Mateo 27:42 - CHUYA QELLQA La Biblia en Quechua de Ayacucho 2012

⁴² Wakinkunatam librarqa kikinmi ichaqa mana librakuyta atinchu. Israelpa Reynin kaspaqa cruzmanta uraykamuchun, chayta qawaspa paypi iñinanchikpaq.

Quechua Ayacucho Bible 1987

⁴² —Wakinkunatam librarqa ichaqa kikinqa manam librakuyta atinchu. Israelpa Reynin kaspaqa uraykamuchunyá cruzmanta, chaymi iñisunchik.

Chuya Qellqa 1992

⁴² Wakinkunatam librarqa kikinmi ichaqa mana librakuyta atinchu. Israelpa Reynin kaspaqa cruzmanta uraykamuchun, chayta qawaspa paypi iñinanchikpaq.

Mateo 27:42 Iomraidhean Croise

Mateo 2:2

kaynata tapukurqaku: ¿Maypitaq kachkan judiokunapa reynin nacemuq? Intipa qespimunan lawpim chaskanta rikumurqaniku, chaymi payta hatunchanaykupaq hamurqaniku, nispanku.

Mateo 27:37

Imamantam wañuchisqankuta huk letrerota qellqaruspankum cruzpa puntanpi kaynata churarurqaku: “KAYQA JUDIOKUNAPA REYNIN JESUSMI”, niqta.

Mateo 27:40

Qamqa nirqanki: “Templota tuñi-rachispaymi kimsa punchawllapi hata-rirachisaq” nispam, chaynaqa Diospa Churin kaspaykiqa kikillayki librakuspayá cruzmanta uraykamuy, nispanku.

Mateo 27:41

Chaynallataqmi sacerdotekunapa kamachiqninkunapas, Diospa leynin yachachiqkunapas chaynataq judiokuna kamachiqkunapas Jesusta burlakurqaku kaynata:

Marcos 15:31

Chaynallataqmi sacerdotekunapa kamachiqninkunawan Diospa leynin yachachiqkunapas Jesusmanta burlakuspanku ninakurqaku: Wakinkunatam librarqa kikinmi ichaqa mana librakuyta atinchu.

Marcos 15:32

¡Israelpa reynin Cristo kaspaqa kunanyá cruzmanta uraykamuchun, chayta qawaspa iñinanchikpaq! nispanku. Jesuswan kuska chakatasqa kaqkunapunipas kamirqakum.

Lucas 19:38

kaynata nirqaku: ¡Señorpa sutinpi hamuq Reyqa qapaqchasqayá kachun! ¡Hanaq pachapi hawkayay kachun! ¡Alto-altopiyá hatunchay kachun! nispanku.

Lucas 23:35

Llapa runakunañataqmi sayaykuspanku imam pasakusqanta qawachkarqaku, judiokunapa kamachiqninkunapas paymanta asikuspankum nirqaku: Wakin runakunatam librarqa, chaynaqa Diospa akllasqan cheqap Cristo kaspanqa kikinyá librakuchun, nispanku.

Lucas 23:37

hinaspam kaynata nirqaku: Judiokunapa reynin kaspaykiqa salvakuyá, nispanku.

Juan 1:49

Chaymi Natanaelñataq nirqa: Yachachikuq, qamqa Diospa Churinmi kanki, Israel runakunapa reyninmi kanki, nispa.

Juan 12:13

Paykunam palmerapa kallmanku-nata kuchuspanku Jesusta chaskinankupaq rirqaku, hinaspankum kaynata qaparirqaku: ¡Yupaychasunchik! ¡Qapaqchasqayá kachun Señorpa sutinpi hamuq Israelpa Reyninqa! nispanku.

Juan 12:47

Pipas palabraykunata uyarispan mana kasukuqtaqa manam ñoqachu juzgasaq, ñoqaqa hamurqani manam runakunata juzganaypaqchu, aswanqa salvanaypaqmi.

Juan 9:24

Judiokunam musoqmanta qayachimurqaku ñawsamanta sanoyaruq runata, hinaspam nirqaku: Diostayá yupaychay, ñoqaykuqa yachanikum chay runaqa huchasapa kasqanta, nispanku.

Hechos 4:14

Paykuna-wantaqmi sayachkarqa suchumanta sanoyaq runapas chaymi paykunapa contranpiqa mana ima niytapas atirqakuchu.