Mateo 27:19 - CHUYA QELLQA La Biblia en Quechua de Ayacucho 2012

¹⁹ Tribunalpi Pilato tiyachkaptinmi warmin kaynata willachimurqa: Ama imanaychu chay allin ruwaq runataqa. Payraykum chisi tuta manchapallataña mosqokuruni, nispa.

Quechua Ayacucho Bible 1987

¹⁹ Pilato cortepi kachkaptinmi warmin willachimurqa: —Amam imanankipaschu chay allin ruraq runataqa. Chisim mosqoyniypi llumpaysuta ñakarirqani paypa causanpi —nispa.

Chuya Qellqa 1992

¹⁹ Tribunalpi Pilato tiyachkaptinmi warmin kaynata willachimurqa: Ama imanaychu chay allin ruwaq runataqa. Payraykum chisi tuta manchapallataña mosqokuruni, nispa.

Mateo 27:19 Iomraidhean Croise

Génesis 31:11

Chaymi mosqoyniypi Diospa angelnin sutiymanta qayawaptin nirqani: ¿Imata, taytáy? nispa.

Génesis 31:24

Hinaptinmi Aram casta Labanman chay tuta mosqoyninpi rikuriykuspan Dios nirqa: Yanqataq Jacobta imatapas nichkawaq, nispa.

Génesis 31:29

Chaynaqa, makillaypim kachkankichik imatapas ruwarunaypaq. Ichaqa taytaykipa Diosninmi chisi tuta mosqoyniypi niwarqa: “Yanqataq Jacobta imatapas niwaq”, nispa.

Proverbios 29:1

Huk runa qaqchasqa kachkaspan mana kasukuspanqa, mana pipa ama nisqanmi qonqaymanta chinkachisqa kanqa.

Isaías 53:11

Ñakarisqanpa rurunta qawaspam sinchita kusikunqa; Tayta Diospa serviqninmi achkaqta mana huchayuqtaña ruwanqa, paykunapa mana allin ruwasqankutam apanqa.

Zacarías 9:9

¡Sión llaqtapi yachaqkuna llumpayta kusikuychik! ¡Jerusalenpi yachaqkuna kusikuymanta qapariychik! Reynikichikmi qamkunaman hamuchkan, payqa allin ruwaq hinaspa salvakuqmi, asnopi silladam humildella hamuchkan, malta asnochapim hamuchkan.

Números 12:6

paykunata nirqa: Kay nisqayta uyariychik: Qamkuna ukupi profeta kaptinqa ñoqam payman visionpi rikurisaq, hinaspam mosqoyninpi rimapayasaq.

Mateo 1:20

Chaynata tanteachkaptinmi Diospa angelnin mosqoyninpi rikuriykuspan kaynata nirqa: Davidpa miraynin José, Mariawan casarakuytaqa ama manchakuychu, payqa Chuya Espiritupa atiyninwanmi wiksayakurun.

Mateo 2:19

Herodes wañuruptinmi Egipto nacionpi José kachkaptin Diospa angelnin mosqoyninpi rikuriykuspan nirqa:

Mateo 2:22

Ichaqa Herodespa rantinpi churin Arquelaoña Judea nacionpi munaychakusqanta yacharuspanmi, chayman riyta manchakururqa. Hinaspam Dios musqoyninpi kamachiptin Galilea lawmanña pasakurqa.

Mateo 27:18

Payqa yacharqam Jesustaqa envidiakuspanku entregaykusqankuta.

Mateo 27:24

Hatun chaqwata qawaykuspanmi Pilato mana ima ruwaytapas atirqachu. Chaymi yakuta aparachimuspan runakuna qawachkaptin makinta mayllakururqa, hinaspam nirqa: Kay runapa wañusqanmantaqa manam huchayuqchu kasaq, qamkunam huchayuqqa kankichik, nispa.

Mateo 27:4

kaynata nirqa: Huchallikurunim, mana huchayuq runatam wañuchinaykichikpaq qamkunaman entregaykuykichik, nispan. Chaymi paykunañataq nirqaku: ¿Imataq qokuwanku ñoqaykutaqa? ¡Chayqa qampiñam! nispanku.

Lucas 23:41

Ñoqanchikqa mana allinkuna ruwasqanchikmantam kaypi ñakarichkanchik, paymi ichaqa yanqamanta ñakarichkan, nispan.

Lucas 23:47

Soldadokunapa capitanninmi chaykunata qawaykuspan Diosta yupaycharqa: Cheqaptapunim kay runaqa mana huchayuq kasqa, nispan.

Juan 19:13

Chaynata niptinkum Jesusta hawaman pusachimuspan sentencianan cortepi Pilato tiyaykurqa. Chay sitiopa sutinmi karqa Empedrado, hebreopiñataq Gábata.

Hechos 12:21

Chaymi Herodesqa paykunata qayachirqa huk punchaw rimanakunankupaq. Chay punchaw chayaramuptinmi rey pachanwan pachakuruspan trononpi tiyaykuspan llapa runakunaman rimarirqa.

Hechos 18:12

Ichaqa Acaya lawpi Galión gobernador kachkaptinmi, Pablopa contranpi llapa judiokuna huñunakururqaku, hinaspankum juzgadoman aparuspanku

Hechos 18:16

Hinaspanmi llapa judiokunata juzgadonmanta hawaman qarqoramurqa.

Hechos 18:17

Hinaptinmi llapa runakuna, sinagogapi kamachikuq Sostenesta hapiruspanku, gobernadorpa ñawpaqninpi maqaparqaku. Gobernador Galiontam ichaqa mana imapas qokurqachu.

Hechos 25:10

Pabloñataqmi nirqa: Cesarpa tribunalninpim kachkani juzgasqa kanaypaq. Yachasqaykipi hinapas judiokunapa contranpiqa manam ima mana allintapas ruwarqanichu.

Hechos 25:17

Chaynapim acusaqninkuna hamuruptin, paqarinnintin punchawlla juzganaypi tiyaykuspay Pablota pusachimurqani.

Hechos 25:6

Yaqa chunka punchaw Jerusalén llaqtapi karuspanmi, gobernador Festoqa Cesarea llaqtaman kutikurqa. Chaymi paqarinnintin punchawlla juzgananpi tiyaykuspan Pablota pusachimurqa.

1~Pedro 2:22

Cristoqa manam huchallikurqachu, nitaqmi pitapas engañarqachu.

1~Juan 2:1

Kuyasqay churillaykuna, mana huchallikunaykichikpaqmi kaykunata qellqamuykichik. Sichum pipas huchallikuruptinqa Dios Taytanchikpa qayllanpi rimarinanpaqmi abogadonchik Jesucristo kapuwachkanchik.