 8:11

Nikichiktaqmi, achkaqmi tukuy hinastinmanta hamunqaku, hinaspam Diospa munaychakuyninpi Abrahamwan, Isaacwan hinaspa Jacobwan mikunankupaq tiyaykunqaku.

Marcos 10:14

Jesusñataqmi harkakusqankuta rikuruspan piñakuspan nirqa: Wawakuna ñoqaman hamunanta ama harkakuychikchu, kay wawakuna hina kaqkunapaqmi Diospa munaychakuyninqa.

Lucas 11:28

Chaymi Jesusñataq nirqa: Aswan kusisqaqa Diospa palabranta uyarispa kasukuqkunam, nispa.

Lucas 18:14

Chaynaqa, nikichikmi, kay impuesto cobraqmi huchanmanta pampachasqaña wasinman kutikurqa, fariseoñataqmi mana pampachasqachu karqa. Pipas hatunchakuqqa uchuychasqam kanqa, uchuychakuqñataqmi hatunchasqa, nispa.

Lucas 22:29

Chayraykum, imaynam Taytay munay-chakuq kanaypaq churawasqanta hina qamkunatapas munaychakuq kanaykichikpaq churaykichik,

Lucas 22:30

chaynapi qamkunapas munaychakuyniypi ñoqawan kuska mikunaykichikpaq hinaspa tomanaykichikpaq; qamkunam tronokunapi tiyaykuspa Israelpi chunka iskayniyuq ayllukunata juzgankichik, nispa.

Lucas 4:18

“Tayta Diospa Espiritunmi ñoqapi kachkan, Tayta Diosmi sapaqchawaspan kamachiwarqa, wakchakunaman allin noticiata willakamunaypaq, llakisqa sonqoyuqkunata sanoyachimunaypaq, presokuna kacharisqa kanankupaq willamunaypaq, ñawsakunata ñawinta kichamunaypaq, ñakarichisqakunata libramunaypaq,

Juan 20:29

Jesusmi nirqa: Tomás, ¿rikuykuwaspaykiñachu creerunki? ¡Mayna kusisqam kanqa mana rikuwachkaspan creeqkunaqa! nispa.

Deuteronomio 8:2

Tukuy chunniq ñankunapi tawa chunka wata purisqaykichiktam yuyarinkichik. Señornikichik Tayta Diosmi uchuychasunaykichikpaq chaynata pusamusurqankichik, chaynapi pruebasuspaykichik imam sonqoykichikpi kasqanta yachananpaq chaynataq kamachikuyninkunatapas kasukusqaykichikta otaq mana kasukunaykichiktapas yachananpaq.

Santiago 1:10

apu runañataq Señorpa uchuychasqanpi. Apu runaqa qorapa waytan hina chinkaruqllam.

Santiago 1:12

Mayna kusisqam sasachakuykuna hamuptin pacienciakuq runaqa. Payqa chay sasachakuykunata venceruspanmi wiñay kawsay coronata chaskinqa. Chaytam Dios prometekurqa haykam kuyaqninkunaman qonanpaq.

Santiago 2:5

Kuyasqay wawqe-panillaykuna, uyariykuwaychikyá, kay pachapi wak-chakunataqa Diosninchikmi akllarqa iñiyninkupi apu kanankupaq hinaspa kuyaqninkunaman prometesqan Diospa munaychakusqanta chaskinankupaq.

Apocalipsis 19:9

Angelñataqmi niwarqa: Kayta qellqay: “Mayna kusisqam Corderopa casarakuyninman qayasqakunaqa”, nispa. Angelqa niwarqataqmi: “Kaykunaqa Diospa cheqap rimarisqankunam”, nispapas.

Apocalipsis 22:14

Mayna kusisqam pachankuna taqsakuqkunaqa, paykunaqa punkunta llaqtaman yaykuspam kawsay qokuq sacha-pa rurunta mikunqaku.

Apocalipsis 3:17

Qanmi ninki: “Apum kani, apuyarunim, manam imatapas munaniñachu” nispayki, ichaqa manam musyakunkichu llakipayaypaq mana imayuq kasqaykita, wakcha, ñawsa hinaspa qalalla kasqaykitapas.