Mateo 26:18 - CHUYA QELLQA La Biblia en Quechua de Ayacucho 2012

¹⁸ Chaymi payñataq nirqa: Llaqtaman rispa rimapayasqay runata nimuychik: “Yachachikuqmi nin: Wañukunay punchawmi hichpamuchkanña, wasikipim Pascua mikuyta discipuloykunawan mikusaq”, nispa.

Quechua Ayacucho Bible 1987

¹⁸ Chaymi payñataq nirqa: —Riychik llaqtata nisqay runaman hinaspa nimuychik: “Yachachikuqmi nin: ‘ripukunaymi chayaykamuchkanña, wasikipim *f**Pascua mikuyta cenasaq discipuloykunawan’ nispa.”

Chuya Qellqa 1992

¹⁸ Chaymi payñataq nirqa: Llaqtaman rispa rimapayasqay runata nimuychik: “Yachachikuqmi nin: Wañukunay punchawmi hichpamuchkanña, wasikipim Pascua mikuyta discipuloykunawan mikusaq”, nispa.

Mateo 26:18 Iomraidhean Croise

Mateo 21:3

Sichum pipas imatapas nisuptikichikqa: “Señormi necesitachkan, chayllam kutichipamusunki” nispam ninkichik.

Mateo 23:10

Amataqyá “pusakuq” nispapas sutichachikuychikchu, pusasuqnikichikqa chullallam, payqa Cristom.

Mateo 23:8

Qamkunaqa amayá “yachachikuq” nispaqa sutichachikuychikchu. Qamkunaqa wawqentin hinallam kankichik, hukllataqmi Yachachiqnikichikpas.

Mateo 26:19

Chaymi discipulonkunaqa Jesuspa kamachisqanta kasukuspanku Pascua mikuyta ruwamurqaku.

Mateo 26:2

Yachasqaykichikpi hinam iskay punchawmanta Pascua fiesta kanqa, hinaptinmi runapa Churin entregasqa kanqa chakatasqa kananpaq, nispa.

Mateo 26:49

Chaymi Jesusman asuykuspan nirqa: ¡Yachachikuq, rimaykullayki! nispan. Chaynata niruspanmi muchaykurqa.

Marcos 5:35

Chaynata Jesús nichkaptinmi Jairopa wasinmanta hamuruspanku payman kaynata willarqaku: Churikiqa wañukunñam ¿imapaqñataq yachachikuqta pusanki? nispanku.

Lucas 22:53

Ñoqaqa sapa punchawmi qamkunawan templopi karqani, ichaqa manam presochawarqankichikchu. Ñam qamkunapa ruwanaykichik horaña, kunanqa tutayaypi kamachikuqñam munaychakuchkan, nispa.

Juan 11:28

Chaynata nispanmi Martaqa rirqa ñañan Mariata qayaq, paytam upallallamanta nirqa: Yachachikuqqa kaypiñam kachkan, qayasuchkankim, nispan.

Juan 12:23

Jesusmi nirqa: Ñam tiempoña runapa Churin hatunchasqa kananpaq.

Juan 13:1

Pascua fiestapa ñawpaqnintaraqmi Jesusqa yacharqaña kay pachamanta Taytanpa kasqanman kutinanta. Kay pachapi paypa kaqkunatam kuyarqa, tukupaykamam kuyarqa.

Juan 17:1

Jesusmi chaykunata niruspan hanaq pachata qawarispan nirqa: Taytáy, ñam hora chayaramunña. Churikitaqa hatunchawayñayá chaynapi qamtapas kay Churiki hatunchasunaykipaq.

Juan 20:16

Jesusñataqmi nirqa: ¡María! nispa. Payñataqmi muyuriykuspan hebreo rimaypi nirqa: ¡Raboni! nispa. Chayqa “yachachikuq” ninanmi.

Juan 7:30

Chaynakunata niptinmi presocharuyta munarqaku, ichaqa manaraq tiempon chayamusqanraykum mana presocharurqakuchu.

Juan 7:6

Chaymi Jesusñataq nirqa: Manaraqmi tiempoy chayamunraqchu, qamkunapaqmi ichaqa ima tiempopas allin.

Juan 7:8

Qamkunallayá fiestamanqa riychik, ñoqaqa manam risaqchu, manaraqmi tiempoy chayamunraqchu, nispa.