Mateo 23:16 - CHUYA QELLQA La Biblia en Quechua de Ayacucho 2012

¹⁶ ¡Runakunata pusaq ñawsakuna, imaynaraq kankichik! Qamkunam ninkichik: “Sichum pipas templorayku juraptinqa manam imananchu. Templopi qorirayku juraspam ichaqa cumplinanpuni”, nispaykichik.

Quechua Ayacucho Bible 1987

¹⁶ —¡Imaynaraq kankichik runakunata pusaq ñawsakuna! Qamkunam ninkichik: “Templorayku juramentayqa manam imananchu. Chay templopi qorirayku juraspam ichaqa cumplinanchik” nispa.

Chuya Qellqa 1992

¹⁶ ¡Runakunata pusaq ñawsakuna, imaynaraq kankichik! Qamkunam ninkichik: “Sichum pipas templorayku juraptinqa manam imananchu. Templopi qorirayku juraspam ichaqa cumplinanpuni”, nispaykichik.

Mateo 23:16 Iomraidhean Croise

Isaías 9:16

Kayna kamachikuqkunam llaqtata pantarachin, kamachisqan runakunañataqmi pantaypi rikurirun.

Mateo 15:14

Fariseokunataqa ama kasuychikchu. Paykunaqa ñawsakunam kanku, ñawsamasinku pusaqkunam. Ñawsapura pusanakuspaqa iskayninkum uchkuman wichiykunqaku, nispan.

Mateo 23:13

¡Iskay uya fariseokuna hinaspa Diospa leynin yachachiqkuna, imaynaraq kankichik! Qamkunaqa Diospa munaychakuyninman yaykuqkunatam harkaypaq-harkachkankichik. Manam qamkunapas yaykuyta munankichikchu nitaqmi yaykuy munaqkunatapas yaykunankuta munankichikchu.

Mateo 23:17

¡Mana yachayniyuq ñawsakuna! ¿Mayqantaq aswan allinqa: Qorichu icha Diospaq qorita sapaqchaq templochu?

Mateo 23:19

¡Mana yachayniyuq ñawsakuna! ¿Mayqantaq aswan allinqa: Ofrendachu icha Diospaq ofrenda sapaqchaq altarchu?

Mateo 23:24

¡Runakunata pusaq ñawsakuna! ¡Qamkunaqa toma-naykichikmantam chuspichata suysunkichik, camellotam ichaqa enterollata millpurunkichik!

Mateo 23:26

¡Ñawsa fariseo! Puntataqa vasopa hinaspa platopa ukuntaraqyá mayllay, chaynapim hawanpas mayllasqa kanqa.

Gálatas 5:3

Huktawanmi nimuykichik: Pipas judío hina señalachikuqqa munay mana munaymi llapallan leykunata kasukunan.

Santiago 5:12

Wawqe-panillaykuna, tukuy imamantapas astawanqa amayá hanaq pacharaykupas, kay pacharaykupas, nitaq imaraykupas juraychikchu. Chayrayku, “arí” nisqaykichikqa “arí” nisqa kachun, “manam” nisqaykichikpas “manam” nisqa kachun, chaynapi Dios mana castigasunaykichikpaq.