Mateo 24:3 - CHUYA QELLQA La Biblia en Quechua de Ayacucho 2012

³ Chaymantam Olivos moqoman pasarqaku, chaypi Jesús tiyaykuptinmi llapa discipulokuna sapanpi tapurqaku: Niykuwaykuyá, ¿haykapitaq kay nisqaykikuna pasakunqa? ¿Ima señaltaq kanqa kutimunaykita hinaspa kay pacha puchukananmanta yachanaykupaq? nispanku.

Quechua Ayacucho Bible 1987

³ Olivos Moqopiña Jesus tiyachkaptinmi discipulonkuna sapanpi tapuykurqaku: —Niykuwaykuyá ¿haykapitaq kay nisqaykikunaqa kanqa? ¿Imaynataq yachasaqku kutimunaykimantaqa hinaspa kay pacha puchukananmantaqa? —nispa.

Chuya Qellqa 1992

³ Chaymantam Olivos moqoman pasarqaku, chaypi Jesús tiyaykuptinmi llapa discipulokuna sapanpi tapurqaku: Niykuwaykuyá ¿haykapitaq kay nisqaykikuna pasakunqa? ¿Ima señaltaq kanqa kutimunaykita hinaspa kay pacha puchukananmanta yachanaykupaq? nispanku.

Mateo 24:3 Iomraidhean Croise

Mateo 13:36

Jesusmi runakunata aviaruspan wasiman yaykurqa, hinaptinmi discipulonkuna asuykuspanku nirqaku: Vallikuman rikchanachispa rimarisqaykipa imam ninatayá yachaykachiwayku, nispanku.

Mateo 13:49

Chaynam kanqa kay pachapa puchukayninpipas, angelkunam hamuspanku chuya runakunamanta mana allin runakunata rakinqa,

Mateo 15:12

Chaymi discipulonkuna Jesusman asuykuspa nirqaku: ¿Yachankichum nisqaykiwan fariseokuna piñakurusqanta? nispanku.

Mateo 16:27

Runapa Churinqa Taytanpa atiyninwan huntarisqam angelninkunawan hamunqa, hinaspam sapakamaman imam ruwasqanman hina pagapunqa.

Mateo 16:28

Cheqaptapunim nikichik, kaypi kaqkunamantaqa achkaqmi mana wañunqakuchu runapa Churinta munaychakunanpaq hamuqta rikunankukama.

Mateo 17:19

Chaymantam discipulonkuna Jesus-man asuykuspa sapallankupi tapurqaku: ¿Imanasqataq demonio qarqoyta mana atirqanikuchu? nispanku.

Mateo 21:1

Jerusalén llaqtaman hichparus-pankum Betfagé llaqtaman chaya-rurqaku, hinaspam Olivos moqopa hichpanpi samarurqaku. Chaymantam Jesusqa iskay discipulonkunata kachaspan

Mateo 24:27

Imaynam llipya intipa qespimunan lawmanta lloqsispa intipa seqaykunan lawkama kancharin, chaynam runapa Churinpa hamunanpas kanqa.

Mateo 24:30

Hinaptinmi runapa Churinpa señalnin cielopi rikuriykamunqa, chaymi kay pachapi llapallan runakuna llumpayta mancharikuspa waqanqaku; hinaspam runapa Churinta puyupi tukuy atiyniywan hinaspa kanchariyniywan hamuchkaqta rikuykunqaku.

Mateo 24:37

Imaynam Noeypa tiemponpi pasakurqa, chaynam runapa Churinpa kutimuyninpas kanqa.

Mateo 24:39

Chayna kachkaptinkum sinchi para chayaramuspan llapallankuta chinkarachirqa. Runapa Churin kutimuptinpas chaynam kanqa.

Mateo 24:43

Kaytayá yachaychik, sichum wasiyuq yachanman imay horam suwa hamunanta hinaspaqa manachá puñunmanchu, chaynapi wasinta mana suwarunankupaq.

Mateo 28:20

Qam-kunaman tukuy ima kamachisqayta kasukunankupaq yachachimuychik. Ñoqaqa sapa punchawmi qamkunawan kasaq kay pacha puchukanankama, nispan.

Lucas 21:7

Chaymi Jesusta tapurqaku: Yachachikuq, ¿haykapitaq kay nisqaykikunaqa pasakunqa? ¿Ima señaltaq kanqa manaraq chaykuna pasakuchkaptinqa? nispanku.

Hechos 1:7

Chaymi nirqa: Manam yachanaykichikchu imay tiempom otaq ima punchawmi kaykuna kanantaqa, Dios Taytallam atiyniyuq chay tiempota akllananpaqqa.

Hebreos 9:26

Chayna kanan kaptinqa kay pacha unanchasqa kasqanmantachiki Cristoqa achka kutita ñakarinman karqa. Kunanqa tiempokuna cumplikuruptinmi rikuriramuspa Cristoqa kikillanmanta huk kutillata wañurqa huchakunata chinkachinanpaq.