Mateo 25:36 - CHUYA QELLQA La Biblia en Quechua de Ayacucho 2012

³⁶ Mana pachayuq kaptiymi pachaykachiwarqankichik, onqoptiymi watukaykamuwarqankichik, carcelpi kaptiymi watukaykamuwarqankichik”, nispa.

Quechua Ayacucho Bible 1987

³⁶ Pachay mana kaptinmi pachaykachiwarqankichik, onqoruptiymi yanapaykuwarqankichik, preso kaptiytaqmi watukuykuwarqankichik.”

Chuya Qellqa 1992

³⁶ Mana pachayuq kaptiymi pachaykachiwarqankichik, onqoptiymi watukaykamuwarqankichik, carcelpi kaptiymi watukaykamuwarqankichik”, nispa.

Mateo 25:36 Iomraidhean Croise

Isaías 58:7

yarqasqa runata mikuykachiymi, mana wasiyuqta wasikipi samaykachiymi, mana pachayuqta pachaykachiymi, runamasikita tukuy imapi yanapaykuymi.

Ezequiel 18:16

pitapas mana ñakarichinqachu, debeqninmanta prenda mañasqantapas mana hapikuykunqachu, pitapas mana suwakunqachu. Aswanqa yarqaymanta kaqkunaman mikuykachinqa, mana pachayuqkunata pachaykachinqa,

Ezequiel 18:7

Pitapas manam ñakarichinchu, debeqninmanta prenda mañasqantapas manam hapikuykunchu, manam pimantapas suwakunchu, yarqasqakunamanmi mikuykachin, mana pachayuqkunatam pachaykachin.

Ezequiel 34:4

Eqoyaruq ovejakunatapas manam kallpanchankichikchu, onqoruqtapas manam hampiykunkichikchu, chakin pakikuruqtapas manam wataykunkichikchu, chullaruqkunatapas manam kutiykachinki-chikchu, chinkaruqkunatapas manam mas-kamunkichikchu, aswanqa maqa-maqaris-pam paykunapi munaychakunkichik.

Mateo 25:37

Hinaptinmi allin ruwaqkuna ninqaku: “Señor, ¿haykapitaq yarqaymanta kaptiki mikuykachirqaykiku? ¿Haykapitaq yakumanta kaptiki yakuta qoykurqaykiku?

Mateo 25:43

Runapa llaqtanpi puriptiypas manam samaykachiwarqankichikchu, mana pachayuq kaptiypas manam pachaykachiwarqankichikchu, onqoptiypas hinaspa carcelpi kaptiypas manam watukuykuwarqankichikchu”, nispa.

Lucas 3:11

Juanñataq nirqa: Pipapas iskay camisaykichik kaptinqa huknintayá mana camisayuqman qoychik. Mikunayuq kaqkunapas chaynatayá ruwaychik, nispan.

Hechos 20:35

Qamkunatapas yachachirqaykichikmi ñoqa hina llamkaspa wakchakunata yanapanaykichikpaq. Amayá qonqaychikchu Señor Jesucristopa nisqanta, paymi nirqa: “Chaskispa kusikuymantaqa, qospa kusikuymi aswan allinqa”, nispa.

Hebreos 10:34

Carcelpi kaqkunamantapas llakipayarikurqankichikmi, imaykichikta qechusuptikichikpas kusisqallam karqankichik, chaynataqa ruwarqankichik hanaq pachapi aswan allin wiñaypaq kapuqniyuq kasqaykichikta yachaspam.

Hebreos 13:3

Presokunamantayá yuyariychik, imay-nam qamkunapas paykunawan preso kachkawaqchikpas hina. Ñakariqkuna-mantapas yuyariychikyá imaynam qamkunapas ñakarichkawaqchik hina.

Santiago 1:27

Dios Taytapa qayllanpi mana pantayniyuq cheqap religionqa kayna ruwanmi: Mana tayta-mamayuqkunaman watukuykuymi, viudakunata llakinkupi yanapaykuymi hinaspa kay pachapi mana allin ruway-kunaman mana chapukuspa waqay-chakuymi.