Mateo 23:35 - CHUYA QELLQA La Biblia en Quechua de Ayacucho 2012

³⁵ Chaynapim qamkunaman chayasunkichik llapallan allin ruwaq runakunapa yawarnin, allin ruwaq Abelpa yawarninmanta qallaykuspa Berequiaspa churin Zacariaspa yawarninkama. Paytam templomanta altarman rinapi wañurachirqankichik.

Quechua Ayacucho Bible 1987

³⁵ Chaynapim qamkunaman chayasunkichik llapallan justo runakunapa yawarnin, culpasqaqa kankichik allin ruraq Abelpa wañusqanmanta Berequiaspa churin Zacarias wañusqankamam. Zacariasqa wañuchisqa karqa *f**altarmanta *f**santuarioman riqpa chawpinpim.

Chuya Qellqa 1992

³⁵ Chaynapim qamkunaman chayasunkichik llapallan allin ruwaq runakunapa yawarnin, allin ruwaq Abelpa yawarninmanta qallaykuspa Berequiaspa churin Zacariaspa yawarninkama. Paytam templomanta altarman rinapi wañurachirqankichik.

Mateo 23:35 Iomraidhean Croise

Génesis 4:8

Huk punchawmi wawqen Abelta Caín nirqa: Hakuchik purikuq, nispa. Hinaspanmi chakraman chayarachispan maqachkaspalla wawqen Abelta wañurachirqa.

2~Reyes 21:16

Rey Manasesqa millakuypaq ruwasqankunawan Judá nacionta huchallichichkaspapas, mana huchayuq runa-kunata wañuchispanmi Jerusalén llaqtapi kuchun-kuchun yawarta chaqchurqa.

2~Reyes 24:4

chaynataq Jerusalén llaqtapipas mana huchayuq runakunapa yawarnin chaqchusqanmantam. Chayraykum Tayta Diosqa mana pampachayta munarqachu.

Isaías 14:21

Taytankupa huchanrayku wawa-churinkuta wañuchinapaqyá allichakuychik. Yanqañataq kaynakunaqa allpata hapikurunmanku; kaynakunaqa amaña maypipas llaqtayachunkuchu.

Isaías 26:21

Tayta Diosqa maypim kasqanmantam lloqsimunqa, paypa contranpi huchallikusqankuraykum kay pachapi yachaqkunata castigananpaq hamunqa; kay allpaqa manañam wañusqakunapa yawarninta pakanqañachu, wañusqakunatapas manañam pakanqañachu.

Jeremías 2:30

Yanqapaqmi miraynikichikkunatapas castigarqani, paykunaqa manam corregikuyta munarqakuchu. Imaynam león wañuchin runakunata, chaynam profetaykunata espadawan wañuchirqankichik.

Jeremías 2:34

Wakchakunapa, inocente runakunapa yawarninwanmi pachaykita qanracharunki, huchankuta mana tarichkaspam wañurachinki, chaywanpas ninkiraqmi:

Jeremías 26:15

Ichaqa kaytayá yachaychik: Wañuchiwaspaykichikqa, llapallaykichikmi inocente runata wañuchisqaykichikmanta huchayuq kankichik. Cheqaptapunipas ñoqataqa Tayta Diosmi kachamuwarqa, uyarisqaykichik palabrakunata qamkunaman ninaypaq, nispa.

Jeremías 26:23

Paykunam Uriasta Egipto nacionmanta pusaramuspanku rey Joacinman qoykurqaku. Chaymi rey Joacim kamachikuptin espadawan wañurachispanku, wakchakunata pampananku uchkuman ayanta wischuykamurqaku, nispanku.

Jeremías 26:8

Tayta Diospa kamachisqankunata Jeremías rimayta tukuruptinmi, llapa sacerdotekuna, profetakuna hinaspa llapallan runakuna hapiruspanku kaynata nirqaku: Wañunkipunim.

Zacarías 1:1

Rey Darío iskay wata pusaq killanña munaychakuchkaptinmi, Iddopa willkan chaynataq Berequiaspa churin Zacariasta Tayta Dios kaynata rimapayarqa:

Números 35:33

Yachasqaykichik allpataqa runa wañuchiykunawanqa amam millakuypaqtaqa ruwankichikchu, runa wañuchiyqa allpatam millakuypaqta ruwan. Chay allpaqa chuyanchasqa kanqa runa wañuchiqta wañurachiptillankum.

Lucas 11:51

Abelpa wañusqanmanta qallaykuspa Zacariaskama, Zacariastam altarmanta santuarioman rinapi wañurachirqaku. Chayraykum nikichik, paykunapa wañusqanmantam kunan miraykunata cuentata Dios mañanqa.

Hechos 5:28

Ñoqaykuqa chunkay-chunkaytam kamachirqaykikuña chay Jesusmantaqa amaña yachachinaykichikpaq. Ichaqa Jerusalenpi lliw runakunaman yachachispaykichikmi, Jesuspa wañusqanmanta ñoqaykuta tumpawankiku, nispanku.

Hebreos 11:4

Iñiyllawanmi Abelpas wawqen Cain-mantapas aswan allinnin sacrificiota Diospaq kañarqa. Chayraykum Diosqa allin ruwaqpaq hapispa ofrendantapas chaskirqa, chaymi wañusqaña kachkaptinpas hinallaraq iñiyninmanta rimachkan.

Hebreos 12:24

musoq pactoman pusawaqninchik Jesusmanpas chaynataq chaqchusqan yawarninmanpas. Paypa yawarninqa Abelpa yawarninmantapas aswanraqmi yachachiwanchik.

Apocalipsis 18:24

Chay llaqtaqa huchayuqmi kachkan: Profetakunapa yawarnin chaqchusqanmanta, Diosllapaqña kawsaqkunapa yawarnin chaqchusqanmanta, kay pachapi llapallan wañuchisqakunapa yawarnin chaqchusqanmanta, nispa.