Mateo 24:21 - CHUYA QELLQA La Biblia en Quechua de Ayacucho 2012

²¹ Chay punchawkunapiqa hatun ñakariymi kakunqa, chayna ñakariyqa kay pachapa qallariyninmantapuni kunankamapas manam karqachu, nitaqmi haykapipas kanqachu.

Quechua Ayacucho Bible 1987

²¹ Chay punchawkunaqa llumpa-llumpay ñakariy punchawkunam kanqa, manam chaynaqa Dios kay pachata unanchasqanmantapunipas kunankama karqachu, manataqmi chaynaqa kanqachu qepa punchawkunapipas.

Chuya Qellqa 1992

²¹ Chay punchawkunapiqa hatun ñakariymi kakunqa, chayna ñakariyqa kay pachapa qallariyninmantapuni kunankamapas manam karqachu, nitaqmi haykapipas kanqachu.

Mateo 24:21 Iomraidhean Croise

Ezequiel 5:9

Qamtaqa ruwasqayki mana haykapipas ruwasqayta hinam, manataqmi chaynataqa huktawanqa ruwasaqñachu. ¡Mayna millakuypaqmi ruwasqaykikunaqa!

Daniel 12:1

Chay tiempopim, Israel llaqtaykita waqaychaq ángel Miguel hatarimunqa. Chay punchawkunaqa ñakariy tiempom kanqa nacionkunapa rikurisqanmantapas chayna ñakariyqa manam haykapipas karqachu; ichaqa chayna kachkaptinmi llaqtaykimanta kaqkuna salvasqa kanqaku, salvasqaqa kanqaku libropi qellqasqa kaqkunallam.

Daniel 9:26

Chay soqta chunka iskayniyuq semanakuna pasaruptinmi, kamachikuq Mesías wañuchisqa kanqa. Jerusalén llaqtatapas huk reymi tropankunawan hamuruspa tuñirachinqa, chaynataqmi santuariotapas tuñirachinqa. Lloqlla hinam puchukay chayaramunqa, puchukay chayamunankamam guerrakunapas hinaspa purmachiykunapas kanqa.

Joel 1:2

¡Kamachikuqkuna kayta uyariychik! ¡Israel runakuna kayta uyariychik! ¿Yaqachum tiempoykichikpi kaykuna pasakurqa otaq ñawpaq taytaykichikkunapa tiemponpipas?

Joel 2:2

Chay punchawqa tutayaymi kanqa, tutayaypa yana puyupa pampaykusqanmi kanqa. Imaynam paqariypi achkiy urqukunapi mastarikun, chaynam huk kallpasapa llaqta achkallaña tropayuq hamuchkan, chayna tropakunaqa ñawpaqtapas manam karqachu, nitaqmi qepamanpas kanqachu.

Malaquías 4:1

Tukuy Atiyniyuq Tayta Diosmi kaynata nin: Hamuchkanmi punchaw, horno hina rupachkaq, chay punchawpim hatun tukuqkunawan mana allin ruwaq runakuna lenwachkaq ninapi qopa hina kañasqa kanqaku, paykunapaqqa manam imallankupas puchunqachu.

Mateo 24:20

Diostayá mañakuychik ayqenaykichikqa ama poqoy tiempopichu nitaq samana punchawpichu kananpaq.

Mateo 24:29

Chay ñakariy punchawkuna pasaruptillanmi inti tutayarunqa, killapas manam kanchanqañachu, chaskakunapas wichimunqam, cielokunapi tukuy ima kaqkunapas katkatatanqam.

Marcos 13:9

Qamkunaqa kikikichikyá cuidakuychik, juezkunaman entregasqam kankichik, sinagogakunapim maqasqa kankichik. Ñoqaraykum kamachikuqkunapa chaynataq reykunapa qayllanman apasqa kankichik, chaynapim paykunamanpas ñoqamanta willakunkichik.

Lucas 21:24

Wakinmi espadawan wañuchisqa kanqaku, wakinñataqmi huklaw nacionkunaman preso apasqa kanqaku. Jerusalén llaqtapas Diosta mana reqsiqkunapa sarupasqanmi kanqa, chaynaqa kanqa Diosta mana reqsiqkunapa munaychakunan tiempo tukunankamam.

1~Tesalonicenses 2:16

paykunaqa mana judío kaqkuna salvakunankupaq allin noticia willanaykutam harkakuwanku. Chaynata ruwaspankum aswan mastaraq huchankuta llimparichichkanku, ichaqa ñam paykunapaq wiñay castigo chayaramunña.

Apocalipsis 16:18

Chaymi llipyaykuna, qapariykuna hinaspa rayokuna karurqa, hatu-hatun terremotom kay pachata taspirqa, chayna terremotoqa kay pachapi runakuna kasqanmantapunipas manam karqachu.

Apocalipsis 7:14

Ñoqañataqmi nirqani: Señorlláy, qanmi yachanki, nispay. Chaymi payñataq niwarqa: Paykunaqa hatu-hatun ñakariymanta hamuqkunam hinaspa pachankutapas Corderopa yawarninwan taqsaspa yuraqyachiqkunam.