Mateo 24:15 - CHUYA QELLQA La Biblia en Quechua de Ayacucho 2012

¹⁵ Profeta Danielmi qellqarqa “Chuya” sutiyuq lugarpi millakuypaq kaqkunamanta (pipas kayta leeqqa entiendechun). “Chuya” sutiyuq lugarpi chaykunata rikuspaykichikqa,

Quechua Ayacucho Bible 1987

¹⁵ —Diosmanta willakuq Danielmi qellqarqa purmachiq millakuypaq kaqmanta. Pipas kay leeqqa entiendechun. Templopi chayta rikuspaykichikqa,

Chuya Qellqa 1992

¹⁵ Profeta Danielmi qellqarqa “Chuya” sutiyuq lugarpi millakuypaq kaqkunamanta (pipas kayta leeqqa entiendechun). “Chuya” sutiyuq lugarpi chaykunata rikuspaykichikqa,

Mateo 24:15 Iomraidhean Croise

Jeremías 44:29

Ñoqa Tayta Diosmi kaynata nini: Contraykichikpi rimasqaykuna cumplikunantawan kay nacionpi qamkunata castiganayta yachanaykichikpaqmi huk señalta qosqaykichik:

Ezequiel 40:4

Chay runam niwarqa: Runapa churin, allinta uyariway, hinaspayki tukuy ima rikuchisqayta allinta qaway, tukuy kaykunata qawachinaypaqmi kaymanqa pusamusqa karqanki. Tukuy ima rikusqaykitam Israelpa mirayninkunaman willanki, nispa.

Daniel 1:6

Chay akllasqa jovenkunawanmi kachkarqa Daniel, Ananías, Misael hinaspa Azarías, paykunaqa Judapa mirayninmi karqaku.

Daniel 11:31

Soldadonkunapas Diospa santuarionpim chaynataq amparakuna wasipim millakuypaq kaqkunata ruwanqaku, Diospaq sapa punchaw animalkuna wañuchinankutapas harkakunqakum, hinaspam chaypa rantinpi millakuypaq kaqtaña ofrecenqaku.

Daniel 12:11

Diosman sapa punchaw animalkuna ofreceyta tanichisqankumantam otaq Diospa templonpi millakuypaq kaqkunata ofrecesqankumantam pasan-qa waranqa iskay pachak isqon chunka punchawkuna.

Daniel 9:23

Mañakuyta qallaykuptillaykiraqmi Diosqa uyariykusurqankiña. Qamqa paypa ancha kuyasqanmi kanki, chayraykum uyarisusqaykita qanman willaykuq hamurqani. Chaynaqa, visionpi qawasqaykita entiendenaykipaqyá allinta uyariway:

Daniel 9:25

Kaytam yachanayki hinaspa allinta entiendenayki: Jerusalén llaqta huktawan hatarichisqa kananpaq kamachikuy lloqsimusqanmantam kamachikuq Mesías hamunankama qanchis semana pasanqa. Chaymantam soqta chunka iskayniyuq semanakuna pasanqa; chay tiempopim Jerusalén llaqtapa plazankunapas perqankunapas musoqmanta hatarichisqa kanqa. Chaykunaqa ruwasqa kanqa hatun sasachakuy tiempopim.

Daniel 9:27

Chay reymi achka runakunawan contratota huk semanapaq ruwanqa; ichaqa chawpi semanallapiraqmi Diospaq animalkuna wañuchinankutapas, Diosman kawsay ofrendakuna qonankutapas harkakurunqa. Templopa altarninpipas millakuypaq kaqkunatam ruwanqa, chaykunapa qepantam chay millakuypaq runata Diospuni puchukarachinqa.

Mateo 24:16

Judea lawpi kaqkunayá orqokunaman ayqechunku.

Marcos 13:14

Sichum [Profeta Danielpa qellqasqanman hina] templopi millakuypaq kaqkuna ruwasqata rikuspaykichikqa (pipas kayta leeqqa entiendechunyá), Judeapi kaqkunayá orqokunaman ayqeychik.

Lucas 19:43

Hamuchkanmi punchawkuna, enemigoykikuna muyurirususpayki cercota hatarichiptinku mana maynintapas lluptiyta atinaykipaq.

Lucas 21:20

Jerusalenpa muyuriqninpi tropa-kunata qawaspaqa, chay llaqtapa pur-machisqa kanan tiempo chayaramusqantañayá yachaychik.

Juan 11:48

Ruwaqta hinalla saqeptinchikqa lliw runachá payman iñikurunqaku, hinaptinchá romanokuna hamuruspanku templonchiktawan nacionninchikta purmarachinqaku.

Hechos 21:28

qayayka-chakurqaku: ¡Israelpa mirayninkuna yanapawayku! Kay runam tukuy hinastinpi purispan Israel runakunapa contranpi, Moisespa leyninpa contranpi hinaspa templopa contranpi yachachin. Kunanpas templomanmi mana judío kaq runakunata pusaykurun, hinaspam millakuypaqta kay templota ruwarun.

Hechos 6:13

Chay pusasqanku llulla runakunam Estebanpa contranpi kaynata nirqaku: Kay runam mana upallaspa Diospaq sapaqchasqa wasimantawan Diospa leyninmanta mana allinkunata riman.

Hebreos 2:1

Chayraykum uyarisqanchikkunataqa hatun yuyaywan kasukunanchik, yanqañataq Señorpa ñanninmanta rakikuruchwan.

Apocalipsis 1:3

Mayna kusisqam kay libropi qell-qasqa profeciakuna leeqkunaqa hinaspa uyariqkunaqa chaynataq kaypi qellqas-qa kaqkunata ruwayman churaqkunapas. Tiempopa cumplikunanqa ñam hichpamuchkanña.

Apocalipsis 3:22

Pipas uyarikuqqa iglesiakunaman Espiritupa nisqanta uyarichun, nispa.