Mateo 26:45 - CHUYA QELLQA La Biblia en Quechua de Ayacucho 2012

⁴⁵ Chaymanta kutiramuspanmi discipulonkunata nirqa: ¿Hinallaraqchu puñuspa samach-kankichik? Runapa Churinta huchasapakunapa makinman entregananku horam chayaramunña.

Quechua Ayacucho Bible 1987

⁴⁵ Chaymanta kutiramuspanmi discipulonkunata nirqa: —Kunanqa puñukuspayá samakuychikña, ñam hora chayaramunña, Diosmanta Hamuq Runaqa huchasapakunapa makinman entregasqañam kasaq.

Chuya Qellqa 1992

⁴⁵ Chaymanta kutiramuspanmi discipulonkunata nirqa: ¿Hinallaraqchu puñuspa samachkankichik? Runapa Churinta huchasapakunapa makinman entregananku horam chayaramunña.

Mateo 26:45 Iomraidhean Croise

1~Reyes 18:27

Chawpi punchawña kachkaptinmi asipayaspan Elías nirqa: Tukuy kallpaykichikwan qayaykachakuychik, payqa diosmi, ichapas yuyaymanachkan otaq ispakuchkanpas otaq illarunpas, icha puñuchkanpas chaynaqa rikchachiychikyá, nispa.

Eclesiastés 11:9

Joven, joven kaynikipi kusikuy, sonqoykipas warma kaynikipi anchata kusikuchun, sonqoykipa munasqanman hina, ñawikipa qawasqanman hina kawsay. Ichaqa amayá qonqaychu, tukuy ima ruwasqaykimantaqa Diosmi cuenta mañasunki.

Mateo 26:18

Chaymi payñataq nirqa: Llaqtaman rispa rimapayasqay runata nimuychik: “Yachachikuqmi nin: Wañukunay punchawmi hichpamuchkanña, wasikipim Pascua mikuyta discipuloykunawan mikusaq”, nispa.

Mateo 26:2

Yachasqaykichikpi hinam iskay punchawmanta Pascua fiesta kanqa, hinaptinmi runapa Churin entregasqa kanqa chakatasqa kananpaq, nispa.

Mateo 26:44

Chaymi paykunata saqeykuspan huktawan kutispan kay kimsa kaqpipas hina chaynallata mañakurqa.

Mateo 26:46

¡Hatariychik, hakuchikña! Entregawaqniymi hamuchkanña, nispa.

Marcos 14:35

Chaymantam waklawniqman pasas-pan qonqorakuykuspan pampakama kumukuykurqa, hinaspam Diosta mañakurqa, sichu pay munaptinqa chay ñakarinan hora ama chayamunanpaq.

Lucas 22:53

Ñoqaqa sapa punchawmi qamkunawan templopi karqani, ichaqa manam presochawarqankichikchu. Ñam qamkunapa ruwanaykichik horaña, kunanqa tutayaypi kamachikuqñam munaychakuchkan, nispa.

Juan 12:23

Jesusmi nirqa: Ñam tiempoña runapa Churin hatunchasqa kananpaq.

Juan 12:27

Kunanmi almay hukmanyasqa kachkan. Chaynaqa, ¿imanisaqtaq? ¿Icha: “Taytáy, salvaykuway kay ñakariymanta” nispachu nisaq? Ñoqaqa kaynata ñakarinaypaqmi kunan hamurqani.

Juan 13:1

Pascua fiestapa ñawpaqnintaraqmi Jesusqa yacharqaña kay pachamanta Taytanpa kasqanman kutinanta. Kay pachapi paypa kaqkunatam kuyarqa, tukupaykamam kuyarqa.

Juan 17:1

Jesusmi chaykunata niruspan hanaq pachata qawarispan nirqa: Taytáy, ñam hora chayaramunña. Churikitaqa hatunchawayñayá chaynapi qamtapas kay Churiki hatunchasunaykipaq.