Mateo 22:15 - CHUYA QELLQA La Biblia en Quechua de Ayacucho 2012

¹⁵ Chaykunapa qepantam fariseokuna huñunakuspa tanteanakururqaku, Jesusta ima rimasqanpipas wichirachispanku chaywan acusanankupaq.

Quechua Ayacucho Bible 1987

¹⁵ *f**Fariseokunam pasaspa parlaramurqaku Jesusta imapas rimasqanwan pantarachinankupaq.

Chuya Qellqa 1992

¹⁵ Chaykunapa qepantam fariseokuna huñunakuspa tanteanakururqaku, Jesusta ima rimasqanpipas wichirachispanku chaywan acusanankupaq.

Mateo 22:15 Iomraidhean Croise

Isaías 29:21

Runamasinta yanqamanta cargochaqkunaqa tukurunqam, cortepi nanachikuqman trampa churaqkunaqa chinkarunqam, mana huchayuq runata allin arreglota mana ruwaspa engañaqkunaqa puchukarunqam.

Jeremías 18:18

Chay runakunam ninakurqaku: Hamuychik, Jeremiaspa contranpi tanteanakusun. Yachachiqninchik sacer-dotekunapas, yachayniyuq consejaqninchikkunapas, Tayta Diospa nisqanta willawaqninchik profetakunapas, manam faltanqachu. Tumpaykusunchik wañurachinankupaq, ima rimasqantapas ama kasusunchikchu, nispanku.

Jeremías 20:10

Llapa runakunapa rimakachasqankutam uyarichkani, paykunam nichkanku: Tukuy hinastinpim manchakuyllaña kachkan, hakuchik denunciamusunchik, nispam rimanakuchkanku. Llapa amistadniykunam imamanpas wichiykunayta suyachkanku, ichapas engañarachikunman venceruspa paymanta vengakurunanchikpaq, nispam nichkanku.

Mateo 12:14

Fariseokunañataqmi lloqsiruspanku Jesusta wañuchinankupaq tanteana-kurqaku.

1~Corintios 7:35

Kaytaqa nikichik allinnikichikpaqmi, manam harkakuspaychu aswanqa allinta kawsaspa mana hukmanyaspa Señorta servinaykichikpaqmi.

Hebreos 12:3

Chaynaqa, Señor Jesuspa ejemplonpiyá yuyaymanaychik, paymi ñakarirqa huchasapa runakunapa kamikuyninta, chaynapi mana pisiparunaykichikpaq nitaq huk-manyarunaykichikpaq.