Mateo 4:23 - CHUYA QELLQA La Biblia en Quechua de Ayacucho 2012

²³ Jesusmi lliw Galilea llaqtapi pu-rirqa, Diospa munay chakuyninmanta allin noticiata sinagogakunapi willa-kustin, tukuy rikchaq onqoyniyuqkunata hinaspa nanayniyuqkunata sanoyachistin.

Quechua Ayacucho Bible 1987

²³ Jesusmi purirqa lliw Galilea law llaqtakunapi, *f**huñunakunanku wasikunapi Diospa munaychakusqanmanta allin noticiata willakustin hinaspa tukuy rikchaq onqoyniyoqkunata sanoyachistin.

Chuya Qellqa 1992

²³ Jesusmi lliw Galilea llaqtapi purirqa, sinagogakunapi Diospa munaychakuyninmanta allin noticiata willakustin, tukuy rikchaq onqoyniyuqkunata hinaspa nanayniyuqkunata sanoyachistin.

Mateo 4:23 Iomraidhean Croise

Mateo 11:5

Ñawsakunam qawakuchkanña, suchukunam purichkankuña, leprayuqkunam sanoyarunkuña, mana uyarikuqkunam uyarikuchkan-kuña, wañusqakunam kawsarinku, wak-chakunapas evangeliotam uyarichkanku, nispaykichik.

Mateo 12:9

Jesusmi chaymanta pasakuspan sinagogaman yaykururqa.

Mateo 13:19

Ñanman wichiykuq muhum Diospa munaychakuyninmanta palabrata uyarichkaspan mana entiendeq runaman rikchakun, paypa sonqonpi tarpusqa muhuta supay hamuruspa qechurusqanrayku.

Mateo 13:54

Nazaret llaqtanman chayarurqa, hinaspam sinagogapi yachachiyta qallaykurqa. Runakunañataqmi admirakuspa nirqaku: ¿Maymantataq kay yachaykunata hurqoramun? ¿Imaynatataq kay milagrokunata ruwan?

Mateo 14:14

Jesusñataqmi barcamanta uraykuspan chay achkallaña runakunata qawaykurqa, chaymi llakipayarikuspan paykuna ukupi kaq onqoqkunata sanoyachirqa.

Mateo 24:14

Diospa munaychakuyninmanta allin noticiam lliw kay pachapi willakusqa kanqa, chaynapi lliw runa yachananpaq, hinaptinñam tukupayqa hamunqa.

Mateo 3:2

Huchaykichikmanta wanakuychik, Diospa munaychakuyninmi hichparamunña, nispan.

Mateo 9:35

Jesusmi llapallan llaqtakunapi hinaspa taksa llaqtakunapipas purirqa, Diospa munaychakuyninmanta sinagogakunapi willakustin, tukuy rikchaq onqoyniyuqkunata hinaspa nanayniyuqkunata sanoyachistin.

Marcos 1:14

Juanta carcelaruptinkum Galilea lawman Jesús rirqa Diospa munaychakuyninmanta allin noticiata kaynata willakustin:

Marcos 1:21

Capernaúm llaqtaman chayaruptinkum, samana punchawpi sinagogaman Jesús yaykurqa, hinaspam yachachiyta qallaykurqa.

Marcos 1:39

Chaynapim Jesusqa tukuy Galilea lawkunapi purirqa, sinagogakunapi willakustin chaynataq runakunamanta demoniokunata qarqostin.

Marcos 3:10

Chaynataqa kamachikurqa, achka onqoqkunataña sanoyarachisqanraykum tukuy rikchaq onqoyniyuqkunapas Jesusta llapchaykunankupaq ñitinakustin asuykusqankuraykum.

Marcos 6:2

Samana punchaw chayaramuptinmi sinagogapi yachachiyta qallaykurqa, chaymi uyariqninkunañataq admirakuspa tapukurqaku: ¿Maypitaq kay runa tukuy kaykunata yacharamun? ¿Maymantataq kaynaña yachayta hurqoramun? ¿Imaynatataq milagrokunata ruwan?

Marcos 6:6

Jesusmi hukmanraq tarikurqa llaqtamasinkuna paypi mana creesqankurayku. Jesusmi hichpan llaqtakunapi yachachistin purirqa.

Lucas 10:9

hinaspam onqoqkunata sanoya-chispa ninkichik: “Diospa munaychakuyninmi hichpallaykichikpiña kachkan”, nispaykichik.

Lucas 13:10

Jesusmi samana punchawpi sinagogapi yachachichkarqa.

Lucas 16:16

Kamachikuykunawan profetakunapa yachachisqanqa Bautizaq Juanpa willakuy qallarisqankamallam karqa. Chaymanta qepamanñataqmi Diospa munaychakuyninmanta willakusqa kachkan, chaymi llapallanku yaykunankupaq kallpanchakuchkanku.

Lucas 20:1

Huk punchawmi runakunata templopi Jesús yachachispan allin noticiata willachkarqa, hinachkaptinmi sacerdotekunapa kamachiqninkunawan Diospa leynin yachachiqkuna hinaspa judiokunapa kamachiqninkuna chayaruspa

Lucas 4:14

Chuya Espiritupa huntaykusqanmi Jesusqa Galilea lawman kutirqa, chaymi muyuriqnin llaqtakunapipas anchallataña paymanta rimarqaku.

Lucas 5:17

Huk punchawmi Jesús yachachichkarqa, chaypitaqmi fariseokunawan Diospa leynin yachachiqkunapas tiyachkarqaku, paykunaqa Galilea lawpi hinaspa Judea lawpi llaqtakunamantawan Jerusalenmantam hamurqaku. Diospa atiyninmi Jesuswan karqa onqoqkunata sanoyachinanpaq.

Lucas 6:17

Jesusmi paykunawan orqomanta uraykamuspan huk pampapi sayaykurqa. Chaypim llapa discipulonkunawan achkallaña runakuna huñunakururqaku, chay runakunam Judea lawmanta, Jerusalenmanta hinaspa lamar qochapa patanpi kaq Tiro llaqtamantawan Sidón llaqtamanta hamurqaku. Hamurqakuqa Jesuspa yachachisqanta uyarinankupaq hinaspa onqoyninkumanta sanoyachisqa kanankupaqmi.

Lucas 6:6

Huk kutipim, samana punchawpi sinagogaman Jesús yaykuspan yachachiyta qallaykurqa; chaypim kachkarqa alleq makin chakisqa runa.

Lucas 7:21

Jesusñataqmi chay ratollapi achka runakunata tukuy rikchaq onqoyninkumanta, nanayninkumanta, mana allin espiritupa ñakarichisqanmanta sanoyachirqa, chaynataqmi ñawsakunatapas qawirichirqa.

Lucas 7:22

Hinaspanmi Juanpa kachamusqankunata nirqa: Kutispa qawasqaykichiktawan uyarisqaykichikta Juanman willamuychik. Ñawsakunam qawakuchkanña, suchukunam purichkanña, leprawan onqoqkunam sanoyachkanña, mana uyarikuqkunam uyarikuchkanña, wañusqakunam kawsariramunña, wakchakunapas evangeliotam uyarichkankuña, nispaykichik.

Lucas 8:1

Chaykunapa qepantam, Jesusqa achka llaqtakunapi hinaspa taksa llaqtakunapipas Diospa munaychakuyninmanta allin noticiata willakustin purirqa. Chunka iskayniyuq discipulonkunapas paywanmi rirqaku.

Lucas 9:11

Runakunañataqmi risqanta yacharuspanku qatirqaku. Chaymi Jesusqa paykunata chaskiykuspan Diospa munaychakuyninmanta yachachirqa, hinaspam onqoqkunatapas sanoyachirqa.

Lucas 9:60

Chaymi Jesusñataq nirqa: Wañuqkunataqa wañusqakunayá pampamuchun, qamyá ichaqa rispayki Diospa munaychakuyninmanta willakamuy, nispa.

Juan 18:20

Jesusñataqmi nirqa: Ñoqaqa llapa runapa qayllanpim rimarqani. Tukuy tiempom sinagogapi chaynataq llapa judiokunapa huñunakunan templopipas yachachirqani, ñoqaqa manam pakasqallapichu imatapas rimarqani.

Juan 6:59

Kaykunataqa rimarirqa Capernaúm llaqtapi kaq sinagogapi yachachispanmi.

Juan 7:1

Chaykunapa qepantam Jesús purirqa tukuy Galilea lawkunapi. Judea lawkunapim ichaqa mana purirqachu, llapa judiokuna wañurachiyta munasqankurayku.

Hechos 10:38

hinaspa imaynam Nazaretmanta kaq Jesucristota Chuya Espiritupa atiyninwan Dios huntaykusqantaqa; paymi purirqa allinkunata ruwastin chaynataq Satanaspa ñakarichisqan runakunata sanoyachistin, tukuy chaykunataqa ruwarqa paywan Dios kasqanraykum.

Hechos 18:4

Sapa samana punchawmi Pabloqa judiokunapa sinagoganman rispan judiokunata chaynataq mana judiokunatapas Jesucristoman iñichiyta munaspan rimapayaq.

Hechos 20:25

Qamkunamanmi Diospa munaychakuyninmanta yachachirqaykichik, kunanmi ichaqa yachakuni, manañam huktawanqa rikuwankichikñachu.

Hechos 28:31

Mana manchakuspanmi Diospa munaychakuyninmanta willakuq, pipapas mana harkakusqanmi Señor Jesucristomanta yachachiq.

Romanos 10:15

¿Imaynatataq willakunqaku mana pipas kachachkaptinqa? Chuya Qellqapim kaynata nin: ¡Mayna sumaqmi allin noticia willa-kuqkunapa puriyninqa! nispa.