Mateo 5:11 - CHUYA QELLQA La Biblia en Quechua de Ayacucho 2012

¹¹ Mayna kusisqam kankichik ñoqa-rayku kamisuptikichik, ñakarichi-suptikichik hinaspa contraykichikpi llullakunata rimaptinkuqa.

Quechua Ayacucho Bible 1987

¹¹ —Mayna kusisqam kankichik ñoqarayku runakuna kamispa ñakarichisuptikichikqa hinaspa contraykichikpi llullakuspa tukuy imatapas nisuptikichikqa.

Chuya Qellqa 1992

¹¹ Mayna kusisqam kankichik ñoqarayku kamisuptikichik, ñakarichisuptikichik hinaspa contraykichikpi llullakunata rimaptinkuqa.

Mateo 5:11 Iomraidhean Croise

Isaías 25:8

Tayta Diosmi wañuyta wiñaypaq chinkachinqa, lliw runapa weqentam pichanqa, llaqtanpa penqaypi kasqantam kay pachamanta chinkachinqa. Tayta Diosmi chaynata nin.

Isaías 51:7

Allin ruwayta yachaqkuna, yachachikuyniyta sonqoykichikpi hatalliqkuna uyariwaychik: Runakuna kamisuptikichikpas ama hukmanyaychikchu, usuchisuptikichikpas ama llakikuychikchu.

Isaías 66:5

Tayta Diospa nisqanta kasukuqkuna uyariychik. Ñoqata kuyawasqaykichikrayku cheqnispa wischusuqnikichik wawqekichikkunam kaynata ninku: “Tayta Diosyá atiyninta qawachikuchun, chaynapi kusikusqaykichikta qawanaykupaq”, nispanku. Ichaqa paykunam penqayman churasqa kanqaku.

Jeremías 37:14

Chaymi Jeremías nirqa: Manam chaynachu, Caldea runakunamanqa manam hukllawakuyta munanichu, nispa. Ichaqa Iriasmi mana kasuspan Jeremiasta presocharuspam kamachikuqkunaman pusarqa.

Mateo 10:18

Ñoqaraykum reykunapa hinaspa kamachikuqkunapa qayllanman apasqa kankichik, chaynapi paykunamanwan Diosta mana reqsiqkunaman ñoqamanta willakunaykichikpaq.

Mateo 10:22

Ñoqaraykum llapallan runakuna cheqnisunkichik, ichaqa pipas tukupaykama takyaqmi salvakunqa.

Mateo 10:25

Discipulo-paqqa yachachiqnin hinalla kayninmi allinqa, criadopaqpas allinqa patronnin hina kayninmi. Sichum ñoqatapuni Beelzebuwan sutichawachkaspankuqa aswanraqchiki qamkunataqa.

Mateo 10:39

Pipas vidanta salvay munaqqa wañurunqam, pipas ñoqarayku wañuqmi ichaqa kawsanqa.

Mateo 19:29

Pipas wasinkunata, wawqenkunata, paninkunata, taytanta, mamanta, warminta, churinkunata, chakrankunata ñoqa-rayku saqeqqa, pachak kuti mastam chaskinqa, chaskinqataqmi wiñay kawsaytapas.

Mateo 24:9

Hinaptinmi ñakarinaykichikpaq entregasqa kaspa wañuchisqa kankichik, ñoqaraykum llapa runakuna cheqnisunkichik.

Mateo 27:39

Chaynin pasaqkunañataqmi umankutapas aywisparaq kamirqaku:

Marcos 13:13

Ñoqaraykum lliw runakuna cheqnisunkichik, ichaqa tukupaykama takyaqmi salvasqa kanqa.

Marcos 13:9

Qamkunaqa kikikichikyá cuidakuychik, juezkunaman entregasqam kankichik, sinagogakunapim maqasqa kankichik. Ñoqaraykum kamachikuqkunapa chaynataq reykunapa qayllanman apasqa kankichik, chaynapim paykunamanpas ñoqamanta willakunkichik.

Marcos 4:17

ichaqa mana allin sapichasqa kasqankuraykum mana unaytachu takyan. Diospa palabranrayku ñakarichisqa hinaspa qatikachasqa kaspankum chaylla kutikunku.

Marcos 8:35

Pipas vidanta salvay munaqqa chinkarunqam, ñoqarayku hinaspa evangeliorayku wañuqmi ichaqa vidanta salvanqa.

Lucas 21:12

Ichaqa manaraq chaykuna pasa-kuchkaptinmi, presochasqa hinaspa qatikachasqa kankichik. Sinago-gakunaman hinaspa carcelkunaman apasqam kankichik. Ñoqaraykum reykunapa hinaspa gobernadorkunapa qayllanman apasqa kankichik.

Lucas 21:17

Ñoqaraykum llapallan runakuna cheqnisunkichik.

Lucas 6:22

Mayna kusisqam kankichik runapa Churinrayku, cheqnisqa, qarqosqa, kamisqa hinaspa sutikichiktapas mana kaqpaq hapiptinkuqa.

Lucas 9:24

Pipas vidanta salvay munaqqa wañunqam, pipas ñoqarayku wañuqmi ichaqa salvakunqa.

Juan 15:21

Tukuy chaykunataqa ñoqaraykum ruwasunkichik, kachamuwaqniyta mana reqsisqankurayku.

Juan 9:28

Chaynata niptinmi insultaspanku nirqaku: Qanmi discipulonqa kanki, ñoqaykuqa Moisespa discipulonkunam kaniku.

Hechos 9:16

Ñoqam payman qawachisaq ñoqarayku imaynam llumpay ñakarinanta.

Romanos 8:36

Chuya Qellqapim kaynata nin: “Qamraykum sapa punchaw wañuypa patanpi kachkaniku, nakanapaq ovejakunata hinam qawawanku”, nispa.

1~Corintios 4:10

Ñoqaykuqa Cristoraykum mana yachayniyuqpaq hapisqa kaniku, qamkunam ichaqa Cristopi yachayniyuq kankichik. Ñoqaykutaqa mana kallpayuqpaqmi hapiwanku, qamkunam ichaqa kallpasapa kachkankichik. Runakunam qamkunata res-petasunkichik, ñoqaykutañataqmi despreciawanku.

2~Corintios 4:11

Kawsanaykukamaqa Jesusraykum wañuypa patanpi sapa punchaw kach-kaniku, chaynapi kay wañuq cuerpoykupi Jesuspa kawsasqan qawasqa kananpaq.

Filipenses 1:29

Diosmi qamkunaman qosurqankichik Cristopi hapipakuyta chaynataq payrayku ñakariytapas.

1~Pedro 2:23

Insul-taptinkupas manam kutipakurqachu, ñakarichiptinkupas manam amenazarqachu, payqa mana piman sayapakuspa allin arreglo ruwaq Diospa makinmanmi churaykurqa.

1~Pedro 4:14

Mayna kusisqam kankichik, Jesu-cristorayku insultasuptikichikqa, qam-kunapim sumaq kanchariq Diospa Espiritun sapa punchaw kachkan.

Apocalipsis 2:3

Ñakarispapas pacienciakurqankim, ñoqaraykutaqmi mana pisipaspa llumpa-llumpayta llamkarqanki.