Mateo 26:35 - CHUYA QELLQA La Biblia en Quechua de Ayacucho 2012

³⁵ Hinaptinmi Pedroñataq nirqa: Qanwan kuska wañunay kaptinpas manapunim negasqaykichu, nispa. Chaymi wakin discipulokunapas chaynallata nirqaku.

Quechua Ayacucho Bible 1987

³⁵ Pedroñataqmi nirqa: —Qanwan kuska wañunay kaptinpas manapunim negasqaykichu —nispa. Chaynallatam llapallan discipulonkunapas nirqaku.

Chuya Qellqa 1992

³⁵ Hinaptinmi Pedroñataq nirqa: Qanwan kuska wañunay kaptinpas manapunim negasqaykichu, nispa. Chaymi wakin discipulokunapas chaynallata nirqaku.

Mateo 26:35 Iomraidhean Croise

Éxodo 19:8

Hinaptinmi runakuna chulla runa hinalla nirqaku: Tayta Diospa tukuy kamachiwasqankutam ruwasaqku, nispanku. Moisesñataqmi kutispan runakunapa nisqanta Tayta Diosman willamurqa.

Proverbios 28:14

Mayna kusisqam kanqa Diosta tukuy tiempo kasukuq runaqa, mana kasukuq runam ichaqa sasachakuyman wichiykunqa.

Proverbios 29:23

Hatun tukuq runaqa uchuychasqam kanqa, uchuychakuq runam ichaqa hatunchasqa kanqa.

Mateo 10:33

Runakunapa qayllanpi negaqniytam ichaqa ñoqapas hanaq pachapi kaq Taytaypa qayllanpi negasaq.

Juan 13:37

Chaymi Pedroñataq nirqa: Señorlláy, ¿imanasqataq kunanqa mana qatikimanchu? Vidaytapas qamraykuqa qosaqmi, nispa.

Romanos 11:20

Arí, mana iñisqankuraykum kuchusqa karqaku, qamñataqmi ichaqa iñisqaykirayku paypa rantinpi allinta sayachkanki. Chaynaqa, Diospa qayllanpiqa ama hatun tukuychikchu aswanqa manchakuqyá kaychik.

1~Corintios 10:12

Chaynaqa, pipas qaqa hina sayasqanpaq hapikuqqa wichiykunanmanta cuidakuchun.

Filipenses 2:12

Kuyasqay wawqe-panillaykuna, qamkunawan kaptiymi tukuy tiempo kasuwarqankichik, ichaqa manam qamkunawan kaptillaychu, chaynaqa karupi kaptiypas aswanraqyá kasuwaychik. Manchakuywan hinaspa respetowanyá salvasqa kasqaykichikta allinta waqaychaychik,

1~Pedro 1:17

Sichum “Taytáy” ninkichik pimanpas mana sayapakuspa runakunapa ruwayninman hina juzgaq Diosta, hinaspaqa tukuy tiempo kasukuspayá huklaw llaqtayuq hina kawsaychik.