Mateo 3:6 - CHUYA QELLQA La Biblia en Quechua de Ayacucho 2012

⁶ Chaymi huchankuta reqsikuspa willakuptinku, Juanñataq Jordán mayupi bautizaq.

Quechua Ayacucho Bible 1987

⁶ Huchankuta reqsikuspa willakuptinkum Juan bautizarqa Jordan Mayupi.

Chuya Qellqa 1992

⁶ Chaymi huchankuta reqsikuspa willakuptinku, Juanñataq Jordán mayupi bautizaq.

Mateo 3:6 Iomraidhean Croise

Esdras 10:1

Esdrasmi qonqorakuykuspan waqakuywan huchankuta willakuchkarqa Diospa templonpa ñawpaqninpi, hinachkaptinmi Israelpa mirayninkunamanta kaqkuna, qarikunapas, warmikunapas chaynataq warmakunapas paypa kasqanman huñunakaramurqaku, hinaspam sinchillataña waqakurqaku.

Proverbios 28:13

Huchanta pakaq runaqa manam allinqa kanqachu, huchanta willakuspa wanakuqmi ichaqa pampachasqa kanqa.

Ezequiel 36:25

Imawanpas qachachakusqaykichiktam chuya yakuwan mayllasqaykichik, idolokunawan qacha-chakusqaykichikmantam chuyan-chasqaykichik.

Daniel 9:4

Tayta Diosta mañakuspaymi huchaykumanta kaynata willakurqani: Hatu-hatun manchakuypaq Señor Diosnilláy, kasuqnikikunawan pacto ruwasqaykita cumpliqmi kanki, kamachikuynikikuna kasukuqta kuyapayaykuqmi kanki.

Levítico 16:21

Hinaspanmi Aaronqa chivatopa umanman makinkunata churaykuspan Israelpa mirayninkunapa mana allinkuna ruwasqankuta, mana kasukuyninkuta chaynataq huchankutapas ñoqaman willawanqa, hinaspam chay chivatota chunniqman pusachinqa chaypaq akllasqa runawan.

Levítico 26:40

Mana allin ruwasqankumanta chaynataq ñawpaq taytankupa mana allin ruwasqankumanta reqsikuptinkupas, qepanchawasqankuta hinaspa mana kasukusqankuta reqsikuptinkupas,

Números 5:7

Huchanta willakuspam runamasinpa contranpi mana allin ruwasqanmanta pagapunqa; ichaqa pagasqanmanmi yapanqa pagasqanpa pichqa parteman rakisqapa huknin partenta.

Mateo 3:11

Ñoqaqa huchaykichikmanta wanakuptikichikmi yakuwan bautizaykichik, qepay hamuqmi ichaqa Chuya Espirituwan chaynataq ninawan bautizasunkichik, payqa ñoqamantapas aswan atiyniyuqmi, ñoqaqa manam usutallantapas apaq hinachu kani.

Marcos 1:5

Payta uyarinankupaqmi Judea lawmantawan Jerusalén llaqtamanta lliw runakuna rirqaku, hinaspam huchankuta willakuptinku Juanñataq Jordán mayupi bautizarqa.

Lucas 1:16

Israelpa achkaq mirayninkunatam Señor Diosninkuman kutichinqa.

Lucas 3:16

Chaymi llapallankuta Juan nirqa: Cheqaptapas ñoqaqa yakullawanmi bautizaykichik, qepay hamuqmi ichaqa Chuya Espirituwan hinaspa ninawan bautizasunkichik. Payqa ñoqamantapas aswan atiyniyuqmi, chaymi usutanpa watullantapas mana paskaq hinachu kani.

Hechos 1:5

Cheqaptam Juanqa yakuwan bautizarqa, ichaqa kay-kay punchawkunallapim Chuya Espirituwan bautizasqa kankichik.

Hechos 11:16

Chaymi yuyarirurqani Señorninchik Jesucristopa nisqanta, paymi nirqa: “Cheqaptam Juanqa yakuwan bautizarqa, qamkunañataqmi Chuya Espirituwan bautizasqa kankichik”, nispa.

Hechos 19:18

Chaymi achka iñiqkuna hamuspanku llapa runakunaman willakurqaku, ñaw-paqta mana allinkuna ruwasqankumanta.

Hechos 22:16

Kunanqa, ¿imataraqtaq suyachkanki? Hatarispayá bautizakuy, hinaspa Señorpa sutinta qayakuy huchaykikuna pampachasqa kananpaq”, nispa.

1~Corintios 10:2

Chaynapim llapallanku Moiseswan huklla kanankupaq puyupi hinaspa lamar qochapi bautizasqa karqaku.

Colosenses 2:12

Bautizakuspaykichikmi Cristowan kuska pampakuchkaq hina ñawpa vidaykichikta pamparurqankichik, paywan kuskataqmi musoqmanta kawsarimurqankichik, kawsarimurqankichikqa Diospa llumpay atiyninwan Cristopa kawsarimusqanpi iñispallaykichikmi.

Hebreos 6:2

bautismomantapas, iñiqkunapa hawanman maki churaymantapas, wañuqkuna kawsarimunanmantapas chaynataq wiñaypaq castigomantapas.

Hebreos 9:10

Chay kamachikuykunaqa mikuymanta, tomaymanta hinaspa tukuy imakuna yakuwan mayllanallamantam yachachirqa, chaykunaqa karqa chaykunapa rantinpi huktaña Dios churarunankamallam.

Santiago 5:16

Huchaykichikta willanakuspayá Diosta mañakuychik, chaynapi sanoyanaykichikpaq. Justo runapa tukuy sonqonwan Dios mañakusqanqa llumpay atiyniyuqmi.

Josué 7:19

Hinaptinmi Josué nirqa: Churilláy Acán, Tayta Diostayá, Israelpa Diosnintayá hatunchaspayki yupaychay, hinaspayá ama imatapas pakaykuspa imam ruwasqaykita willaykuway, nispa.

1~Pedro 3:21

Chay yakum rikchakun bautizakuna yakuman, chaywanmi ñoqanchikpas salvasqa kanchik. Bautis-moqa manam cuerponchiktaqa mayllanchu, aswanqa chuya sonqoyuq kayta Diosmanta mañakuymi, hinaspam Jesucristopa kawsarimusqanwan salvasqa kanchik.

1~Juan 1:9

Sichum huchanchikkunata willakuptinchikqa, paymi mana engañakuspa allin ruwaq kasqanrayku pampachawasun, hinaspam tukuy mana allin ruwasqanchikmanta mayllawasun.