Mateo 27:51 - CHUYA QELLQA La Biblia en Quechua de Ayacucho 2012

⁵¹ Chay ratollapim templopi santuariota rakinaq velo hanaymanta urayman llikikuruspan iskayman rakikururqa. Allpapas katkatataptinmi qaqakunapas raqrarurqa.

Quechua Ayacucho Bible 1987

⁵¹ Chay ratollapim templopi *f**santuario rakiq rakta tela altomanta urayman iskayman llikikururqa. Allpapas kuyurirurqam, qaqakunapas raqrarurqam.

Chuya Qellqa 1992

⁵¹ Chay ratollapim templopi santuariota rakinaq velo hanaymanta urayman llikikuruspan iskayman rakikururqa. Allpapas katkatataptinmi qaqakunapas raqrarurqa.

Mateo 27:51 Iomraidhean Croise

2~Crónicas 3:14

Velotapas morado qaytumanta, grosella qaytumanta, guindo qaytumanta hinaspa fino linomantam ruwachirqa, chay velopa hawanpim querubinkunata bordachirqa.

Éxodo 40:21

Chaymantam Arcata apaykurqa Tayta Diosman asuykuna carpaman hinaspam “Chuyay-chuyay” lugarmanta “Chuya” lugarta rakinaq velota churarqa, chaynataqa ruwarqa imaynam Moisesman Tayta Diospa kamachisqanman hinam.

Isaías 25:7

Kay orqopim llaqtakunata tapaq telata llikipanqa, llapa nacionkunapa tapaqnin velotam llikipanqa.

Levítico 16:2

Wawqeki Aaronta niy, carpapi “Chuyay-chuyay” lugarmanta “Chuya” lugarta rakinaq velopa qepanmanqa otaq Arcapa tapanpa ñawpaqninmanqa ama sapa kutilla yaykunanpaq, chaynapi ama wañurunanpaq. Ñoqam Arcapa tapanpa hawanpi puyupi sutillata rikurisaq.

Levítico 21:23

Chuyay-chuyay lugarmanmi ichaqa ama yay-kunqachu, nitaqmi altarmanpas asuykunqachu, mana sano kasqanrayku. Chaynata ruwaspanqa santuarioytam qachachanman. Ñoqa Tayta Diosmi sacerdotekunataqa sapaqcharqani, nispa.

Habacuc 3:10

Orqokunapas rikususpaykim katkatatanku, parapas cielomantam lloqlla hinaraq tallikamun, lamar qochapa ukunkunañataqmi olankuna orqochakuspa hoqarikuptin qaparimun.

Habacuc 3:13

Llaqtaykita salvanaykipaqmi lloqsimurqanki, akllakusqayki reyta salvanaykipaqmi hamurqanki. Mana allin runapa wasinpa qatantam paskarurqanki, cimientonkamam pasaypaqta tuñirachirqanki.

Números 4:5

Israelpa mirayninkuna huklawman astakuptinkum, Aaronwan churinkuna carpa rakinaq velota hurqonqaku, hinaspam Arcata chaywan tapanqaku.

Mateo 27:54

Jesusta cuidaq capitanwan soldadokunañataqmi terremototawan tukuy imakunam pasakusqanta qawaykuspanku, llumpayta mancharikuspanku nirqaku: ¡Cheqaptapunipas payqa Diospa Churinmi kasqa! nispanku.

Mateo 28:2

Qonqaymantam huk terremoto pasakurqa; Señorpa angelninñataqmi hanaq pachamanta uraykamuspan sepulturaman asuykurqa, hinaspam rumita asurachispan chaypa hawanpi tiyaykurqa.

Marcos 15:38

Hinaptinmi templopi velo hanaymanta urayman llikikuruspan iskayman rakikururqa.

Lucas 23:45

Inti tutayaruptinmi templopi kaq velo iskayman llikikururqa.

Lucas 23:47

Soldadokunapa capitanninmi chaykunata qawaykuspan Diosta yupaycharqa: Cheqaptapunim kay runaqa mana huchayuq kasqa, nispan.

Hebreos 6:19

Lamar qochapa patanpi barca watasqa hinam confianzanchikqa almanchikta takyachin. Hanaq pacha templopi rakinaq telapa qepanpiñam confianzanchikqa Diospi churasqa kachkan.

Hebreos 9:3

Iskay kaq rakinaq velopa qepa lawninpiñataqmi karqa “Chuyay-chuyay” sutiyuq lugar.

Apocalipsis 11:13

Hina chay ratollataqmi nisyu-nisyu terremoto karurqa, hinaptinmi llaqtapa chunka kaq parten tuñirurqa, chay terremotowanmi qanchis waranqa runakuna wañururqa. Wakinñataqmi hatu-hatunta mancharikuspanku hanaq pachapi kaq Diosta qapaqcharqaku.

Apocalipsis 11:19

Hanaq pachapi Diospa templon kichakuykuptinmi pacto ruwanan Arcapas rikukurqa. Hinaptinmi karqa llipyaykuna, qapariykuna, rayokuna, terremotokuna, karqataqmi sinchi runtu parapas.