Mateo 3:2 - CHUYA QELLQA La Biblia en Quechua de Ayacucho 2012

² Huchaykichikmanta wanakuychik, Diospa munaychakuyninmi hichparamunña, nispan.

Quechua Ayacucho Bible 1987

² —Wanakuychik huchaykichikmanta, Diospa munaychakunanmi hichparamunña —nispa.

Chuya Qellqa 1992

² Huchaykichikmanta wanakuychik, Diospa munaychakuyninmi hichparamunña, nispan.

Mateo 3:2 Iomraidhean Croise

1~Reyes 8:47

chay preso kasqanku allpapi qanman kutirikamuspa qayakamusunkiman kaynata: “Mana allinkunata ruwaspam qampa contraykipi huchallikuruniku”, nispanku.

Jobwan Sutichasqa Libro 39:12

¿Yaqachu cosechaykita hoqarispa erapi huñunanta saqeykuwaq?

Jobwan Sutichasqa Libro 42:6

Chayraykum tukuy ima rimasqayta reqsikuni, allpapiwan uchpapim tiyaykuspay wanakuni, nispa.

Ezequiel 33:11

Pay-kunaman ñoqa Tayta Diospa nisqayta kaynata niy: Ñoqa Tayta Diosmi sutiyrayku kaynata nikichik: Mana allin ruwaq runapa wañunantaqa manam munanichu, aswanqa mana allin ruwasqanmanta wanakuspa kawsakunantam munani. Chaynaqa, Israel miraykuna, ¡mana allin kawsasqaykichikmanta wanakuspa kutirikamuwaychik! ¿Imanasqataq huchaykichikpi wañunkichik? nispa.

Daniel 2:44

Chay reykuna munaychakuchkaptinkum hanaq pacha Dios hatarichinqa wiñaypaq mana tuñichiy atina munaychakuyta, chay munaychakuypa hawanpiqa manam hukqa munaychakunqachu. Aswanqa chay munaychakuymi llapallan munaychakuykunata ñutupaspan wiña-wiñaypaq takyanqa.

Mateo 10:7

hinaspayá willakamuychik: “Diospa munaychakuyninmi hichparamunña”, nispaykichik.

Mateo 11:20

Maypim achkallaña milagrokuna ruwasqan llaqtakunatam Jesús qaqcharqa, Diosman mana kutirikusqankumantam kaynata nirqa:

Mateo 12:41

Nínive llaqtapi runakunam kay runakunawan kuska juicio punchawpi kawsarimunqaku, hinaspam kay runakunata acusanqaku. Paykunaqa Jonaspa willakusqanwanmi huchankumanta wanakururqaku, kaypiqa Jonasmantapas aswan allin willakuqmi kachkan.

Mateo 13:11

Chaymi payñataq nirqa: Diosmi qamkunamanqa munaycha-kuyninpi pakasqa kaqkunata yachachisunkichik, paykunamanmi ichaqa mana reqsichinchu.

Mateo 13:24

Jesusmi huk rikchanachiytawan rimarispan nirqa: Diospa munaychakuyninqa rikchakun chakranpi allin muhuta tarpuq runamanmi.

Mateo 13:31

Jesusmi huk rikchanachiytawan nirqa: Diospa munaychakuyninqa rikchakun huk runapa tarpusqan mostaza muhumanmi.

Mateo 13:33

Jesusmi huk rikchanachiytawan nirqa: Diospa munaychakuyninqa levaduramanmi rikchakun, chay levadurawanmi huk warmi kimsa tupu harinata chapururqa hinaptinmi lliwta poqorachirqa, nispan.

Mateo 13:47

Diospa munaychakuyninqa rikchakun, lamar qochaman wischuykuptinku tukuy rikchaq challwakunata hapimuq mallamanmi.

Mateo 13:52

Jesusñataqmi nirqa: Chayraykum Diospa munaychakuyninmanta allin yachachisqa Diospa leynin yachachiqkunaqa huk wasipa dueñonman rikchakunku, payqa tukuy kapuqninkuna waqaychasqanmantam musoqtapas otaq mawkatapas hurqomun, nispan.

Mateo 18:23

Chayraykum Diospa munaychakuyninqa rikchakun serviqninkunata cuenta mañaq reyman.

Mateo 20:1

Diospa munaychakuyninqa rikchakun uvas chakranpaq llamkaqkunata maskamunanpaq tutapayta lloqsiq chakrayuqmanmi.

Mateo 22:2

Diospa munaychakuyninqa churinta casarachiq reymanmi rikchakun.

Mateo 23:13

¡Iskay uya fariseokuna hinaspa Diospa leynin yachachiqkuna, imaynaraq kankichik! Qamkunaqa Diospa munaychakuyninman yaykuqkunatam harkaypaq-harkachkankichik. Manam qamkunapas yaykuyta munankichikchu nitaqmi yaykuy munaqkunatapas yaykunankuta munankichikchu.

Mateo 25:1

Diospa munaychakuyninqa rikchakun chunka sipaskunamanmi. Paykunam mecheronkuta aparikuspa novio taripaq lloqsirqaku.

Mateo 25:14

Diospa munaychakuyninqa rikchakun karuman illananpaq serviqninkunata qayaykuspa qollqenta saqeykuq apumanmi.

Mateo 4:17

Chaymantapacham Jesusqa kayna willakuyta qallarirqa: ¡Huchaykichikmanta wanakuychik, Diospa munaychakuyninmi hichparamunña! nispan.

Mateo 4:23

Jesusmi lliw Galilea llaqtapi pu-rirqa, Diospa munay chakuyninmanta allin noticiata sinagogakunapi willa-kustin, tukuy rikchaq onqoyniyuqkunata hinaspa nanayniyuqkunata sanoyachistin.

Mateo 5:10

Mayna kusisqam allin kaqta ruwasqankurayku qatikachasqakunaqa, paykunapam Diospa munaychakuyninpas.

Mateo 5:3

Mayna kusisqam “Diosmantam necesitani” niq wakchakunaqa, Diospa munaychakuyninpas paykunapam.

Mateo 6:10

munaychakuyniki hamuchun, munasqayki ruwasqa kachun kay pachapi, imaynam hanaq pachapi hina.

Mateo 6:33

Imamantapas llalliriqtaqa Diospa munaychakuynintawan paypa munasqanman hina ruwaytayá maskaychik, hinaspaqa ima munasqaykichiktapas chaskinkichikmi.

Marcos 1:15

Tiempom chayaramunña, Diospa munaychakuyninmi hichparamunña, huchaykichikmanta wanakuspaykichik Diosmanta allin noticiata chaskikuychik, nispa.

Marcos 1:4

Juanmi purunpi bautizaspa kaynata nirqa: Huchaykichikmanta wanakuspa bautizachikuychik, chaynapi huchaykichikta Tayta Dios pampachasunaykichikpaq, nispa.

Marcos 6:12

Chaymi discipulonkuna lloqsispanku runakunaman willamurqaku huchankumanta wanakuspa Diosman kutirikunankupaq.

Lucas 1:16

Israelpa achkaq mirayninkunatam Señor Diosninkuman kutichinqa.

Lucas 11:20

Sichum demoniokunata Diospa atiyninwan qarqoptiyqa, Diospa munaychakuyninmi chayaramusunkichik.

Lucas 13:3

Nikichikmi, manam chaynachu. Huchaykichikmanta mana wanakuspaqa qamkunapas chaynam wañunkichik.

Lucas 13:5

Nikichikmi, manam chaynachu. Huchaykichikmanta mana wanakuspaqa qamkunapas chaynam wañunkichik, nispa.

Lucas 15:10

Chaynaqa, nikichikmi, chaynatam Diospa angelninkunapas kusikun huk huchasapa runa wanakuruptinqa, nispa.

Lucas 15:7

Nikichikmi, chayna hatun kusikuymi kanqa hanaq pachapipas, huk huchasapa runa wanakuspa Diosman kutirikamuptinqa, isqon chunka isqonniyuq mana huchayuq runakunamantaqa, paykunaqa manañam imamantapas wanakunankupaq kanñachu.

Lucas 16:30

Chay apuñataqmi nirqa: “Taytáy Abraham, manam kasukunmankuchu. Sichum wañuqkunapa kasqanmanta kutispa pillapas willaykuptinmi ichaqa wanakunqaku”, nispa.

Lucas 21:31

Chaynaqa, tukuy kaykuna pasakusqanta qawaspaykichikmi yachankichik Diospa munaychakuyninqa hichpamusqantaña.

Lucas 24:47

chaynapi Jerusalenmanta qallaykuspa lliw nacionkunapi paypa sutinpi willakuptinku, runakuna huchankumanta wanakuspa pampachasqa ka-nankupaq.

Lucas 6:20

Jesusñataqmi discipulonkunata qawarispan nirqa: Mayna kusisqam wakchakunaqa kankichik, Diospa munaychakuyninpas qamkunapaqmi.

Lucas 9:2

Paykunatam Diospa munaychakuyninmanta willakamunankupaq hinaspa onqoqkunata sanoyachimunankupaq kacharqa.

Hechos 11:18

Chaynata Jerusalenpi kaq iñiqkuna uyariruspankum manaña Pedropa contranpichu karqaku, hinaspam Diosta yupaycharqaku: Chaynaqa, mana judío runakunamanpas Diosmi wanakuytaña qoykun wiñay kawsanankupaq, nispanku.

Hechos 17:30

Ñawpaq tiempokunapim runakunapa huchallikusqanta Dios pacienciakurqa, kunanmi ichaqa kay pachapi llapallan runakunata huchankumanta wanakunankupaq kamachin.

Hechos 2:38

Chaymi Pedroñataq nirqa: Huchaykichikmanta wanakuspayá sapakama Jesucristopa sutinpi bautizakuychik, chaynapi huchaykichikmanta pampachasqa kanaykichikpaq, hinaspam Chuya Espiritupa atiyninta chaskinkichik.

Hechos 20:21

Judiokunamanpas chaynataq mana judiokunamanpas nirqanim: “Huchaykichikmanta wanakuspa Diosman kutirikuychik, hinaspa Señor-ninchik Jesusman iñikuychik”, nispa.

Hechos 26:20

chaymi Damasco llaqtapi puntata willakurqani, hinaspañataq Jerusalén llaqtapi, lliw Judea lawpi kaqkunamanpas chaynataq mana judío kaqkunamanpas. Paykunatam nirqani: “Huchaykichikmanta wanakuspaykichik Diosman kutirikuychik hinaspa imatapas allin kaqkunataña ruwaychik wanakusqaykichikta qawanankupaq”, nispay.

Hechos 3:19

Chay-naqa, huchaykichikmanta wanakuspayá Diosman kutirikuychik, chaynapi tukuy huchaykichik chinkachisqa kaptin hamuq punchawpi Señorpa hawkayaynin hamusunaykichikpaq.

2~Corintios 7:10

Diospa munasqanman hina llakikuyqa huchanchikmanta wanakuymanmi apawanchik, chaynapi salvasqa kanan-chikpaq, chaynaqa manam ñakakunanchikchu. Runakunapa munasqanman hina llakikuymi ichaqa wañuyta apamun.

Colosenses 1:13

Diosmi tutayaypa atiyninmanta libraykuwarqanchik, hinaspam kuyasqan Churinpa munaychakusqanmanña churaykuwanchik.

2~Timoteo 2:25

Mana kasukuqkunatapas llampu sonqolla-wanmi corregiykunan, icharaqpas wana-kunanpaq Dios tiempota qoykunman, chaynapi cheqap kaqta reqsinankupaq,

Hebreos 6:1

Chaynaqa, Cristomanta chayllaraq punta yachachikuykunaman amaña kutirispayá yuyayniyuqña kasunchik. Amañayá rimasunchu huchapi wañusqa hina kasqanchikmantapas, wanakuymantapas, Diosman iñiymantapas,

2~Pedro 3:9

Manam wakinkunapa nisqanpi hinachu Señorqa imam promesantaqa unachimuchkan, aswanqa mayqanllaykichikpas mana chinkanaykichikta munaspam. Chaynataqa pacienciakun llapallaykichik Señorman kutirikunaykichikta munaspam.

Apocalipsis 2:21

Jezabelmanqa qorqanim tiempota huchankunamanta wanakunanpaq, ichaqa manam munanchu chuchumika kaynin saqeyta.

Apocalipsis 2:5

Chaynaqa, maymantam wichisqaykita yuyarispayá Diosman kutirikuy, hinaspayki punta ruwasqaykikunata huktawan ruway, sichum mana wanakuptikiqa qanman chaylla kutirimuspaymi candelabroykita maymi kasqanmanta qechurusaq.