Mateo 26:55 - CHUYA QELLQA La Biblia en Quechua de Ayacucho 2012

⁵⁵ Chaymantam llapa runakunata Jesús tapurqa: ¿Suwata hina hapiwanaykichikpaqchu espadayuqkama chaynataq kaspiyuqkama hamurqankichik? Ñoqaqa sapa punchawmi templopi yachachispay qamkunawan karqani, ichaqa manam presochawarqankichikchu.

Quechua Ayacucho Bible 1987

⁵⁵ Hinaspanmi chay ratopi llapa runakunata nirqa: —¿Suwatapas hapiq hinachum hamurqankichik espadayoq hinaspa kaspiyoq presochawanaykichikpaq? Sapa punchawmi ñoqaqa qamkunawan karqani templopi yachachispay ichaqa manam presochawarqankichikchu.

Chuya Qellqa 1992

⁵⁵ Chaymantam llapa runakunata Jesús tapurqa: ¿Suwata hina hapiwanaykichikpaqchu espadayuqkama chaynataq kaspiyuqkama hamurqankichik? Ñoqaqa sapa punchawmi templopi yachachispay qamkunawan karqani, ichaqa manam presochawarqankichikchu.

Mateo 26:55 Iomraidhean Croise

Mateo 21:23

Chaykunapa qepantam, temploman Jesús yaykuruspan yachachichkarqa, hinaptinmi llaqtapa kamachiqninkunawan sacerdotekunapa kamachiqninkuna kaynata tapurqaku: ¿Pitaq kamachisurqanki kaykunata ruwanaykipaq? ¿Pitaq kaykunata ruwanaykipaq atiyta qosurqanki? nispanku.

Mateo 26:47

Chaynata Jesús rimachkaptinraqmi Judas chayaramurqa, payqa discipulonkunapa hukninmi karqa. Paywanmi achkallaña runakuna hamurqa espadayuq hinaspa kaspi aptarisqa. Chay runakunaqa karqa sacerdotekunapa, judiokunapa chaynataq kamachiqkunapa kachamusqanmi.

Marcos 10:1

Jesusmi Capernaúm llaqtamanta lloqsispan Judea lawman hinaspa Jordán mayupa waklawninman rirqa. Chaymi llapa runakuna huktawan huñunakaramuptin imaynam puntakunata hina yachachirqa.

Marcos 12:35

Jesusmi templopi yachachispan nirqa: ¿Imaynanpitaq Diospa leynin yacha-chiqkuna ninku “Cristoqa Davidpa churinmi” nispanku?

Lucas 19:47

Jesusmi templopi sapa punchaw yachachirqa, llapa sacerdotekunapa kamachiqninkunawan Diospa leynin yachachiqkuna hinaspa llaqtapa kamachiqninkunam Jesusta imayna wañurachiyta maskarqaku.

Lucas 20:1

Huk punchawmi runakunata templopi Jesús yachachispan allin noticiata willachkarqa, hinachkaptinmi sacerdotekunapa kamachiqninkunawan Diospa leynin yachachiqkuna hinaspa judiokunapa kamachiqninkuna chayaruspa

Lucas 4:20

Chaymantam Jesusqa librota wichqaykuspan sinagogapi yanapakuqman haywaykuspan tiyaykurqa. Llapa runakuna qawarayaptinkum

Juan 7:14

Chawpi fiesta kachkaptinñam temploman Jesús yaykuspan yachachiyta qallaykurqa.

Juan 7:28

Chayraykum Jesusqa templopi yachachichkaspan qaparispan nirqa: Ñoqataqa reqsiwankichikmi, maylawmantam kasqaytapas yachankichikmi, ñoqaqa manam kikillaymantachu hamur-qani, mana reqsisqaykichik kachamuwaqniymi ichaqa cheqap.

Juan 8:2

paqarinnintin tutapaytañataqmi temploman kutimurqa. Chaymi llapa runakuna payman asuykuptinku tiyay-kuspa yachachirqa.

Juan 8:20

Jesusmi tukuy kaykunata rimarirqa templopi ofrenda churanankupa waqtanpi yachachispan; ichaqa manam pipas presocharqachu manaraq tiempon chayamusqanrayku.