Mateo 23:39 - CHUYA QELLQA La Biblia en Quechua de Ayacucho 2012

³⁹ Kunanmantaqa manañam rikuwankichikñachu: “Señorpa sutinpi hamuqyá hatunchasqa kachun”, ninaykichikkama.

Quechua Ayacucho Bible 1987

³⁹ Manañam rikuwankichikñachu: “Señorpa sutinpi hamuqqa hatunchasqayá kachun” niwanaykichikkama.

Chuya Qellqa 1992

³⁹ Kunanmantaqa manañam rikuwankichikñachu: “Señorpa sutinpi hamuqyá hatunchasqa kachun”, ninaykichikkama.

Mateo 23:39 Iomraidhean Croise

Oseas 3:4

Israelpa mirayninkunapas unay watakunam mana reyniyuq, mana kamachiqniyuq kanqaku; sacrificiopas, sacerdotekunapas, idolokunapas manam kanqañachu.

Zacarías 12:10

Davidpa mirayninkunamanwan Jerusalenpi yachaqkunamanmi ichaqa llakipayakuq hinaspa mañakuq espirituta chaqchurimusaq. Hinaptinmi ñoqata, lanzawan tuksisqankuta qawaspa, piwi churinkumanta hina waqanqaku, sapallan wawankumanta hinam llakikunqaku.

Mateo 21:9

Ñawpaqninta qepanta riq runakunañataqmi qaparir-qaku: ¡Davidpa churinqa yupaychayqayá kachun! ¡Señorpa sutinpi hamuqqa yupaychasqayá kachun! ¡Hanaq pacha-pipas Diosqa yupaychasqayá kachun! nispanku.

Lucas 17:22

Discipulonkunatapas nirqataqmi: Chayamunqam punchaw runapa Churinpa hukkaqnin punchawninta rikuykuy munanaykichikpaq, ichaqa manam rikunkichikchu.

Juan 14:19

Asllatawanqa kay pachapi runakunaqa manañam rikuwanqañachu, qamkunam ichaqa rikuwankichikraq, qamkunaqa kawsasqayraykum kawsankichik.

Juan 14:9

Jesusñataqmi nirqa: Felipe, unayñam qamkunawanqa kachkani. ¿Manaraqchu reqsiwanki? Ñoqata rikuwaqniyqa Taytatapas rikuykunñam. ¿Imanasqamá niwanki “Taytata rikuykachiwayku”, nispaykiqa?

Juan 8:21

Jesusmi huktawan nirqa: Ñoqa pasakuptiymi qamkuna maskawankichik, ichaqa huchaykichikpim wañunkichik. Ñoqapa risqaymanqa qamkunaqa manam riyta atiwaqchikchu, nispa.

Juan 8:24

Chaymi nirqaykichik “huchaykichikpim wañunkichik” nispay. Pim kasqayta mana creespaykichikqa huchaykichikpim wañunkichik.

Juan 8:56

Ñawpaq taytaykichik Abrahamqa hamunay punchawta qawaykuyta munaspanmi kusikurqa, rikuykuspanñataqmi aswanraq kusikurqa.

Romanos 11:25

Wawqe-panillaykuna, munachkanim Diospa pakasqan kaqkuna yachanaykichikta, chaynapi kikikichikmanta mana hatun tukuq kanaykichikpaq. Wakin judiokunam sonqonkuta rumiyarachinku, chaynaqa kanqaku mana judío kaqkuna iñikuspa salvakuy tukunankukamam.