Mateo 27:29 - CHUYA QELLQA La Biblia en Quechua de Ayacucho 2012

²⁹ Umanmanpas kichkaman-ta simpasqa coronata churaykuspankum alleq makinmanñataq kaspita hapichirqaku, hinaspam ñawpaqninpi qonqorakuspanku kaynata burlakur-qaku: ¡Kawsachun judiokunapa reynin! nispanku.

Quechua Ayacucho Bible 1987

²⁹ Umanmanñataqmi churachirqaku kichkamanta simpasqa coronata. *f**Alleq makinmanñataqmi hapichirqaku soqosta hinaspam ñawpaqninpi qonqorakuspanku burlakurqaku: —¡Kawsachun Judiokunapa Reynin! —nispa.

Chuya Qellqa 1992

²⁹ Umanmanpas kichkamanta simpasqa coronata churaykuspankum alleq makinmanñataq kaspita hapichirqaku, hinaspam ñawpaqninpi qonqorakuspanku kaynata burlakurqaku: ¡Kawsachun judiokunapa reynin! nispanku.

Mateo 27:29 Iomraidhean Croise

Isaías 49:7

Israelta libraq Tayta Diosmi nin, Israelpa chuya Diosninmi nin, wakin runakunapa usuchisqan runata, nacionkunapa cheqnisqan runata, kamachikuqkunapa serviqninmanmi nin: Reykunawan kamachikuqkunam qawasuspayki sayarispanku qayllaykipi kumuykunqaku. Chaynataqa ruwanqaku Israelpa ñoqa Tayta Diosnin akllaqniki kasqayraykum.

Isaías 53:3

Runakunapapas wischupakusqan qepanchasqan runam karqa, nanaypa huntasqan runam karqa, ñakariypa intuykusqan runam karqa, runakunapapas mana rikuy munasqankum karqa, paytaqa manam kaqpaqpas hapirqanchikchu.

Jeremías 20:7

Dios Taytalláy, engañaypaqmi qamqa engañaruwanki, munayniyuq kasqaykiraykum venceruwanki. Tukuy tiempo asipayanankum kani, lliwmi ñoqamanta burlakunku.

Mateo 20:19

Diosta mana reqsiq runakunapa makinman qoykunqaku, chaynapi paymanta burlakuspa, azotespa cruzpi chakatanankupaq. Ichaqa kimsa punchawmanmi kawsarimunqa, nispa.

Mateo 26:49

Chaymi Jesusman asuykuspan nirqa: ¡Yachachikuq, rimaykullayki! nispan. Chaynata niruspanmi muchaykurqa.

Mateo 27:37

Imamantam wañuchisqankuta huk letrerota qellqaruspankum cruzpa puntanpi kaynata churarurqaku: “KAYQA JUDIOKUNAPA REYNIN JESUSMI”, niqta.

Marcos 15:17

Chaypim morado pachawan hinarachispanku umanmanñataq kichkamanta simpasqa coronata churaykurqaku.

Marcos 15:18

Hinaspam burlakuspanku nirqaku: ¡Kawsachun judiokunapa Reynin! nispanku.