Mateo 26:39 - CHUYA QELLQA La Biblia en Quechua de Ayacucho 2012

³⁹ Hinaspanmi waklawniqman pasaspan pampakama kumuykuspan kaynata mañakurqa: Taytalláy, atina kaptinqa ñoqamantayá qechuruy kay ñakariyta, ichaqa amayá ñoqapa munasqaychu ruwasqa kachun, aswanqa qampa munasqaykiyá, nispa.

Quechua Ayacucho Bible 1987

³⁹ Waklawneqman pasaspanmi pampakama kurkukuykuspan Diosta mañakurqa: —Taytáy, atina kaptinqa ñoqamantayá asurichiy kay ñakariyta, ichaqa amayá ñoqapa munasqaychu kachun aswanqa qampa munasqaykiyá —nispa.

Chuya Qellqa 1992

³⁹ Hinaspanmi waklawniqman pasaspan pampakama kumuykuspan kaynata mañakurqa: Taytalláy, atina kaptinqa ñoqamantayá qechuruy kay ñakariyta, ichaqa amayá ñoqapa munasqaychu ruwasqa kachun, aswanqa qampa munasqaykiyá, nispa.

Mateo 26:39 Iomraidhean Croise

Génesis 17:3

Chaymi Abramqa qonqoraykuspa pampakama kumuykurqa, hinaptinmi Dios kaynata nirqa:

2~Samuel 15:26

Sichum pay niwanqa: “Manañam munaykichu” hinaptinqa ñoqawanyá imam munasqanta ruwachun, nispa.

1~Crónicas 21:16

Davidñataqmi qawarispan Tayta Diospa angelninta rikururqa kay pachapa altonpi kaspan espadanta hapiykuspan Jerusalén llaqtaman haywarayachkaqta. Chaymi Davidwan llapa ancianokuna, qachqa pachawan pachakuruspanku qonqoranpa pampaman kumuykurqaku.

Isaías 50:5

Tayta Diosmi kasukuq kanaypaq rinrillayta kichaykun, kasukuspaymi mana qepaman kutirqanichu.

Isaías 53:12

Chayraykum ancha reqsisqakunapa chawpinpi payta churasaq, atiyniyuqkunawanmi guerrapi qechusqanta rakinakunqa. Chaynataqa ruwanqa vidanta wañunankama qoykusqanraykum, huchasapakunawan hukllawasqa kasqanraykum, achkaqpa huchankunata qepikuykusqanraykum huchasapakunapaq mañakusqanraykum.

Ezequiel 1:28

Chay muyuriqninpi kanchariymi kasqa paramuptin puyu ukumanta rikurimuchkaq chirapa hina. Chaynatam Tayta Diospa kanchariynin ñoqaman rikuriykuwarqa. Chayta rikuruspaymi qonqoranpa pampaman kumuykurqani. Chaymantam rimapayamuwasqanta uyarirqani.

Números 14:5

Moiseswan Aaronñataqmi Israelpa llapallan mirayninkunapa qayllanpi qonqoranpa pampaman kumuykurqaku.

Números 16:22

Chaymi Moiseswan Aaronñataq qonqoranpa pampaman kumuykuspa nirqaku: Dios Taytallayku, runakuna kawsachiq Dios, ¿chulla runapa huchallanmantachu llapa runakunapaq piñakurunki? nispanku.

Mateo 20:22

Jesusñataqmi nirqa: Manam imam mañakusqaykichik-tapas yachankichikchu. ¿Yaqachu ño-qapa ñakarisqayta hina ñakariwaqchik? nispa. Hinaptinmi paykunañataq nirqaku: Arí, atisaqkum, nispanku.

Mateo 24:24

Chay punchawkunapiqa cristo tukuqku-nawan profeta tukuqkunam hatarimunqaku, hinaspam admirakuypaq milagrokunatawan señalkunata ruwan-qaku, chaykunawanmi Diospa akllasqan kaqkunatañapas pantachinqaku.

Mateo 26:42

Huktawan kutispanmi kaynata mañakurqa: Taytalláy, sichum ñakarinay kaptinqa, qampa munasqaykiyá ruwasqa kachun, nispa.

Marcos 13:22

Cristo tukuqkunawan profeta tukuqkunam rikurimunqaku, hinaspam admirakuypaq milagrokunata ruwaspanku Diospa akllasqan kaqkunatapas engañanqaku.

Lucas 17:16

Hinaspam graciasta qospan Jesuspa ñawpaqninpi qonqorakuykurqa. Payqa karqa Samaria lawmanta kaqmi.

Juan 11:41

Tapasqanku rumita hurqoruptinkum Jesusqa hanaq pachata qawarispan nirqa: Taytáy, graciastam qoyki uyariykuwasqaykimanta.

Juan 14:31

Ichaqa hinam chayna kanan, chaymi runakuna yachanqa Tay-tapa kuyawasqanta, yachanqakutaqmi ñoqaqa paypa kamachiwasqan ruwas-qaytapas. Hatariychik, kaymanta hakuchik.

Juan 18:11

Jesusñataqmi Pedrota nirqa: Espadaykita sitionman kutiykachiy. ¿Ñakarinaypaq Taytaypa qowasqantaqa manachu chaskiyman? nispa.

Juan 5:19

Jesusmi nirqa: Cheqaptapunim nikichik, Churiqa kikillanmantaqa manam ima ruwaytapas atinmanchu, aswanqa Taytapa ruwasqankuna rikusqallantam. Taytapa tukuy ima ruwasqantam Churipas ruwan.

Juan 5:30

Manam imatapas kikillaymantaqa ruwaymanchu. Ñoqaqa Taytapa kamachiwasqanman hinam juzgani, juzganiqa mana pimanpas sayapakuspaymi, ñoqaqa manam kikiypa munasqaytachu ruwani, aswanqa kachamuwaqniy Taytaypa munasqantam.

Juan 6:38

Hanaq pachamantaqa hamurqani manam kikiy-pa munasqayta ruwanaypaqchu, aswanqa kachamuwaqniypa munasqanta ruwanaypaqmi.

Hechos 10:25

Corneliopa wasinman Pedro chayaruptinmi Cornelioñataq, chaskiqnin lloqsimuspan Pedropa ñawpaqninpi qonqorakuykurqaku hatunchanankupaq.

Filipenses 2:8

Runaman tikrakuruspanmi uchuychakuykurqa, uchuychakurqaqa Diosta kasukuspan penqaypaq cruzpi wañunankamam.

Hebreos 5:7

Cristoqa kay pachapi kawsaspanmi qaparispan hinaspa waqaspan ruegakuyllawanña wañuymanta libray atiqnin Diosta mañakurqa, chaymi Diosqa payman sonqo kasqanrayku uyariykurqa.

Apocalipsis 19:10

Angelta yupaychanaypaq ñawpaqninpi qonqorakuykuptiymi, payñataq niwarqa: ¡Ama chaytaqa ruwaychu! Ñoqaqa kani, qampapas chaynataq Jesusmanta willakuq wawqe-panikikunapapas serviqmasillaykichikmi. ¡Yupaychaspaqa yupaychay Diosllatayá! Jesusmanta cheqap willakuqqa Diospa revelasqantam yachachin, nispa.