Mateo 22:16 - CHUYA QELLQA La Biblia en Quechua de Ayacucho 2012

¹⁶ Hinaspam paykunamanta kaq fari-seokunatawan Herodespa qatiqninkunata kacharqaku Jesusta kaynata nimunankupaq: Yachachikuq, qamqa cheqap rimaq kasqaykitam yachaniku, yachanikutaqmi runakunapa rimasqanwan mana apachikuspa Diospa munasqanman hina cheqap kawsakuyta yachachisqaykitapas, qamqa manam runakunapa hawallantachu qawanki.

Quechua Ayacucho Bible 1987

¹⁶ Hinaspam *f**fariseomasinkutawan Herodespa qatiqninkunata kacharqaku Jesusta kaynata nimunankupaq: —Yachachikuq, yachanikum qamqa cheqap rimaq kasqaykita, yachanikutaqmi runapa rimasqantapas mana kasuspa Diospa munasqanman hina kawsakuyta cheqap yachachisqaykitapas, qamqariki manam runapa hawallantachu qawanki.

Chuya Qellqa 1992

¹⁶ Hinaspam paykunamanta kaq fariseokunatawan Herodespa qatiqninkunata kacharqaku Jesusta kaynata nimunankupaq: Yachachikuq, qamqa cheqap rimaq kasqaykitam yachaniku, yachanikutaqmi runakunapa rimasqanwan mana apachikuspa Diospa munasqanman hina cheqap kawsakuyta yachachisqaykitapas, qamqa manam runakunapa hawallantachu qawanki.

Mateo 22:16 Iomraidhean Croise

1~Reyes 22:14

Chaymi Micaías nirqa: Tayta Diospa sutinpim niki, ñoqaqa Tayta Diospa imam niwasqallantam rimasaq, nispa.

Proverbios 29:5

Runamasinta alabaq tukuq runaqa runamasinpa ñawpaqninpim trampata churachkan.

Malaquías 2:6

Paykunaqa cheqap kaqtam yachachirqaku, siminkupiqa manam llullakuypas karqachu. Allinta ñoqawan kawsakuspankum achkaqta huchamantapas karuncharqaku.

Malaquías 2:9

Chaynaqa, mana kasuwaspaykichik munasqaykichikman hina kawsaspa, runakunamanpas hukta-hukta yachachisqaykichikraykum, ñoqapas llapa runakunapa millakusqanta hinaspa usuchisqanta ruwasqaykichik. Tukuy Atiyniyuq Tayta Diosmi chaynata nin.

Mateo 22:24

Yachachikuq, Moisesmi nirqa: “Sichum huk casado runa mana churiyuq kachkaspa wañukuptinqa wawqenmi viudanta casaranqa, chaynapi wañukuqpa miraynin kananpaq”, nispa.

Mateo 22:26

Chaynataqmi paypas wañukurqa, chaynallam pasakurqa kimsa kaqwanpas chaynataq llapallan qanchisnintin wawqenkunawanpas.

Mateo 26:18

Chaymi payñataq nirqa: Llaqtaman rispa rimapayasqay runata nimuychik: “Yachachikuqmi nin: Wañukunay punchawmi hichpamuchkanña, wasikipim Pascua mikuyta discipuloykunawan mikusaq”, nispa.

Mateo 26:49

Chaymi Jesusman asuykuspan nirqa: ¡Yachachikuq, rimaykullayki! nispan. Chaynata niruspanmi muchaykurqa.

Marcos 10:17

Pasakunanpaqña Jesús kachkaptinmi, huk runa kallpaylla hamururqa, hinaspam ñawpaqninpi qonqorakuykuspan nirqa: Allin yachachikuq, ¿imatataq ruwasaq wiñay kawsayta haypanaypaq? nispa.

Marcos 12:13

Jesusmanmi kachamurqaku wakin fariseokunatawan Herodespa wakin qatiqninkunata, imapas rimasqanpi pantarachispanku chaywan acusanankupaq.

Marcos 12:14

Chaymi hamuruspanku Jesusta nirqaku: Yachachikuq, yachanikum qamqa cheqap rimaq kasqaykita, qamqa manam pimanpas sayapakunkichu, nitaqmi runatapas hawallantachu qawanki, aswanqa cheqap kaqwanmi Diospa ñanninmanta yachachinki. ¿Allinchu rey Cesarman impuesto pagay icha manachu? ¿Pagasaqkuchu icha manachu? nispanku.

Marcos 3:6

Hinaptinmi fariseokuna lloqsiramuspanku Herodespa qatiqninkunawan huñunakuruspanku Jesusta imaynam wañuchinankupaq tanteanakururqaku.

Marcos 8:15

Jesusmi discipulonkunata nirqa: Fariseokunapa hinaspa Herodespa levaduranmantayá waqaychakuychik, nispa.

Lucas 20:21

Pay-kunam Jesusta nirqaku: Yachachikuq, yachanikum yachachisqaykikunawan rimasqaykiqa mana pantayniyuq kasqanta, qamqa mana pimanpas sayapakuspam, Diospa ñanninmanta cheqap kaqta yachachinki.

Lucas 7:40

Chaymi Jesusñataq nirqa: Simón hukmi ninay kachkan, nispa. Simonñataqmi nirqa: Yachachikuq, chaynaqa niykuwayá, nispan.

Juan 14:6

Jesusñataqmi nirqa: Ñoqam kani ñan, cheqap kaqpas chaynataq kawsay qokuqpas. Taytaymanqa manam pipas chayanmanchu mana ñoqantakamaqa.

Juan 18:37

Hinaptinmi Pilato nirqa: Chaynaqa, ¿qamchu rey kachkanki? nispa. Jesusñataqmi nirqa: Qanmi rey kasqaytaqa nichkanki. Chay-paqmi ñoqaqa nacerqani, chaypaqtaqmi kay pachamanpas hamurqani, chaynapi cheqapmanta rimanaypaq. Cheqap kasukuqkunaqa nisqaykunatam uyarin, nispa.

Juan 7:18

Pipas kikillanmanta rimaqqa kikin alabasqa kayllatam maskan, pipas kachamuqnin alabasqa kananta maskaqmi ichaqa cheqapta riman, paypiqa manam pantayqa kanchu.

2~Corintios 2:17

Ñoqaykuqa manam wakinkuna hinachu Diospa palabran willakusqaykuwan negociota ruwaniku. Aswanqa Cristopi kaspam cheqapta rimaniku Diospa qayllanpi hinaspa paypa kachasqankuna hina.

2~Corintios 4:2

Saqerunikuñam pakasqallapi penqaypaq ruwaykunataqa, manataqmi pitapas engañastinchu nitaqmi Diospa palabrantapas qewi-qewirispachu purichkaniku, aswanqa cheqapllatam willakuniku, Diospa qayllanpim recomendakuniku llapa runakunapa concienciaman.

2~Corintios 5:16

Kunanmantaqa manam pimantapas aychaman hinañachu piensaniku, ñawpaqtam ichaqa Cristomantapas aychaman hinalla piensarqaniku, kunanqa manañam chaynatachu piensaniku.

Gálatas 1:10

Kaynata nispayqa, ¿runakunapa allinpaq hapisqan kaytachu maskani, icha Diospa allinpaq hapiwanantachu? Sichum runakunapa allin hapiwanallanta munayman, hinaspayqa manañam Jesucristopa serviqninñachu kayman.

Gálatas 2:6

Ichaqa allin reqsisqapaq hapisqanku kamachikuqkunapas manam ima musoq yachachikuytapas niwarqakuchu. Llumpay reqsisqa kasqankupas ñoqapaqqa manam imananchu. Diosqa manam pimanpas sayapakunchu.

Deuteronomio 33:9

Paymi tayta-mamanmanta nirqa: “Manam haykapipas rikurqanichu”, nispa. Wawqenkumantañataqmi nirqa: “Manam reqsinichu”, nispa. Churinkunatapas manam reqsirqachu. Paykunaqa nisqaykitam kasukurqaku, pactoykitam ruwayman churarqaku.

1~Tesalonicenses 2:4

Chaynapim Diosqa allinpaq chaskiwaspanku allin noticiata willakunaykupaq churawarqaku, chaymi willakuchkaniku. Manam runakunapa munasqan ruwaytachu munachkaniku, aswanqa Diospa munasqantam, paymi sonqoyku pruebaqqa.

Santiago 3:17

Hanaq pachamanta hamuq yachayqa chuyam. Chay yachaywan kaq runakunaqa hawka kawsakuqkunam, allin ruwaqkunam, llampu sonqokunam, allin yuyaywan kawsaqkunam, kuyakuqkunam, tukuy imapi allin kaqta ruwaqkunam, mana pimanpas sayapakuqkunam hinaspa mana iskay uyakunam.

1~Juan 5:20

Yachanchiktaqmi Diospa Churin hamusqantapas, paymi yachayta qowarqanchik cheqap Diosta reqsinanchikpaq. Cheqap kaq Diospa ChurinJesucristowanmi hukllawas-qa kachkanchik. Payqa cheqap Diosmi hinaspa wiñay kawsaymi.