Mateo 26:24 - CHUYA QELLQA La Biblia en Quechua de Ayacucho 2012

²⁴ Cheqaptapunim runapa Churinqa Qellqapa nisqanman hina ruwasqa kanqa, ichaqa, ¡imaynaraq traicionaqnin runa kanqa! Amapas nacenmanchu karqa, nispa.

Quechua Ayacucho Bible 1987

²⁴ Diosmanta Hamuq Runataqa Bibliapa nisqanman hinam sucedewachkan ichaqa ¡imaynaraq kanqa traicionawaqniy runaqa, amapas payqa nacenmanchu karqa! —nispa.

Chuya Qellqa 1992

²⁴ Cheqaptapunim runapa Churinqa Qellqapa nisqanman hina ruwasqa kanqa, ichaqa ¡imaynaraq traicionaqnin runa kanqa! Amapas nacenmanchu karqa, nispa.

Mateo 26:24 Iomraidhean Croise

Génesis 3:15

Warmitawan qamtam cheqninachisqayki, cheqninachisaqtaqmi miraynikitawan miraynintapas. Mirayninmi umaykipi sarusunki, qamñataqmi talonninpi kachunki, nispa.

Daniel 9:26

Chay soqta chunka iskayniyuq semanakuna pasaruptinmi, kamachikuq Mesías wañuchisqa kanqa. Jerusalén llaqtatapas huk reymi tropankunawan hamuruspa tuñirachinqa, chaynataqmi santuariotapas tuñirachinqa. Lloqlla hinam puchukay chayaramunqa, puchukay chayamunankamam guerrakunapas hinaspa purmachiykunapas kanqa.

Zacarías 12:10

Davidpa mirayninkunamanwan Jerusalenpi yachaqkunamanmi ichaqa llakipayakuq hinaspa mañakuq espirituta chaqchurimusaq. Hinaptinmi ñoqata, lanzawan tuksisqankuta qawaspa, piwi churinkumanta hina waqanqaku, sapallan wawankumanta hinam llakikunqaku.

Zacarías 13:7

Tukuy Atiyniyuq Tayta Diosmi kaynata nin: Espada, michiqniypa contranpi hatariy, yanapaqniypa contranpi hoqarikuy, michiqta wañuchiptikim llapa ovejakuna cheqenqa. Ñoqañataqmi uñachakunapa contranpi makiyta hoqarisaq, nispa.

Mateo 18:7

¡Mayna llakikuypaqmi runata kay pachapi imapas huchallichiq kaqkunaqa! Chaykunaqa kanqapunim, ichaqa ¡imaynaraq kanqa runamasinta huchaman tanqaq runaqa!

Mateo 26:31

Hinaptinmi Jesús nirqa: Kunan tutam llapallaykichik saqewankichik, qellqasqam kachkan: “Michiqta wañurachiptiymi ovejakuna cheqerunqa”, nispa.

Mateo 26:54

Chayna kaptinqa manachiki Qellqapa kaykuna pasakunanmanta nisqankuna cumplikunmanchu, nispa.

Mateo 26:56

Tukuy kaykunaqa pasakun profetapa qellqasqan cumplikunanpaqmi, nispa. Llapa discipulokunañataqmi Jesusta sapallanta saqeruspanku ayqekurqaku.

Marcos 14:21

Runapa Churinqa Qellqapa nisqanman hinam ripukunqa, ichaqa ¡imaynaraq kanqa traicionaqnin runaqa, amapas nacenmanchu karqa! nispa

Marcos 9:12

Hinaptinmi Jesusñataq nirqa: Arí, Eliasmi puntamunqa hinaspam tukuy imata allichanqa. ¿Manachu Diospa Qellqanpi nin: “Runapa Churinqa ñakarichisqa kaspam despreciasqa kanqa”, nispan?

Lucas 22:22

Runapa Churinqa Diospa nisqanman hinam wañunqa, ichaqa ¡ay, imaynaraq kanqa traicionawaqniy runaqa! nispa.

Lucas 24:46

Hinaspanmi paykunata Jesús nirqa: Qellqasqam kachkan Cristoqa ñaka-rispa wañunanmanta hinaspa kimsa punchawman kawsarimunanmanta,

Juan 17:12

Paykunawan kay pachapiraq kaspayqa atiyniyuq sutikipim nanachikurqani, qowasqaykikunataqa allintam waqaycharqani, manam mayqanllanpas chinkarqachu, ichaqa chinkananpaq kaq runallam, chaynapi Qellqapa nisqan cumplikunanpaq.

Juan 19:24

Soldadokunam ninakurqaku: Ama llikispalla sortearusunchik mayqanninchikpaqpas kananpaq, nispanku. Chaynapim Qellqapa kayna nisqan cumplikurqa: “Pachaykunatam rakinakurqaku, pachaypaqmi suertetaraq choqarqaku”, nispa. Chaynatam soldadokuna ruwarqaku.

Juan 19:28

Kaykuna pasakuptinqa Jesusqa yacharqañam tukuy imapas cumplikusqanta, chaymi Qellqapa nisqan cumplikunanpaq nirqa: Yakunayaruwanmi, nispa.

Hechos 2:23

Diosqa ñawpaqmantaraq yachasqanman hinam hinaspa munasqanman hinam Jesusta qamkunapa makikichikman churaykurqa. Qamkunam payta presocharurqankichik, hinaspam mana allin runakunawan chakatachispa wañurachirqankichik.

Hechos 28:23

Chaykunamanta rimanankupaq huk punchawtaña akllaruptinkum, Pablopa samakusqanman achka runakuna hamurqaku, hinaptinmi tutapaymanta tardeykuqkama Diospa munaychakusqanmanta paykunaman willarqa. Moisespa hinaspa profetakunapa qellqasqanta qawachispanmi Jesusmanta convencechiyta munarqa.

Hechos 4:28

Chaynataqa ruwarqaku ñawpaqmantaraq qampa munasqayki cumplikunanpaqmi.

1~Corintios 15:3

Tukuymanta llalliqtaqa chaskisqayman hinam yachachirqaykichik: Qellqapa nisqanman hinam Cristoqa huchanchikkunarayku wañurqa.