Mateo 5:22 - CHUYA QELLQA La Biblia en Quechua de Ayacucho 2012

²² Ichaqa niki-chikmi, pipas wawqenpaq piñakuq-qa juzgasqam kanqa, wawqenta upalla-manta kamiqñataqmi cortepi juzgas-qa kanqa, pipas wawqenta ñakaq-ñataqmi infiernoman wischusqa kanqa.

Quechua Ayacucho Bible 1987

²² Nikichikmi, pipas wawqenpaq piñakuqqa juzgasqam kanqa, wawqen insultaqñataqmi *f**cortepi juzgasqa kanqa, wawqenta mana valeq upallamanta kamiqñataqmi kachkan wiñaypaq ninawan castigasqa kananpaqña.

Chuya Qellqa 1992

²² Ichaqa nikichikmi, pipas wawqenpaq piñakuqqa juzgasqam kanqa, wawqenta upallamanta kamiqñataqmi cortepi juzgasqa kanqa, pipas wawqenta ñakaqñataqmi infiernoman wischusqa kanqa.

Mateo 5:22 Iomraidhean Croise

Génesis 37:4

Taytankupa llumpay kuyasqanta qawaspankum wawqenkunaqa Joseyta cheqnikurqaku, hinaspam allillaqa rimapayaqkupaschu.

Génesis 37:8

Chaymi wawqenkuna nirqaku: ¿Qamqa reyniyku kaspachu ñoqaykupi munaychakunki? nispanku. Hinaspam mosqoyninrayku aswanraq cheqnikurqaku.

2~Samuel 16:7

Kaynata rimaspanmi Davidta Simei ñakarqa: ¡Runamasinta wañuchiq mana allin runa pasaway kaymanta!

2~Samuel 6:20

Davidpas ayllunta bendecinanpaqmi palacionman kutirqa. Ichaqa Saulpa warmi churin Micalmi Davidta chaskinanpaq lloqsiruspan nirqa: Israelpa reynin, ¡mayna alabasqam kunan punchaw karunki, mana penqakuyniyuq runa hina criadoykikunapa qayllanpi penqaynikita qawachikamuspayki! nispa.

1~Reyes 21:4

Hinaptinmi rey Acabqa llakisqa hinas-pa piñasqa palacionman kutikurqa, Jezreel llaqtayuq Nabotpa “ñawpaq taytaykunapa qowasqan herencia allpataqa manam qoykimanchu” nisqanwan. Palacionman chayaruspanmi camanman wischukuykurqa, hinaspam perqa lawman muyuriruspan mikuytapas mana munarqachu.

2~Crónicas 16:10

Chayta uyariykuspanmi rey Asaqa llumpayta piñakuruspan profeta Hana-nita carcelarachirqa, payqa chay willa-kusqanwanmi llumpayta piñakururqa. Chay tiempokunapim rey Asa wakin runakunatapas llumpayta ñakarichirqa.

2~Crónicas 19:5

Judá nacionpi llapallan murallasqa llaqtakunapim juezkunata churarqa,

Nehemías 5:8

Hinaspam paykunata nirqani: Ñoqaykum atisqaykuman hina judío wawqenchikkunata nacionkunaman esclavo kanankupaq rantikusqa kasqan-kumanta hurqomurqaniku. ¿Qamku-nañataqchu aylluykichikta rantiku-runkichik ñoqayku kutichimunayku-paq? nispa. Chaymi paykuna upallakuspanku mana imatapas niwaptinku,

Proverbios 14:16

Yachayniyuq runaqa manchakuspam mana allinmanta ayqekun, mana yachayniyuq runam ichaqa hatun tukuspa kikillanpi hapipakun.

Proverbios 18:6

Mana yachayniyuq runaqa siminwanmi piñanakuyta hatarichin, siminraykum maqachikunpas.

Jeremías 17:11

Imaynam hukpa runtunta oqllaq yutu hinam mana allinkunata ruwaspa apuyaruq runaqa, manaraq machuyachkaptinmi qorinpas qollqenpas tukunqa, hinaptinmi wakchayaypi tukunqa.

Lamentaciones 3:52

Alton pawaq animalta hinam enemigoykuna yanqamanta hapiruwarqaku,

Daniel 3:13

Chaymi rey Nabucodonosor sinchita piñakuspa Sadracta, Mesacta hinaspa Abed-negota pusachimurqa, paykunatam reypa ñawpaqninman chaylla pusaramurqaku.

Daniel 3:19

Rey Nabucodonosormi uyanpas pukayanankama llumpa-llumpayta piñakururqa Sadracpa, Mesacpa hinaspa Abed-negopa contranpi, hinaspam kamachikurqa hornota imaynam caldeachinankumantapas qanchis kuti mastaraq caldeachinankupaq.

Abdías 1:10

Wawqeki Jacobpa mirayninkunata ñakarichisqaykimantam penqaypi kanki, hinaspam pasaypaqta chinkanki.

Abdías 1:12

Amamiki wawqekipa ñakarisqan punchawpi asipayawaqchu karqa, amataqmi Judapa mirayninkuna tuñisqan punchawpi kusikuwaqchu karqa, nitaqmi paykunapa sasachakuynin punchawpi burlakuwaqchu karqa.

Mateo 10:17

Cuidakuychik, juezkunamanmi apasqa kankichik, sinagogakunapim azotesqa kankichik.

Mateo 10:28

Cuerpo wañuchiqkunataqa amayá manchakuychikchu, manam almataqa wañuchiyta atinmankuchu, manchakuychikqa almantinta, cuerpontinta infiernopi wiñaypaq chinkachiqtayá.

Mateo 12:24

Fariseokunañataqmi chayta uyariruspanku nirqaku: Kay runaqa demoniokunataqa qarqon demoniokuna kamachiq Beelzebupa atiyninwanmi, nispanku.

Mateo 17:5

Pedro rimachkaptinmi kancharichkaq puyuñataq paykunata pampaykurqa, hinaptinmi puyumanta kaynata nimurqa: Paymi kuyasqay Churiy, payraykum kusisqa kachkani. Payta uyariychik, nispa.

Mateo 18:21

Hinaptinmi Pedroñataq Jesusman asuykuspan nirqa: Señorlláy, ¿hayka kutikamataq contraypi wawqey huchallikuptin pampachasaq? ¿Qanchis kutikamachu? nispa.

Mateo 18:35

Chaynatam hanaq pachapi kaq Taytaypas qamkunawan ruwanqa, runamasikichikta tukuy sonqoykichikwan mana pampachaptikichikqa, nispan.

Mateo 23:15

¡Iskay uya fariseokuna hinaspa Diospa leynin yachachiqkuna, imay-naraq kankichik! Qamkunam qatiq-nikichikta maskaspa tukuy hinastinpi purimunkichik, tariruspañataqmi qamkunamantapas iskay kuti mastaraq infiernopi castigasqa kananpaq ruwa-runkichik.

Mateo 23:33

¡Maqta urukuna! ¡Maqta urupa mirayninkuna! ¿Imaynatataq infiernopi castigasqa kanaykichikmanta lluptinkichik?

Mateo 25:41

Ichoqninpi kaqkunatañataqmi ninqa: “Llapa ñakasqakuna ñoqamanta anchuychik, diablopaqwan angelninkunapaq alistasqa wiña-wiñaypaq rawrachkaq ninaman.

Mateo 26:59

Sacerdotekunapa kamachiqninkunawan cortepi kaqkunam, Jesuspa contranpi llulla rimaykunata maskarqaku, chaykunawan wañuyman sentencianankupaq.

Mateo 3:17

Hinaptinmi hanaq pachamanta huk rimariy uyarikurqa: “Paymi kuyasqay Churiy, payraykum kusisqa kachkani”, nispa.

Mateo 5:34

Ñoqam ichaqa nikichik: Amam imaraykupas jurankichikchu. Amam hanaq pacharaykupas jurankichikchu, hanaq pachaqa Diospa tiyananmi.

Mateo 5:44

Ñoqam ichaqa nikichik: Enemigoykichikkunata kuyaychik, ñakarichisuqnikichik runakunapaqpas mañapuychik.

Marcos 14:55

Sacerdotekunapa kamachiqninkunawan cortepi kaqkunam Jesuspa contranpi tukuy imata maskarqaku, chaywan acusaspa wañuchinankupaq, ichaqa manam imatapas tarirqakuchu.

Marcos 15:1

Achikyaruptinmi sacerdotekunapa kamachiqninkunawan ancianokuna, Diospa leynin yachachiqkuna hinaspa cortepi kamachikuqkuna huñunakururqaku, hinaspam Jesusta chaqnaruspanku gobernador Pilatoman entregaykurqaku.

Lucas 12:5

Kunanmi yachachisqaykichik pitam manchakunaykichikta: Manchakuychikqa wañurachispa infiernoman wischuykunanpaq atiyniyuq kaqtayá. Arí, paytam manchakunaykichikqa.

Lucas 22:66

Achikyaramuptinmi, ancianokunawan sacerdotekunapa kamachiqninkuna hinaspa Diospa leynin yachachiqkuna huñunakuruspanku Jesusta corteman aparqaku. Chaypim payta tapurqaku:

Juan 11:47

Hinaptinmi sacerdotekunapa kamachiqninkunawan fariseokuna cortepi huñunakurqaku, hinaspam nirqaku: ¿Imatataq ruwasun? Kay runaqa achkatañam milagrokunata ruwarun.

Juan 15:25

Kaykunaqa pasakuchkan leypa “yanqamantam cheqniwarqaku” nisqan cumplikunanpaqmi.

Juan 7:20

Chaymi runakunañataq nirqaku: Qamqa demonioyuqmi kanki. ¿Pitaq wañuchiyta munasuchkanki? nispanku.

Juan 8:48

Judiokunam Jesusta nirqaku: Imam kaqmantam nikiku “qamqa Samaria law” runa kasqaykimanta hinaspa demonioyuq kasqaykimanta, nispayku.

Hechos 17:18

Epicureokunapa chaynataq Estoicokunapa qatiqnin yachayniyuqkunapas Pablowanmi atipanakurqaku. Wakiqninkum nirqaku: ¿Imamantataq kay rimaysapa runa rimachkan? nispanku. Wakinñataqmi nirqaku: Sapaq dioskunamanta willakuqchusmi kay runaqa, nispanku. Chaynataqa nirqaku Jesusmanta allin noticiata willakuspa chaynataq wañusqakunapa kawsarimunanmanta yachachiptinmi.

Hechos 22:30

Soldadokunapa kamachiqninmi cheqaptapuni yachayta munarqa, imamantam llapa judiokuna Pablota acusasqankumanta. Chaymi paqarin-nintin punchaw, watachisqan cadenakunata kachaykachispan judío sacerdotekunapa kamachiqninkunatawan cortepi kamachikuqkunata huñuchirqa. Hinaspam Pablota pusaspan paykunapa qayllanpi sayachirqa.

Hechos 23:1

Chaymi cortepi kamachikuqkunata allinta qawaykuspan Pablo nirqa: Wawqellaykuna, kunankamam sonqoy hawkalla karqa Diospa qayllanpi, nispa.

Hechos 24:20

Mana chayqa kaypi kaqkunayá rimarichunku, cortepi juzgawaspanku ima mana allintam ñoqapi tarisqankuta.

Hechos 4:15

Chaymi Pedrotawan Juanta cortemanta lloqsirachirqaku kikinkupurallapi rimanankupaq.

Hechos 5:21

Chaymi achikyaruptillan temploman rispanku yachachirqaku. Sumo sacerdoteñataqmi paywan kaqkunapiwan, cortepi kaqkunapiwan huñunakunankupaq qayachirqaku Israel castakunapi lliw kamachikuqkunata. Hinaspam apostolkunata car-celmanta hurqomunankupaq kacharqaku.

Hechos 5:27

Chay autoridadkunapa kasqanman pusaramuptinkum sacerdotekunapa kamachiqnin nirqa:

Hechos 6:12

Chaynapim llapa runakunatawan judiokunapa kamachiqninkunata hinaspa Diospa leynin yachachiqkunata Estebanpa contranpi hatarirachirqaku. Chaymi qonqayta pawaykuspanku Estebanta hapiruspa corteman aparqaku.

Hechos 6:15

Hinaptinmi chay cortepi llapallan tiyaqkuna Estebanpa uyanta qawarispanku angelpa uyanta hina rikururqaku.

Hechos 7:37

Kay Moisestaqmi Israelpa mirayninkunata nirqa: “Diosmi castanchikmanta ñoqa hina profetata hatarichinqa, paytam uyarinkichik”, nispa.

Romanos 12:10

Wawqe-panintin hinayá huknikichikmanta huknikichikkama kuyanakuychik. Respetanakuspayá wakiqnikichikta imapipas aswan allinpaq hapiychik.

1~Corintios 6:10

nitaq suwakunaqa, qollqella kuyaqkunaqa, sinkakuypi kaqkunaqa, cuento qepikunaqa nitaq engañakuqkunapas.

1~Corintios 6:6

¿Allinchu kanman huk wawqe hukninpa contranpi mana iñiq autoridadkunaman quejakuynin?

Deuteronomio 15:11

Kay pachapiqa manam wakchakunaqa faltanqachu. Chayraykum ñoqa kamachikichik, castamasikichikmanta wakchayaspa yarqaymanta kaqkunawan llakipayakuq kanaykichikpaq.

Deuteronomio 16:18

Señornikichik Tayta Diospa sapa aylluman qosunaykichik llaqtakunapim juezkunatawan kamachikuqkunata churankichik, chaynapi runakunapa quejanta arreglanankupaq.

1~Tesalonicenses 4:6

Chaynaqa, amayá pipas runamasintaqa kamichunchu nitaq engañachunchu, Señorqa tukuy chaykunataqa vengakunqam. Ñam chaykunamantaqa willarqaykikuña.

Tito 3:2

Amayá pimantapas mana allintaqa rimachunkuchu, hawkalla kawsakuspa kuyapayakuq kachunku, llampu sonqo kasqankuta lliw runakunaman ima ruwasqankupipas qawachikuchunku.

Hebreos 12:25

Chaynaqa, rimapayasuqnikichiktaqa amayá qepanchakuychikchu. Kay pachapi willakuqkunata mana kasukuqkunapas castigomantaqa manam lluptirqakuchu. Hanaq pachamanta rimamuqta mana kasukuspaqa aswanraqchiki mana lluptichwanchu.

Hebreos 5:9

Chaykunawan qespichisqa karuspanmi llapallan kasuqnin runakunapaq wiñaypaq salvaqnin rikurirun.

Santiago 2:20

¡Mana yuyayniyuq runa! Kaytayá yachay, iñiyqa wañusqam kachkan allin kaqkunata mana ruwasqaqa.

Santiago 3:6

Qallunchikpas chay nina hinam, tukuy mana allinkunata rimaspan llapallan cuerponchiktaña huchallichiwanchik. Infiernopa ratachisqan nina hinam tukuy kawsayninchikta huchallichin.

1~Pedro 2:23

Insul-taptinkupas manam kutipakurqachu, ñakarichiptinkupas manam amenazarqachu, payqa mana piman sayapakuspa allin arreglo ruwaq Diospa makinmanmi churaykurqa.

1~Pedro 3:9

Mana allinmantaqa amayá mana allinwanqa kutichiychu, kamisuqnikichiktapas amayá kamiychikchu, aswanqa bendicionwanyá kutichiychik. Diosqa bendicionta chaskinaykichikpaqmi qayasurqankichik.

1~Juan 2:9

Sichum pipas ninqa “Achkiypim kachkani” nispa, ichaqa runamasintañataq cheqninqa hinaspaqa tuta-yaypiraqmi purichkan.

1~Juan 3:10

Suti reqsiyllam Diospa churinkunaqa, suti reqsiyllataqmi diablopa churinkunapas. Allin kaqkunata mana ruwaqqa hinaspa runamasinta mana kuyaqqa, manam Diospa churinchu.

1~Juan 5:16

Sichum pipas rikunman wañuyman mana apakuq huchapi iñiqmasin kasqanta, hinaspaqa paypaqmi Diosta mañapunan, sichum chay huchallikusqan wañuyman mana apakuq kaptinqa Diosmi kawsachinqa. Kantaqmi wañuyman apakuq huchapas, chayna huchapi kaqpaqqa manam mañapuychikyá nikichikchu.

Judas 1:9

Angelkunata kamachiq Miguelmi Moisespa cuerponmanta diablowan pelearqa, chaywanpas diablotaqa manam ñakarqachu, aswanqa kaynallatam nirqa: “Señoryá qaqchasunki”, nispan.

Apocalipsis 20:14

Wañuypas chaynataq wañusqakunapa kasqanpas azufreyuq rupachkaq qochamanmi wischusqa karqaku. Kayqa iskay kaq wañuymi.