Mateo 3:7 - CHUYA QELLQA La Biblia en Quechua de Ayacucho 2012

⁷ Llapa fariseokunawan saduceokunapas bautizachikuq hamuptinkum Juanñataq nirqa: ¡Maqta urupa mirayninkuna! ¿Pitaq willarusunkichik hamuq ñakariymanta ayqeruyta?

Quechua Ayacucho Bible 1987

⁷ Achkallaña *f**fariseokunapiwan *f**saduceokuna bautizasqanman riptinmi Juan nirqa: —¡Culebrapa miraynin kaqlla runakuna! ¿Pitaq willasurqankichik hamuq castigomanta ayqenaykichikpaq?

Chuya Qellqa 1992

⁷ Llapa fariseokunawan saduceokunapas bautizachikuq hamuptinkum Juanñataq nirqa: ¡Maqta urupa mirayninkuna! ¿Pitaq willarusunkichik hamuq ñakariymanta ayqeruyta?

Mateo 3:7 Iomraidhean Croise

Génesis 3:15

Warmitawan qamtam cheqninachisqayki, cheqninachisaqtaqmi miraynikitawan miraynintapas. Mirayninmi umaykipi sarusunki, qamñataqmi talonninpi kachunki, nispa.

Proverbios 28:4

Kamachikuyta qepanchaqkunaqa mana allin ruwaqkunatam alaban, kamachikuyta kasukuqkunam ichaqa mana allin ruwaqkunapa contranpi churakunku.

Isaías 59:5

Qamkunaqa maqta urupa runtuntam oqllachkankichik, arañapa llikankunatam awachkankichik; pipas chay runtuta mikuruspanqa wañurunqam, chay runtu toqyaruptinqa maqta urum lloqsiramunqa.

Jeremías 51:6

¡Vidaykichikta salvanaykichikpaq Babiloniamanta lluptiychik! ¡Ama paykunapa huchanmanta wañuychikchu! ¡Ñoqa Tayta Diospa vengakunay punchawmi chayaramun! ¡Imam ruwasqankuman hinam pagapusaq!

Jeremías 6:10

Chaymi nirqani: ¿Pitataq rimapayasaq? ¿Pimantaq willasaq? ¿Pitaq uyariwanman? Rinrinkum tapasqa kachkan, chayraykum paykunaqa uyariyta mana atinkuchu; palabraykimantapas penqakunkum, chayraykum mana uyariyta munankuchu.

Mateo 12:24

Fariseokunañataqmi chayta uyariruspanku nirqaku: Kay runaqa demoniokunataqa qarqon demoniokuna kamachiq Beelzebupa atiyninwanmi, nispanku.

Mateo 12:34

¡Maqta urupa mirayninkuna! ¿Imaynataq mana allin runakuna kachkaspa allin kaqkunata rimawaqchik? Runaqa imam sonqonpi kasqanman hinam riman.

Mateo 15:12

Chaymi discipulonkuna Jesusman asuykuspa nirqaku: ¿Yachankichum nisqaykiwan fariseokuna piñakurusqanta? nispanku.

Mateo 16:1

Fariseokunawan saduceokunam tentanankupaq Jesusman asuy-kurqaku, hinaspam Diosmanta hamus-qanta yachanankupaq huk milagrota ruwananpaq mañakurqaku.

Mateo 16:6

Chaymi Jesús nirqa: Fariseokunapa hinaspa saduceokunapa levadurankumanta cuidakuychik, nispa.

Mateo 22:15

Chaykunapa qepantam fariseokuna huñunakuspa tanteanakururqaku, Jesusta ima rimasqanpipas wichirachispanku chaywan acusanankupaq.

Mateo 22:23

Chay punchawllapitaqmi wakin saduceokunapas Jesusman hamurqaku. Saduceokunaqa wañuqkunapa kawsarimunanpiqa manam creerqakuchu. Paykunam Jesusta tapurqaku:

Mateo 22:34

Saduceokunata Jesús upallarachis-qanta qawaykuspankum llapa fariseokuna hukllaman huñunakururqaku.

Mateo 23:33

¡Maqta urukuna! ¡Maqta urupa mirayninkuna! ¿Imaynatataq infiernopi castigasqa kanaykichikmanta lluptinkichik?

Mateo 5:20

Chayraykum nikichik, sichum Diospa kamachikuyninkuna yachachiqkunamantapas hinaspa fariseokunamantapas aswan allin kaqkunata mana ruwaspaykichikqa Diospa munaychakuyninmanqa manam yaykunkichikchu.

Marcos 12:13

Jesusmanmi kachamurqaku wakin fariseokunatawan Herodespa wakin qatiqninkunata, imapas rimasqanpi pantarachispanku chaywan acusanankupaq.

Marcos 12:18

Chaymantam wañuqkunapa kawsarimunanmanta mana creeq saduceokuna Jesusman hamururqaku, hinaspam kaynata tapurqaku:

Marcos 8:15

Jesusmi discipulonkunata nirqa: Fariseokunapa hinaspa Herodespa levaduranmantayá waqaychakuychik, nispa.

Lucas 16:14

Tukuy chaykunatam qollqella kuyaq fariseokunapas uyarirqaku, hinaspam Jesusmanta burlakurqaku.

Lucas 18:11

Chay fariseom sayaykuspan kaynata mañakurqa: “Graciastam qoyki Diosnilláy. Ñoqaqa manam wakin runakuna hina suwachu, mana allin ruwaqchu, waqllikuqchu, nitaqmi kay impuesto cobraq runa hinachu kani.

Lucas 7:30

Fariseokunawan Diospa leynin yachachiqkunam ichaqa mana Juanwan bautizachikurqakuchu, chaynatam paykunapaq Diospa imam munasqanta wischupakurqaku.

Juan 1:24

Juanta tapumunankupaq riqkunaqa fariseokunam karqaku.

Juan 8:44

Qamkunapa taytaykichikqa diablom, chaymi paypa munasqallanta ruwankichik. Diabloqa qallariyninmantapuni runata wañuyman apaqmi karqa, paypi mana cheqap kasqanraykum cheqap kaqpipas mana takyanchu. Llullata rimaspanqa kikillanmanta kaqtam riman, chayna kasqanraykum haykam llullakuqkunapa taytan.

Juan 9:40

Chaymi paywan kaq fariseokunañataq chay nisqanta uyariruspanku nirqaku: ¿Chaynaqa, ñoqaykupas ñawsachu kaniku? nispanku.

Hechos 15:5

Ichaqa Jesucristoman iñiq wakin fariseokunam sayarispanku nirqaku: Mana judío kaqkunamanta iñiqkunapas qari kayninkupi señalasqam kananku, kamachinataqmi Moisespa leyninkunata kasukunankupaqpas, nispanku.

Hechos 20:31

Chaynaqa cuidakuychikyá, amayá qonqaychikchu weqeywan tuta punchaw kimsa watantin sapakamaman yachachisqaytaqa.

Hechos 26:5

Munaspankuqa willakunmankum ñoqaqa unayña fariseo kasqayta. Yachasqaykichikpi hinam wakin judiokunamantapas fariseokunaqa leykunata allinta kasukuniku.

Hechos 5:17

Sumo sacerdotem hinaspa saduceokunapa qatiqninkunam llumpayta envidiakurqaku.

Romanos 1:18

Diosmi piñakuyninta hanaq pachamanta kacharimun runakunapa mana allin ruwayninpa chaynataq mana llakipayakuq kayninpa contranpi. Paykunam mana allin kawsayninkuwan cheqap kaqkuna reqsinata harkakunku.

Romanos 5:9

Cristopa yawar chaqchus-qanwanmi mana huchayuqtaña Dios ruwaykuwanchik, chaynapim paynintakama tukupay punchawpi Diospa piñakuyninmanta salvasqaña kasunchik.

1~Tesalonicenses 1:10

willakuchkankutaqmi hanaq pachamanta Diospa Churin Jesús kutimunan suyasqaykichiktapas, paytam wañusqanmanta Dios kawsarichimurqa. Paymi hamuq tiempokunapi castigomanta librawasunchik.

Hebreos 11:7

Iñiyllawanmi Noeypas, hamuq pun-chawkunapi imakuna pasakunanmanta Dios willaykuptin, payta kasukuspan arcata ruwarqa ayllunkuna chaypi salvakunanpaq. Hina chay iñiyllanwantaqmi kay pachapi kaqkunatapas condenarqa hinaspa allin kawsakuytapas chaskirqa.

Hebreos 6:18

Kay iskay rimasqankunaqa manam imaraykupas tikrakunmanchu, manataqmi Diospas llullakunmanchu, haykam Diosman hapipakuqkunaqa kallpanchakuytawan waqaychakuynintam chaskinchik, hinaspam confianza qowasqanchikman hapipakunchik.

1~Juan 3:10

Suti reqsiyllam Diospa churinkunaqa, suti reqsiyllataqmi diablopa churinkunapas. Allin kaqkunata mana ruwaqqa hinaspa runamasinta mana kuyaqqa, manam Diospa churinchu.