Mateo 5:18 - CHUYA QELLQA La Biblia en Quechua de Ayacucho 2012

¹⁸ Cheqaptapunim nikichik, hanaq pachawan kay pacha kanankamaqa, manam leypaqa huk letrallanpas nitaq huk puntollanpas qechusqachu kanqa lliw cumplikunankama.

Quechua Ayacucho Bible 1987

¹⁸ Cheqaptapunim nikichik: Cielowan kay pacha kanankamaqa *f**leypaqa huk letrachallanpas nitaq huk puntochallanpas manam qechusqachu kanqa lliw cumplikunankama.

Chuya Qellqa 1992

¹⁸ Cheqaptapunim nikichik, hanaq pachawan kay pacha kanankamaqa, manam leypaqa huk letrallanpas nitaq huk puntollanpas qechusqachu kanqa lliw cumplikunankama.

Mateo 5:18 Iomraidhean Croise

Isaías 40:8

Qoraqa chakiruqllam, waytapas wichiruqllam, Diosninchikpa palabranmi ichaqa wiña-wiñaypaq takyan.

Isaías 44:26

Serviqniykunapa rimasqantam ichaqa cumplichini, kachasqaykunapa willakuyninkutapas allintam qespichini, chaymi ima ruwayninkupas allin lloqsin. Jerusalentam nini: Llaqtayankim nispay; Judatañataqmi nini: Kaqllamantam hatarichisqa kanki, tuñichisqa perqaykikunatam musoqmanta hatarichisaq, nispay.

Isaías 51:6

Cielokunata qawariychik, kay pachatapas qawariychik; cielokunapas qosni hinallam chinkarunqa, kay pachapas mawka pacha hinallam tukurunqa, runankunapas lliwmi puchukarunqa. Salvacionniymi ichaqa wiña-wiñaypaq takyanqa, allinkuna ruwasqayqa mana tukuqmi kanqa.

Mateo 10:15

Cheqaptapunim nikichik, chay llaqtaqa juicio punchawpim Sodoma hinaspa Gomorra llaqtakunamantapas aswan castigasqa kanqa.

Mateo 10:23

Sichum hukkaqnin llaqtapi qatikachasuptikichikqa huklaw llaqtaman ayqekuychik. Cheqaptapunim nikichik, runapa Churinqa hamunqa Israelpi llaqtan-llaqtan puriyta manaraq tukuchkaptikichikmi.

Mateo 10:42

Pipas qatiqniykunamanta taksan kaqkunallamanpas chiri yakullatapas qoykuqqa, qatiqniy kasqanraykum premionta chaskinqa.

Mateo 11:11

Cheqaptapunim nikichik, warmimanta nacemuq runakunamantaqa manam hukllapas Bautizaq Juan hinaqa kanchu. Chaywanpas Diospa munaychakuyninpi kaqkunamanta hukkaqnin taksan kaqmi Juanmantapas aswan hatunqa.

Mateo 13:17

Cheqaptapunim nikichik, achka profetakunawan allin kawsakuq runakunam qamkunapa rikusqaykichik rikuykuyta munarqaku, ichaqa manam rikurqakuchu; uyarisqaykichiktam uyariykuyta munarqaku, ichaqa manam uyarirqakuchu.

Mateo 16:28

Cheqaptapunim nikichik, kaypi kaqkunamantaqa achkaqmi mana wañunqakuchu runapa Churinta munaychakunanpaq hamuqta rikunankukama.

Mateo 17:20

Chaymi Jesusñataq nirqa: Pisi iñiyniyuq kasqaykichikraykum. Cheqaptapunim nikichik, sichum iñiyni-kichik huk mostazapa muhun hinallapas kaptinqa, kay orqotam niwaqchik: “Kaymanta waklawman suchuy” nispa, hinaptinqa pasanmanmi. Manam imapas sasaqa kanmanchu, nispan.

Mateo 18:18

Cheqaptapunim nikichik, kay pachapi watasqaykichikqa hanaq pachapipas watasqataqmi kanqa, kay pachapi paskasqaykichikpas hanaq pachapipas paskasqataqmi kanqa.

Mateo 18:3

nirqa: Sichum warmakuna hina mana kaspaykichikqa, cheqaptapunim Diospa munaychakuyninmanqa mana yaykunkichikchu.

Mateo 19:23

Hinaptinmi discipulonkunata Jesús nirqa: Cheqaptapunim nikichik, apuqa mayna sasatam Diospa munaychakuyninman yaykunqa.

Mateo 19:28

Chaymi Jesusñataq nirqa: Cheqaptapunim nikichik, tukuy ima-pas musoqyachisqa kanan tiempo chayaramuptinmi kancharichkaq tro-nonpi runapa Churin tiyaykunqa, hinaptinmi qamkunapas chunka iskay-niyuq tronokunapi tiyaykuspa Israel ayllukunata juzgankichik.

Mateo 21:21

Chaymi Jesusñataq nirqa: Cheqaptapunim nikichik, sichum iñispaykichik mana iskayrayaspaqa manam kay higos sachawan ruwas-qayta hinallachu ruwawaqchik, aswan-qa kay orqotapas niwaqchikmi: “Kay-manta suchuspa lamar qochaman wischukuykuy” nispaykichik, hinaptinqa chaynam kanman.

Mateo 21:31

¿Kay iskayninkumanta mayqantaq taytanpa munasqanta ruwarqa? nispa. Chay runakunañataqmi nirqaku: Punta kaqmi, nispanku. Jesusñataqmi nirqa: Cheqaptaqa impuesto cobraqkunawan chuchumikakunaraqmi qamkunapa ñawpaqnikichikta Diospa munaychakuyninman richkanku.

Mateo 23:36

Cheqaptapunim nikichik, chay llapallan castigoqa kunan tiempopi kawsaq miraykunamanmi chayamusunkichik.

Mateo 24:2

Chaymi Jesús nirqa: ¿Qawachkankichikchu tukuy kaykunata? Cheqaptapunim nikichik, manam chulla rumillapas perqasqaqa qepanqachu, lliwmi tuñichisqa kanqa, nispa.

Mateo 24:47

Cheqaptapunim nikichik, patronninqa tukuy kapuqninkunata nanachikunanpaqñam churaykunqa.

Mateo 25:12

Payñataqmi nimurqa: “Qamkunataqa manam reqsikichikchu”, nispa.

Mateo 25:40

Hinaptinmi Reyñataq ninqa: “Cheqaptapunim nikichik, pipas kay waw-qeykunamanta taksan kaqllapaqpas ruwaspaykichikqa ñoqapaqmi ruwarqankichik”, nispan.

Mateo 25:45

Chaymi payñataq ninqa: “Cheqap-tapunim nikichik, sichum kaykuna-manta taksan kaqllapaqpas mana ruwaspaykichikqa ñoqapaqpas manam ruwarqankichikchu”, nispa.

Mateo 5:26

Che-qaptapunim niki: Chaymantaqa manam lloqsimunkichu lliw manuykita paganaykikama.

Mateo 6:16

Ayunaspaykichikqa amayá iskay uyakuna hina llaki uyantinqa kaychikchu, paykunaqa chaynata ruwanku ayunasqankuta runakunawan qawachikunanpaqmi. Cheqaptapunim nikichik, paykunapaqa ñam pagonku kachkanña.

Mateo 6:2

Wakchaku-nata yanapaspaykiqa amayá pimanpas willakachakuychu, iskay uyakunallam sinagogakunapi hinaspa callekunapi chaynataqa ruwanku runakunapa alabasqan kanankupaq. Cheqaptapunim nikichik: Paykunapaqqa ñam pre-mionku kachkanña.

Mateo 8:10

Chayna nisqanwanmi Jesús admirakurqa, hinaspam qatiqninkunata nirqa: Cheqaptapunim nikichik, Israelpi-punipas manam kayna iñiyniyuqtaqa tarirqanichu.

Marcos 10:15

Cheqaptam nikichik, pipas wawakuna hina Diospa munaychakuyninta mana chaskispanqa, chay munaychakuymanqa manam yaykunqachu, nispa.

Marcos 10:29

Chaymi Jesusñataq nirqa: Cheqaptapunim nikichik, pipas ñoqa-rayku hinaspa allin noticiarayku wasinta, wawqe-paninkunata, turi-ñañankunata, taytanta, mamanta, warminta, churin-kunata, chakrankunata saqeqqa,

Marcos 11:23

Cheqap-tapunim nikichik, pipas sonqonpi mana iskayrayaspa kay orqota ninman: “Kaymanta suchuspa lamar qochaman wischukaykamuy” nispa, chay nisqan cumplikunanta creeptinqa, ruwasqam kanqa.

Marcos 12:43

Hinaptinmi discipulonkunata qayaykuspan Jesús nirqa: Cheqaptapunim nikichik, wak wakcha viudam llapa apukunapa churasqanmantapas aswan mastaqa churarun.

Marcos 13:30

Cheqaptapunim nikichik, tukuy kaykunaqa cumplikunqa manaraqpas kay miray runakuna tukuchkaptinmi.

Marcos 14:18

Chaymi mikuspa tiyachkaptinku Jesús nirqa: Cheqaptam nikichik, kaypi ñoqawan mikuqmantam hukkaqnikichik entregawanqa, nispa.

Marcos 14:25

Cheqaptapunim nikichik, manañam uvaspa rurunmantaqa tomasaqñachu Diospa munaychakuyninpi musoq vinota tomanaykama, nispa.

Marcos 14:30

Chaymi Jesús nirqa: Cheqaptam niki, kunan tutam manaraqpas utulu iskay kutikama waqachkaptin kimsa kutikama negawanki, nispa.

Marcos 14:9

Cheqaptapunim nikichik, kay pachapi maypipas Diosmanta allin noticia willakusqa kaptinmi kay warmipa ruwasqanpas willakusqa kanqa, chaynapi paymanta yuyarinankupaq, nispa.

Marcos 3:28

Cheqaptapunim nikichik: Diosqa pampachanqam runakunapa huchankutawan kikin kamisqankutapas.

Marcos 6:11

Sichum may llaqtapipas mana chaskisuptikichikqa hinaspa mana uyarisuptikichikqa, chaymanta lloqsispam usutaykichikpa polvontapas taspinkichik, chaynapi Diospa palabran wischupakuq kasqankuta yachanankupaq.

Marcos 8:12

Jesusñataqmi llakirikuspan paykunata nirqa: ¿Imanasqataq kay runakunaqa señaltaraq mañawanku? Cheqaptam nikichik, manam ima señalpas ruwasqachu kanqa, nispa.

Marcos 9:1

Cheqaptapunim nikichik, kaypi kaqkunamantam wakiqninku mana wañunqachu Diospa munaychakuynin atiywan hamuqta rikunankukama, nispa.

Marcos 9:41

Ñoqapa kasqaykichikrayku huk vaso yakullatapas ñoqapa sutiypi qoykusuqnikichikqa, cheqaptapunim premionta chaskinqa.

Lucas 11:51

Abelpa wañusqanmanta qallaykuspa Zacariaskama, Zacariastam altarmanta santuarioman rinapi wañurachirqaku. Chayraykum nikichik, paykunapa wañusqanmantam kunan miraykunata cuentata Dios mañanqa.

Lucas 12:37

Mayna kusisqam kanqaku patronnin kutimuspa rikchachkaqta tariykamusqan sirvientekunaqa. Cheqaptapunim nikichik, patronninkuqa allichakuykuspanmi paykunata mesapi tiyaykachispan kikinpuni serviykunqa.

Lucas 13:35

Chayraykum wasikichikpas chunninqa. Nikichikmi, manañam rikuwankichikñachu: “Señorpa sutinpi hamuqyá qapaqchasqa kachun” nispa niwanaykichik punchawkama.

Lucas 16:17

Kay pachawan hanaq pachach chinkarunman, Diospa kamachikuyninpam ichaqa huk letrallanpas mana chinkanqachu.

Lucas 18:17

Cheqaptam nikichik, pipas wawakuna hina Diospa munaychakuyninta mana chaskiqqa, manapunim chaymanqa yaykunqachu, nispa.

Lucas 18:29

Jesusñataqmi nirqa: Cheqaptapunim nikichik, pipas Diospa munaychakuyninrayku wasinta, warminta, wawqe-paninkunata, turi-ñañankunata, tayta-mamanta, churinkunata saqeqqa,

Lucas 23:43

Chaymi Jesusñataq nirqa: Cheqaptapunim niki, kunanpunim ñoqawan paraisopi kanki, nispa.

Lucas 4:24

Cheqaptapunim nikichik, manam mayqan profetapas llaqtanpiqa allin chaskisqachu.

Juan 1:51

Cheqaptapunim nikichik: Kunan-mantam rikunkichik hanaq pachata kicharayachkaqta hinaspa Diospa angelninkuna runapa Churinpa hawanman uraykamuspa wicharichkaqta, nispa.

Juan 10:1

Cheqaptapunim nikichik: Pipas ovejapa corralninman mana punkunta yaykuspa huklawnin yaykuqqa suwam hinaspa salteaqmi.

Juan 10:7

Jesusmi huktawan nirqa: Cheqaptapunim nikichik, ñoqam ovejakunapa yaykunan punku kani.

Juan 12:24

Cheqaptapunim nikichik, allpaman huk trigo wichispa mana wañuspanqa hina kaqllam kanqa, wañuspanmi ichaqa achkallataña rurunqa.

Juan 13:16

Cheqaptapunim nikichik, sirvienteqa manam maschu patronninmantaqa, nitaqmi willakuq riqpas maschu kachaqninmantaqa.

Juan 13:38

Jesusñataqmi nirqa: ¿Vidaykitachu ñoqapaq qonki? Cheqap-tapunim niki, manaraqpas utulu waqach-kaptinmi kimsa kutikama negawanki, nispa.

Juan 14:12

Cheqaptapunim nikichik, ñoqapi creeqqa ruwanqam ñoqapa ruwasqaykunata, payqa ñoqapa ruwasqaymantapas aswan hatun kaqkunataraqmi ruwanqa, chaynataqa ruwanqa Taytamanña risqayraykum.

Juan 16:20

Cheqaptapunim nikichik, qamkunam waqaspa llakikunkichik, hinaptinmi runakunañataq kusikunqaku. Ichaqa qamkuna llakipi kaptikichikpas, chay llakikuynikichikmi kusikuyman tikrasqa kanqa.

Juan 16:23

Chay punchawpiqa manañam imamantapas tapuwankichikchu. Cheqaptapunim nikichik, sutiypi mañakuptikichikqa Taytaqa qosunkichikmi.

Juan 21:18

Cheqaptapunim niki, mozoraq kaspaykiqa weqawnikita watakuykuspam munasqaykiman riq kanki, yuyaqña kaptikim ichaqa hukña watasunki rikraykita hoqariptiki hinaspam pusasunki mana riy munasqaykikunaman.

Juan 3:11

Cheqaptapunim niki, yachasqayku kaqtam rimaniku, rikusqayku kaqtataqmi willakunikupas, qamkunam ichaqa willasqaykuta mana creenkichikchu.

Juan 3:3

Chaymi Jesusñataq nirqa: Cheqaptapunim niki, pipas mana musoqmanta nacespaqa manam rikunqachu Diospa munaychakusqantaqa, nispa

Juan 3:5

Jesusñataqmi nirqa: Cheqaptapunim niki, pipas yaku-mantawan Espiritumanta mana naceqqa Diospa munaychakuyninmanqa manam yaykunqachu.

Juan 5:19

Jesusmi nirqa: Cheqaptapunim nikichik, Churiqa kikillanmantaqa manam ima ruwaytapas atinmanchu, aswanqa Taytapa ruwasqankuna rikusqallantam. Taytapa tukuy ima ruwasqantam Churipas ruwan.

Juan 6:26

Chaymi Jesusñataq nirqa: Cheqaptapunim nikichik, qamkunaqa saksanaykichikkama tantata mikusqaykichikraykum maskawachkankichik, manam milagrokuna qawasqaykichikraykuchu.

Juan 6:32

Chaymi Jesusñataq nirqa: Cheqaptapunim nikichik, manam Moiseschu hanaq pachamanta hamuq tantataqa qosurqankichik, aswanqa Taytaymi hanaq pachamanta cheqap tantataqa qosuchkankichik.

Juan 6:47

Cheqaptapunim nikichik, pipas ñoqapi iñiqqa wiñay kawsayniyuqñam.

Juan 6:53

Jesusñataqmi nirqa: Cheqaptapunim nikichik, runapa Churinpa aychanta mana mikuspaykichikqa chaynataq yawarniytapas mana tomaspaykichikqa manam kawsankichikchu.

Juan 8:34

Jesusñataqmi nirqa: Cheqaptapunim nikichik, huchakuna ruwaqqa huchapa esclavonmi.

Juan 8:51

Cheqaptapunim nikichik, pipas palabraykunata waqay-chaqkunaqa manam haykapipas wañun-qachu, nispa.

Juan 8:58

Hinaptinmi Jesusñataq nirqa: Cheqaptapunim nikichik, manaraqpas Abraham kachkaptinqa ñoqaqa ñam karqaniña, nispa.

1~Pedro 1:25

Señorpa palabranmi ichaqa wiña-wiñaypaq takyan”, nispa. Chay palabranqa allin noticiam, qamkunamanmi willasqa karqa.

Apocalipsis 20:11

Chaynataqmi rikurqani hatu-hatun yuraq tronotapas, rikurqanitaqmi chaypi tiyaqtapas. Paypa ñawpaqninmantam hanaq pachawan kay pacha chinkarurqa, hinaptinmi paykunapa kananpaq mana maypas karqachu.