Mateo 26:56 - CHUYA QELLQA La Biblia en Quechua de Ayacucho 2012

⁵⁶ Tukuy kaykunaqa pasakun profetapa qellqasqan cumplikunanpaqmi, nispa. Llapa discipulokunañataqmi Jesusta sapallanta saqeruspanku ayqekurqaku.

Quechua Ayacucho Bible 1987

⁵⁶ Aswanqa kaykunaqa pasakun Diosmanta willakuqkunapa qellqasqan cumplikunanpaqmi —nispa. Hinaptinmi lliw discipulonkuna Jesusta sapallanta saqeruspa ayqekurqaku.

Chuya Qellqa 1992

⁵⁶ Tukuy kaykunaqa pasakun profetapa qellqasqan cumplikunanpaqmi, nispa. Llapa discipulokunañataqmi Jesusta sapallanta saqeruspanku ayqekurqaku.

Mateo 26:56 Iomraidhean Croise

Génesis 3:15

Warmitawan qamtam cheqninachisqayki, cheqninachisaqtaqmi miraynikitawan miraynintapas. Mirayninmi umaykipi sarusunki, qamñataqmi talonninpi kachunki, nispa.

Isaías 44:26

Serviqniykunapa rimasqantam ichaqa cumplichini, kachasqaykunapa willakuyninkutapas allintam qespichini, chaymi ima ruwayninkupas allin lloqsin. Jerusalentam nini: Llaqtayankim nispay; Judatañataqmi nini: Kaqllamantam hatarichisqa kanki, tuñichisqa perqaykikunatam musoqmanta hatarichisaq, nispay.

Lamentaciones 4:20

Tayta Diospa sapaqchasqan reytam presota aparqaku, payqa kawsachiqniykum karqa, paymantam nirqaniku: “Llaqtakunapa chawpinpipas paypa nanachikusqanmi kawsakusaqku”, nispa.

Daniel 9:24

Qanchis chunka semanam tanteasqa kachkan nacionnikipaqpas chaynataq chuya llaqtaykipaqpas, mana kasukuyninkuwan huchallikuyninkupas tukunanpaq, huchapas puchukachisqa kananpaq, mana allin ruwayta pampachananpaq; allin ruwayta wiñaypaq takyachinanpaq, visionpas profeciapas cumplikunanpaq, Chuyay-chuyay lugarpas Diosllapaqña sapaqchasqa kananpaq.

Daniel 9:26

Chay soqta chunka iskayniyuq semanakuna pasaruptinmi, kamachikuq Mesías wañuchisqa kanqa. Jerusalén llaqtatapas huk reymi tropankunawan hamuruspa tuñirachinqa, chaynataqmi santuariotapas tuñirachinqa. Lloqlla hinam puchukay chayaramunqa, puchukay chayamunankamam guerrakunapas hinaspa purmachiykunapas kanqa.

Zacarías 13:7

Tukuy Atiyniyuq Tayta Diosmi kaynata nin: Espada, michiqniypa contranpi hatariy, yanapaqniypa contranpi hoqarikuy, michiqta wañuchiptikim llapa ovejakuna cheqenqa. Ñoqañataqmi uñachakunapa contranpi makiyta hoqarisaq, nispa.

Mateo 21:42

Jesusñataqmi nirqa: ¿Manachu Qellqapi leerqankichik: “Wasi perqaqkunapa wischupakusqanku rumim cimientopa esquinan hapiq rumiña rikurirun. Kaytaqa Diosmi ruwarun, chayraykum anchata admirakunchik nisqanta?” nispa.

Mateo 26:24

Cheqaptapunim runapa Churinqa Qellqapa nisqanman hina ruwasqa kanqa, ichaqa, ¡imaynaraq traicionaqnin runa kanqa! Amapas nacenmanchu karqa, nispa.

Mateo 26:31

Hinaptinmi Jesús nirqa: Kunan tutam llapallaykichik saqewankichik, qellqasqam kachkan: “Michiqta wañurachiptiymi ovejakuna cheqerunqa”, nispa.

Mateo 26:54

Chayna kaptinqa manachiki Qellqapa kaykuna pasakunanmanta nisqankuna cumplikunmanchu, nispa.

Juan 16:32

Ñam hora chayaramunña, sapakamam cheqerunkichik hinaspam sapallaytaña saqeruwankichik. Ichaqa manam sapallaychu kachkani, Taytaymi ñoqawanqa kachkan.

Hechos 1:16

Wawqe-panillaykuna, Chuya Espiri-tum Davidnintakama Judasmanta ri-marqaña. Chay Judasmi soldadokunata pusaspan Jesusta presocharachirqa.

Hechos 2:23

Diosqa ñawpaqmantaraq yachasqanman hinam hinaspa munasqanman hinam Jesusta qamkunapa makikichikman churaykurqa. Qamkunam payta presocharurqankichik, hinaspam mana allin runakunawan chakatachispa wañurachirqankichik.

2~Timoteo 4:16

Ñawpaq kaq kutipi kamachikuqkunapa qayllanman rimanakunaypaq yaykuptiyqa manam pipas yanapaykuwarqachu, lliwchankum saqeruwarqaku. Diosninchikyá kay ruwasqankumantaqa pampachaykuchun.