Mateo 5:19 - CHUYA QELLQA La Biblia en Quechua de Ayacucho 2012

¹⁹ Chaynaqa, pipas kay kamachikuykunamanta taksallantapas mana kasukuqqa hinaspa runamasintapas kasukunanpaq mana yachachiqqa, Diospa munaychakuyninpim taksallapaq hapisqa kanqa. Pipas kasukuspa chaynataq runamasintapas kasukuyta yachachiqmi ichaqa, Diospa munaychakuyninpipas hatunpaq hapisqa kanqa.

Quechua Ayacucho Bible 1987

¹⁹ Kay *f**leypi taksallan kaq kamachikuyllatapas mana kasukuqkunaqa hinaspa runamasinmanpas chayna yachachiqkunaqa wakinkunamanta mana valeqmi kanqa Diospa munaychakusqanpi. Allinta kasukuspa yachachiqkunam ichaqa Diospa munachakusqanpi allin reqsisqa kanqa.

Chuya Qellqa 1992

¹⁹ Chaynaqa, pipas kay kamachikuykunamanta taksallantapas mana kasukuqqa hinaspa runamasintapas kasukunanpaq mana yachachiqqa, Diospa munaychakuyninpim taksallapaq hapisqa kanqa. Pipas kasukuspa chaynataq runamasintapas kasukuyta yachachiqmi ichaqa, Diospa munaychakuyninpipas hatunpaq hapisqa kanqa.

Mateo 5:19 Iomraidhean Croise

Daniel 12:3

Yachayniyuq runakunam, achkallaña runakunata allin ñanninta pusaqkunam, chuyay-chuyay kichasqa cielo hina kancharinqaku, chaskakuna hinam wiñaypaq kancharinqaku.

Mateo 11:11

Cheqaptapunim nikichik, warmimanta nacemuq runakunamantaqa manam hukllapas Bautizaq Juan hinaqa kanchu. Chaywanpas Diospa munaychakuyninpi kaqkunamanta hukkaqnin taksan kaqmi Juanmantapas aswan hatunqa.

Mateo 19:28

Chaymi Jesusñataq nirqa: Cheqaptapunim nikichik, tukuy ima-pas musoqyachisqa kanan tiempo chayaramuptinmi kancharichkaq tro-nonpi runapa Churin tiyaykunqa, hinaptinmi qamkunapas chunka iskay-niyuq tronokunapi tiyaykuspa Israel ayllukunata juzgankichik.

Mateo 20:26

Qamkuna ukupim ichaqa mana chaynachu kanqa, aswanraqmi qamkunamanta pipas kamachikuyta munaqqa wakinta servinan,

Mateo 28:20

Qam-kunaman tukuy ima kamachisqayta kasukunankupaq yachachimuychik. Ñoqaqa sapa punchawmi qamkunawan kasaq kay pacha puchukanankama, nispan.

Lucas 1:15

Payqa Diospa qayllanpipas llumpay hatunchasqam kanqa. Manam vinotapas nitaq ima sinkachikuqtapas tomanqachu. Manaraq nacechkaspanmi Chuya Espiritupa huntasqanña kanqa.

Lucas 11:42

¡Ay, imaynaraq kankichik! Llapa fariseokuna qamkunaqa hierbabuenamanta, rudamanta hinaspa tukuy rikchaq yuyukunamantam diezmota qonkichik. Allin ruwaytawan Diosta kuyaytam ichaqa qonqarunkichik. Kaytayá ruwaychik diezmo qoytapas ama qonqaspa.

Lucas 9:48

hinaspam nirqa: Kay warmachata ñoqapa sutiypi pipas chaskiqqa ñoqatam chaskiwan, pipas ñoqata chaskiwaqniyñataqmi kachamuwaqniyta chaskin. Qamkunamanta mayqannikichikpas taksan kaqmi puntapiqa kanqa, nispan.

Hechos 1:1

Teófilo, punta kaq libroypim qellqamurqayki qallarisqanmantapuni hanaq pachaman ripukunankama Jesuspa tukuy ima ruwasqanmantawan yachachisqanmanta. Manaraq ripukuchkaspam akllasqan apostolninkunata Chuya Espiritupa atiyninwan kamachirqa imam ruwanankumanta.

Romanos 3:8

Chayna kaptinqa, ¿imanasqataq mana allin kaqkunata mana ruwanchikchu allin kaqkuna hamunanpaq? Chaynata nispankum yanqamanta achkaq cargochawanku. Paykunam ninku: “Pablom chaynata yachachichkan” nispanku; chayna runakunaqa condenasqayá kachunku.

Romanos 6:1

Chaynaqa, ¿imanisuntaq? ¿Aswan-raqchu huchallikusun Diospa kuyakuynin aswan ñoqanchikpi ka-nanpaq?

Romanos 6:15

¿Hinaptinqa imatataq ruwasun? ¿Leyman hina manaña kawsaspa Diospa kuyakuyninman hinaña kawsasqanchikraykuchu, aswanraq huchallikusun? ¡Manapunim!

Deuteronomio 12:32

Chaynaqa, tukuy kamachisqaykunatam mana yapaspa nitaq qechuspa kasukunkichik.

Deuteronomio 27:26

¡Kay yachachikuykunata mana kasukuq, mana ruwayman churaq runaqa ñakasqayá kachun! nispanku. Hinaptinmi llapa runakunañataq ninqaku: ¡Amén! nispanku.

1~Timoteo 6:11

Qanmi ichaqa Diospa runan kanki, chaynaqa chay llapa mana allin ruwaykunamanta ayqekuy hinaspa imatapas allinta ruway, Diosllapaqña kawsaspa, iñiypi, kuyakuypi, pacienciakuspa hinaspa llampu sonqolla kaspa.

Tito 3:8

Kay palabraqa cheqapmi, chayraykum aswanraq yachachinaykita munani, chaynapi Diosman iñiqkuna imapas allin ruwaykunapi kanankupaq. Kayqa mayna sumaqmi hinaspa runakunapa allinninpaqmi.

1~Pedro 5:4

Chaynapim, michiqkunapa Kamachiqnin hamuptinqa, kancharichkaq mana tukuq coronata chaskinkichik.

1~Juan 3:4

Pipas huchallikuqqa leytapas manam kasukunchu, huchaqa ley mana kasukuymi.

Apocalipsis 2:20

Ichaqa kaymi contraykipi kachkan: Diosmanta willakuqmi kani niq Jezabel warmitam hatallichkanki. Paymi yacha-chispan pantachin serviqniykunata hucha-pakuykunapi purinankupaq hinaspa idolokunaman ofrecesqa aychata miku-nankupaq.

1~Samuel 2:30

Chayraykum Israelpa yupaychasqan Tayta Dios kaynata nin: Ñoqam nirqani miraynikipas chaynataq ñawpaq taytaykikunapa mirayninpas wiñaypaqña serviwanankupaq. Kunanmi ichaqa prometekusqayta mana ruwasaqñachu. Ñoqaqa pim hatunchawaqniytam hatunchasaq, qepanchawaqniytam ichaqa asllapaq hapisaq.