Mateo 22:24 - CHUYA QELLQA La Biblia en Quechua de Ayacucho 2012

²⁴ Yachachikuq, Moisesmi nirqa: “Sichum huk casado runa mana churiyuq kachkaspa wañukuptinqa wawqenmi viudanta casaranqa, chaynapi wañukuqpa miraynin kananpaq”, nispa.

Quechua Ayacucho Bible 1987

²⁴ —Yachachikuq, Moisesmi nirqa: “Casado runa mana churiyoq wañuruptinqa wawqenmi casaranqa viudata chaynapi wañukuqpa miraynin kananpaq” nispa.

Chuya Qellqa 1992

²⁴ Yachachikuq, Moisesmi nirqa: “Sichum huk casado runa mana churiyuq kachkaspa wañukuptinqa wawqenmi viudanta casaranqa, chaynapi wañukuqpa miraynin kananpaq”, nispa.

Mateo 22:24 Iomraidhean Croise

Génesis 38:11

Hinaptinmi llumchuynin Tamarta Judá nirqa: Hina viudallayá taytaykipa wasinpi yachamuchkay, churiy Sela hatunyanankama, nispa. Chaynataqa nirqa: “Yanqañataq churiy Selapas wawqenkuna hina wañurunman” nispanmi. Chaymi Tamarqa taytanpaman ripukurqa.

Génesis 38:8

Hinaptinmi churin Onanta Judá nirqa: Wawqekipa viudanwan casarakuy, cuñado hina debernikita cumpliy, chaynapi wawqekipa miraynin ama chinkananpaq, nispa.

Mateo 22:16

Hinaspam paykunamanta kaq fari-seokunatawan Herodespa qatiqninkunata kacharqaku Jesusta kaynata nimunankupaq: Yachachikuq, qamqa cheqap rimaq kasqaykitam yachaniku, yachanikutaqmi runakunapa rimasqanwan mana apachikuspa Diospa munasqanman hina cheqap kawsakuyta yachachisqaykitapas, qamqa manam runakunapa hawallantachu qawanki.

Mateo 22:25

Ñoqayku ukupim karqa qanchis wawqentin qarikuna. Mayor kaqmi casarakuruspan manaraq churiyuq kachkaspa wañukurqa, hinaptinmi qatiqnin wawqenña chay viudata casararqa.

Mateo 22:36

Yachachikuq, leykunamanta, ¿may-qantaq hatun kamachikuy? nispa.

Mateo 7:21

Manam “¡Señorlláy, Señorlláy!” nispa lliw niwaqniykunachu Diospa munay-chakuyninmanqa yaykunqa, aswan-qa hanaq pachapi kaq Taytaypa munasqanta ruwaqkunallam.

Marcos 12:19

Yachachikuq, Moisespa qellqasqanpim nin: “Sichum casado runa manaraq churiyuq kachkaspa wañuruptinqa, wawqenmi viudanwan casarakunqa, chaynapi wañukuqpa miraynin kananpaq”, nispa.

Lucas 20:28

Yachachikuq, Moisespa qellqasqanpim nin: “Casado runa mana churiyuq kachkaspa wañuruptinqa, wawqenmi viudawan casarakunqa, chaynapi wañukuqpa miraynin kananpaq”, nispa.

Lucas 20:33

Chaynaqa, wañuqkuna kawsarimuptinqa, ¿mayqanpa warmintaq kanqa qanchisnintinwan casarakuchkaptinqa? nispanku.

Lucas 6:46

“Señorlláy, Señorlláy” niwachkas-paykichikqa, ¿imanasqataq nisqaykunataqa mana ruwankichikchu?

Rutwan Sutichasqa Libro 1:11

Noemiyñataqmi nirqa: Kutikuychik wawallaykuna, ¿imapaqtaq ñoqawan riwaqchik? Manañam waway-pas kanqañachu casarakunaykichikpaq.

Rutwan Sutichasqa Libro 3:13

Paqarin achikyaqta nanachikusaqmi niptinqa allinmi kanqa, manam niptinmi ichaqa ñoqa nanachikusqayki. Kunan tutaqa kaypiyá samakuy, Diospa qayllanpim rimachkanchik, chaynaqa tutamantakamayá puñukuy, nispa.

Rutwan Sutichasqa Libro 4:5

Boozñataqmi nirqa: Noemiymanta chakranta rantispaykiqa wañukuqpa viudan Moab nacionniyuq Rutwanpas casarakunaykim, chaynapi wañukuqpa miraynin mana chinkananpaq, nispa.