Mateo 24:39 - CHUYA QELLQA La Biblia en Quechua de Ayacucho 2012

³⁹ Chayna kachkaptinkum sinchi para chayaramuspan llapallankuta chinkarachirqa. Runapa Churin kutimuptinpas chaynam kanqa.

Quechua Ayacucho Bible 1987

³⁹ Manam musyakurqakuchu sinchi para chayamuspan llapallanta chinkarachinankama. Chaynam kanqa Diosmanta Hamuq Runa kutimuptiypas.

Chuya Qellqa 1992

³⁹ Chayna kachkaptinkum sinchi para chayaramuspan llapallankuta chinkarachirqa. Runapa Churin kutimuptinpas chaynam kanqa.

Mateo 24:39 Iomraidhean Croise

Génesis 7:23

Chaynatam kay pachapi llapallan kawsaqkuna wañururqaku, runakunamanta qallaykuspa uywa animalkuna, qasqonpa puriq animalkuna chaynallataq alton pawaq animalkunapas; aswanqa Noeywan kuska arcapi kaqkunallañam qeparurqaku.

Proverbios 23:35

Hinaspam ninki: “Maqaruwaptinkupas manam nanawanchu, azotewasqankutapas manam musyakurqanichu; rikchariruspaymi huktawan trago maskaq pasasaq”, nispa. -19-

Proverbios 24:12

“Ñoqaqa manam yacharqanichu” niptikipas juzgasuqnikiqa yacharunqam, imaynam kawsasqaykita qawasuqnikiqa reqsirunqam, sapakamaman ruwayninman hina pagaqmi musyarunqa. -26-

Proverbios 29:7

Allin ruwaq runaqa wakchakunatam nanachikun, mana allin runatam ichaqa mana imapas qokunchu.

Isaías 42:25

Chayraykum piñakuspa paykunata ñakarichirqa, lenwachkaq ninata hinam paykunaman mancharikuypaq guerrata kachaykamurqa, chaywanpas paykunaqa manam kasukurqakuchu; chay ninam paykunata ruparurqa, chaywanpas paykunaqa manam kaqpaqpas hapirqakuchu.

Mateo 16:27

Runapa Churinqa Taytanpa atiyninwan huntarisqam angelninkunawan hamunqa, hinaspam sapakamaman imam ruwasqanman hina pagapunqa.

Mateo 24:3

Chaymantam Olivos moqoman pasarqaku, chaypi Jesús tiyaykuptinmi llapa discipulokuna sapanpi tapurqaku: Niykuwaykuyá, ¿haykapitaq kay nisqaykikuna pasakunqa? ¿Ima señaltaq kanqa kutimunaykita hinaspa kay pacha puchukananmanta yachanaykupaq? nispanku.

Mateo 24:30

Hinaptinmi runapa Churinpa señalnin cielopi rikuriykamunqa, chaymi kay pachapi llapallan runakuna llumpayta mancharikuspa waqanqaku; hinaspam runapa Churinta puyupi tukuy atiyniywan hinaspa kanchariyniywan hamuchkaqta rikuykunqaku.

Mateo 24:37

Imaynam Noeypa tiemponpi pasakurqa, chaynam runapa Churinpa kutimuyninpas kanqa.

Mateo 24:40

Chay punchawpim chakrapi iskay kachkanqaku, hukninmi hoqarisqa kanqa, hukninñataqmi saqesqa.

Lucas 19:44

Pasaypaq tuñichisqam kanki, runaykikunatapas lliwtam wañuchinqaku. Rumikikunapas manam chullapas perqasqaqa puchunqachu, salvaqniki Diosta mana reqsikusqaykirayku, nispan.

Juan 3:20

Mana allinkunata ruwaq runakunaqa achkiytaqa cheqninkum, mana allinkuna ruwasqankuta mana qawachikunankurayku.

Hechos 13:41

“Diospa nisqanmanta asikuqkuna, uyariychik, admirakuspa chinkaychik. Mana creenaykichikpaq kaqkunatam kay punchawkunapi ruwasaq, pipas chaykunamanta willasuptikichikqa manam creewaqchikchu”, nispa.

Romanos 1:28

Diosta mana kaqpaq hina hapisqankuraykum, Diospas mana allinkuna yuyaymanaymanña saqeykun, chaynapi mana ruwana kaqkunataña ruwanankupaq.

2~Pedro 3:5

Paykunaqa llullankutam mana yachayta munankuchu, Diospa rimariy-llanwan hanaq pachaqa ñawpaq tiem-popi unanchasqa kasqanta chaynataq kay pachapas yakullamanta rikurichisqanta hinaspa yakupa chawpinpi takyachisqantapas.

Jueces 20:34

Chaynapim Israelpa llapallan mirayninkunamanta Gabaa llaqtapa contranpi chunka waranqa allinnin qari-qari runakuna ñawpaqman rirqaku. Llumpayta peleasqankuraykum Benjamín casta-kunaqa pierdesqankuta mana musyakurqakuchu.