Mateo 24:8 - CHUYA QELLQA La Biblia en Quechua de Ayacucho 2012

⁸ Chaywanpas kaykunaqa ñakariykunapa qallariyllanraqmi.

Quechua Ayacucho Bible 1987

⁸ Lliw kaykunaqa ñakariykunapa qallariyllanraqmi.

Chuya Qellqa 1992

⁸ Chaywanpas kaykunaqa ñakariykunapa qallariyllanraqmi.

Mateo 24:8 Iomraidhean Croise

Isaías 10:4

Preso pusasqakunawan kuska mana humillakuspaqa wañuymanñam wichinkichik. Chaywanpas Tayta Diosqa hinallam piñasqa kachkan atiyninwan castigananpaq.

Isaías 9:12

Intipa qespimunan lawmantam Siria runakuna, intipa seqaykunan lawmantam filisteokuna Israel llaqtata siminku huntata millpururqaku. Chaywanpas Tayta Diosqa hinallam piñasqa kachkan, atiyninpas hinallam castigananpaq kachkan.

Isaías 9:17

Chaymi Señorqa mana llakipayanqachu jovenkunatapas, viudakunatapas, mana tayta-mamayuqkunatapas, llapallanku millakuypaq llullallaña kasqankurayku, chaynataq yanqakunata rimaq kasqankurayku. Chaywanpas Tayta Diosqa, hinallam piñasqa kachkan atiyninwan castigananpaq.

Isaías 9:21

Manasesmi Efrainta tuñichin Efrainñataqmi Manasesta wichichin, iskayninñataqmi Judá ayllupa contrapi hatarinku. Chaywanpas Diosqa, hinallam atiyninwan castigananpaq kachkan.

Oseas 13:13

Nacenanpaq nanaymi chayaramun, Efrainmi ichaqa mana musyakuq wawa hina, maman wachakuptinmi nacemunanpaq kachkaspan chakakurun.

Marcos 13:8

Huk nacionmi huk nacionpa contranpi hatarinqa, huk reymi huk reypa contranpi hatarinqa; terremotokunapas kaypi chaypim kanqa, muchuykunapas kanqam. Chaywanpas kaykunaqa ñakariykunapa qallariyllanraqmi.

Lucas 21:12

Ichaqa manaraq chaykuna pasa-kuchkaptinmi, presochasqa hinaspa qatikachasqa kankichik. Sinago-gakunaman hinaspa carcelkunaman apasqam kankichik. Ñoqaraykum reykunapa hinaspa gobernadorkunapa qayllanman apasqa kankichik.

Deuteronomio 28:59

paymi qamkunaman chaynataq miraynikichikkunaman admirakuypaq manaña tukuy atiq hatun ñakariykunata hinaspa manchakuypaq mana hampiy atina onqoykunata kachaykamunqa.

1~Tesalonicenses 5:3

Hawkam, segurom kachkanchik, nispa, runakuna nichkaptinkum qonqayllamanta paykunaman hatun sasachakuy chayaramunqa, dolorwan hapichikuq warmi hinam kanqaku, manam lluptinqakuchu.

Santiago 5:1

Apukuna, ¡kayta uyariychik! Qepa punchaw ñakarinaykichikmantayá waqaspa qaparkachaychik.