Mateo 4:24 - CHUYA QELLQA La Biblia en Quechua de Ayacucho 2012

²⁴ Jesuspa ancha reqsisqa kayninta yacharuspankum Siria lawpi kaqkunapas tukuy rikchaq onqoywan kaqkunata, nanaywan ñakariqkunata, demoniopa ñakarichisqankunata, wañuymañayuqkunata hinaspa suchu-kunata apamurqaku, paykunatam Jesús sanoyachirqa.

Quechua Ayacucho Bible 1987

²⁴ Jesusmanta Siria lawpi llapallan kaqkuna yacharuspankum apamurqaku tukuy rikchaq onqoywan, nanaywan kaqkunata, demoniopa ñakarichisqankunata, wañuy mañayoqkunata hinaspa suchukunata, paykunatam Jesus sanoyachirqa.

Chuya Qellqa 1992

²⁴ Jesuspa ancha reqsisqa kayninta yacharuspankum Siria lawpi kaqkunapas tukuy rikchaq onqoywan kaqkunata apamurqaku, nanaywan ñakariqkunata, demoniopa ñakarichisqankunata, wañuy mañayuqkunata hinaspa suchukunata, paykunatam Jesús sanoyachirqa.

Mateo 4:24 Iomraidhean Croise

2~Samuel 8:6

Hinaspam rey Davidqa tropankunata churarurqa Damasco law Siria nacionpi, chaymi Siria nacionniyuq runakunaqa Davidta servispanku impuestota pagarqaku. Chaynatam rey Davidta mayman peleaq riptinpas Dios vencechirqa.

1~Reyes 10:1

Tayta Diospa yachay qosqanwan Salomón ancha reqsisqa kasqanta uyariruspanmi Sabá nacionpa reinan ancha sasa tapukuykunawan pruebananpaq hamurqa.

1~Reyes 4:31

Llapallan runakunamantapas aswan yachayniyuqmi karqa. Zera castamanta kaq Etanmantapas chaynataq Maholpa kimsan churinkunamantapas, Hemanmanta, Calcolmanta hinaspa Dardamantapas aswan yachayniyuqmi karqa. Chaynapim muyuriqninpi nacionkunapa ancha reqsisqan karqa.

1~Crónicas 14:17

Davidpa tukuy ima ruwasqankunam llapa nacionkunapi uyarikurqa, Tayta Diosñataqmi chay nacionkunaman manchakuyta qoykurqa Davidta manchakunankupaq.

1~Crónicas 29:2

Kallpanchakuspaymi Diosniypa templonta ruwachinaypaq alistaruni: Qorita, qollqeta, bronceta, fierrota, qerukunata, chaykunawan templota hinaspa servicionkunata ruwanankupaq. Alistaru-nitaqmi: Ónice rumita, yana rumita, rikchaqmana colorniyuq rumikunata, kuyayllapaq rumikunatapas, mármol rumikunatapas achkallatañam alistaruni.

Éxodo 15:26

Tayta Diosmi nirqa: Ñoqaqa Tayta Diosmi kani, sichu ñawpaqniypi allin kaqkunata ruwaspa kamachikuyniykunata uyariptikiqa chaynataq decretoykunatapas kasukuptikiqa, Egipto runakunaman apachisqay mayqannin onqoykunatapas manam apachimusqaykichu. Ñoqaqa hampiqniki Diosmi kani, nispa.

Mateo 12:22

Chaymantam demoniopa huntasqan mana rimaq ñawsa runata Jesusman aparamurqaku. Chaymi sanoyarachiptin qawarikururqa hinaspam rimarqaña.

Mateo 14:1

Chay tiempopim Jesuspa ruwasqankunata Herodes uyarirurqa.

Mateo 15:22

Hinaptinmi chaylawpi cananea warmi, kaynata qaparispan Jesusman asuykurqa: ¡Davidpa Churin Señorlláy, kuyapayariykullaway! ¡Warmi wawallaytam demonio llumpayta ñakarichichkan! nispan.

Mateo 17:15

Señorlláy, churillaytayá kuyapayariykuy, wañuymaña hapiptinmi llumpayta ñakarin, achka kutipim nina-manraq yakumanraq wichiykarin.

Mateo 17:18

Aparamuptinkum demoniota Jesús qaqcharqa, chaymi warmamanta demonio lloqsiruptin sanoyarurqa.

Mateo 4:23

Jesusmi lliw Galilea llaqtapi pu-rirqa, Diospa munay chakuyninmanta allin noticiata sinagogakunapi willa-kustin, tukuy rikchaq onqoyniyuqkunata hinaspa nanayniyuqkunata sanoyachistin.

Mateo 8:28

Lamar qochapa waklawninpi Gadara llaqtaman Jesús chayaruptinmi, panteonmanta lloqsimuq iskay runakuna payman taripaykamurqaku, iskayninkum demoniokunapa huntasqan runakuna karqaku, manchakuypaq kasqankuraykum chaynintaqa mana pipas puriqkuchu.

Mateo 8:33

Kuchi michiqkunañataqmi ayqe-ruspanku llaqtaman chayarurqaku, hinas-pam demoniopa huntasqan runakunawan imam pasakusqanta willakurqaku.

Mateo 8:6

Señorlláy, criadoymi suchuyaruspan wasiypi llumpayta ñakarichkan, nispan.

Mateo 9:26

Chay ruwasqanmi llapallan llaqtakunapi uyarikurqa.

Mateo 9:35

Jesusmi llapallan llaqtakunapi hinaspa taksa llaqtakunapipas purirqa, Diospa munaychakuyninmanta sinagogakunapi willakustin, tukuy rikchaq onqoyniyuqkunata hinaspa nanayniyuqkunata sanoyachistin.

Marcos 1:28

Jesuspa tukuy chaykuna ruwasqantam tukuy Galilea lawpa muyuriqninpi kaqkuna chaylla yacharurqaku.

Marcos 1:32

Tutaykamuptinmi llapa onqoqku-natawan demoniopa huntasqankunata Jesusman pusamurqaku.

Marcos 2:3

Chaymanmi huk suchu runata tawa runakuna chakanapi apamurqaku.

Marcos 2:4

Huntallaña kasqankuraykum Jesuspa kasqankamaqa mana apaykuyta atirqakuchu, chaymi wasipa qatanta Jesuspa kasqan lawta kicharamuspanku chay suchuta uraykachimurqaku.

Marcos 2:9

¿Mayqantaq fácil kanman: Kay suchuta “huchaykikunaqa pampachasqañam” niychu, icha “hatarispayki chakanaykita hoqarispa puriy” niychu?

Lucas 2:2

Kay punta kaq censom apakurqa Siria nacionpi Cirenio gobernador kachkaptin.

Lucas 4:14

Chuya Espiritupa huntaykusqanmi Jesusqa Galilea lawman kutirqa, chaymi muyuriqnin llaqtakunapipas anchallataña paymanta rimarqaku.

Lucas 4:38

Jesusmi sinagogamanta lloqsiruspan Simonpa wasinman rirqa. Simonpa suegranñataqmi llumpay calenturawan kachkarqa, chaymi Jesusta paypaq valekurqa.

Lucas 5:15

Chaywanpas Jesusmanta rimay aswan-aswan uyarikuptinmi, payta uyarinankupaq hinaspa onqoyninkumanta sanoyachinanpaq llapa runakuna huñunakamurqaku.

Lucas 5:24

Kunanmi yachankichik runapa Churinqa huchakunata pampachananpaq kay pachapi atiyniyuq kasqanta, nispan. Chaynata niruspanmi suchutañataq nirqa: Qamtam niki, hatarispayki chakanaykita hoqarispa wasikiman ripukuy, nispa.

Lucas 7:17

Jesuspa kaykuna ruwasqanmi tukuy Judea lawpi chaynataq muyuriqnin llaqtakunapipas willakusqa karqa.

Juan 10:21

Wakiqninñataqmi nirqaku: Demoniopa huntasqanqa manam kaynataqa rimanmanchu. Demonioqa manataqmi ñawsataqa qawarichinmanchu, nispanku.

Hechos 10:38

hinaspa imaynam Nazaretmanta kaq Jesucristota Chuya Espiritupa atiyninwan Dios huntaykusqantaqa; paymi purirqa allinkunata ruwastin chaynataq Satanaspa ñakarichisqan runakunata sanoyachistin, tukuy chaykunataqa ruwarqa paywan Dios kasqanraykum.

Hechos 15:23

Paykunawanmi kay cartata apachirqaku: “Apostolkunawan iñiqmasinchik ancianokunam rimaykamuykiku Antioquiapi, Siriapi hinaspa Ciliciapi kaq mana judío wawqe-panikunata.

Hechos 15:41

Hinaspam Siria lawninta, Cilicia lawninta llapa iñiqkunata kallpanchastin rirqaku.

Hechos 28:9

Chay islapi yachaq wakin onqoqkunapas chayta yacharuspankum Pabloman hamurqaku hinaspam sanoyarqaku.

Hechos 8:7

Demoniopa huntasqan runakunatapas achkaqtam sanoyachirqa, runakunamantam chay demoniokuna qaparistin lloqsiqku. Suchukunawan wistukunapas sanoyarqakum.

Josué 6:27

Tayta Dios yanapasqanraykum Josueyqa tukuy hinastinpi ancha reqsisqa karqa.