Mateo 21:5 - CHUYA QELLQA La Biblia en Quechua de Ayacucho 2012

⁵ Paymi kaynata qellqarqa: Sión llaqtata niychik: “Reynikim qanman hamuchkan, asnopi silladam humildella hamuchkan, carga asnopa wawanpi silladam hamuchkan”, nispaykichik.

Quechua Ayacucho Bible 1987

⁵ Paymi qellqarqa kaynata: Niychik Sion llaqtapi *f**yachaqkunata: “Reynikichikqa qamkunamanmi hamuchkan, asnopi silladam humildella hamuchkan. Carga asnopa wawanpim hamuchkan” nispa.

Chuya Qellqa 1992

⁵ Paymi kaynata qellqarqa: Sión llaqtata niychik: “Reynikim qanman hamuchkan, asnopi silladam humildella hamuchkan, carga asnopa wawanpi silladam hamuchkan”, nispaykichik.

Mateo 21:5 Iomraidhean Croise

Génesis 49:10

Manam pipas Judapa atiynin qechuyta atinqachu, dueño hamunankamam makinpi varatapas mana qechunqakuchu, payllatañam lliw runakunapas kasunqaku.

2~Samuel 16:2

Chaymi Sibata David tapurqa: ¿Imapaqtaq kaykunata apamurqanki? nispa. Sibañataqmi nirqa: Asnokunaqa reypa ayllunkuna sillakunanpaqmi, tantawan pasaskunañataqmi soldadokuna mikunanpaq, vinoñataqmi chunniqpi pisipaqkuna tomanankupaq, nispa.

1~Reyes 1:33

reyñataq nirqa: Serviqniykunawan compañachikuspa churiy Salomonta mulaypi sillaykachispa Gihón lawman pusaychik,

1~Reyes 10:26

Rey Salomonmi huñururqa carretakunatawan caballopi sillakuqkunata. Waranqa tawa pachaknin carretaku-nata hinaspa chunka iskayniyuq waran-qa caballopi sillakuqkunatam hatallir-qa, paykunatam carretakunapa kasqan llaqtakunaman pusachirqa chaynataq reyta Jerusalén llaqtapi waqaycha-nankupaqpas.

Isaías 12:6

Sión moqopi yachaqkuna, kusikuywan qaparispa takiychik. Israelpa Chuya Diosnin qamkuna ukupi kasqanraykuyá kusikuychik, nispa.

Isaías 40:9

Sionpi yachaqkuna, orqoman qespispa qapariychik; Jerusalenpi yachaqkuna, kay sumaq willakuyta hatunmanta qaparispa willakuychik; ama manchakuspa Judá nacionpi llaqtakunaman kaynata willakuychik: ¡Diosninchikqa kaypim kachkan! nispa.

Isaías 62:11

Tayta Diosmi kay pachapa patankama kayta uyarichin: “Sión llaqtaman willaychik Salvaqnin chayamusqanta, Diosmi runankunata pusamuchkan, llamkasqanpa pagontam apamuchkan”, nispa.

Ezequiel 34:24

Ñoqa Tayta Diosmi paykunapa Diosnin kasaq, serviqniy Davidñataqmi kamachiqninku kanqa. Ñoqa Tayta Diosmi chaynata nini.

Ezequiel 37:24

Serviqniy Davidmi paykunapa reynin kanqa, payllaña llapankupa michiqnin kaptinmi decretoykunaman hina kawsaspa kamachikuyniykunata kasukunqaku.

Oseas 1:7

Judá naciontam ichaqa llakipayaykuspay salvaykusaq, manam flechawanchu nitaqmi espadawanchu, manam guerrawanchu nitaqmi caballokunawanchu, manam caballopi silladakunawanchu, aswanqa Diosninku kasqayraykum, nispa.

Miqueas 5:2

Belén Efrata, Judá ayllukunamanta taksallan llaqta, qanmantam Israelpi munaychakuq hatarinqa, payqa paqarimurqa ñawpaqmantaraqmi, tukuy imapa qallariyninmantapacham.

Números 24:19

Jacobpa mirayninmantam munaychakuq lloqsinqa, payqa llaqtapi puchuqkunatam chinkachinqa, nispa.

Mateo 11:29

Yugoyta apaspayá ñoqamanta yachaychik, ñoqaqa llampu sonqo hinaspa mana chaylla piñakuruqmi kani, chaynata ruwaspam ñoqapi samayta tarinkichik.

Mateo 2:2

kaynata tapukurqaku: ¿Maypitaq kachkan judiokunapa reynin nacemuq? Intipa qespimunan lawpim chaskanta rikumurqaniku, chaymi payta hatunchanaykupaq hamurqaniku, nispanku.

Mateo 2:6

“Judá lawpi Belén llaqta, qamqa manam Judapi llaqtakunamanta taksallanchu kanki, qanmantam huk kamachikuq hatarinqa, paymi Israel llaqtayta michinqa”, nispanku.

Mateo 21:6

Chaymi discipulonkuna rispanku Jesuspa kamachisqanman hina ruwarqaku.

Lucas 24:27

Hinaspam Moisespa qellqasqan-manta qallarispa profetakunapa qellqasqankama, paymanta llapallan Qellqapa nisqanta paykunaman entien-dechirqa.

Juan 1:49

Chaymi Natanaelñataq nirqa: Yachachikuq, qamqa Diospa Churinmi kanki, Israel runakunapa reyninmi kanki, nispa.

2~Corintios 10:1

Ñoqa Pablom, Cristopa kuyakuq hinaspa llampu sonqonrayku nikichik. Qamkunawan kaspayqa humildes kani, qamkunamanta karupi kaspayñataqsi manchakuypaq kani.

Deuteronomio 17:16

Chay reyqa amam achka caballokunataqa huñukunqachu, amataqmi runakunatapas caballokuna rantiqqa Egipto nacionman kachanqachu. Tayta Diosmi nisurqankichik: “Egipto nacionmanqa amam haykapipas kutinkichikchu”, nispa.

Jueces 12:14

Abdonpam karqa tawa chunka churinkuna hinaspa kimsa chunka willkankuna; paykunam qanchis chunka asnokunapi sillakuqku. Abdonmi pusaq wata Israel nacionpi kamachikurqa.

Jueces 5:10

Yuraq china asnopi sillakuqkuna, pillonpi tiyaqkuna, chakillawan illaqkuna willakuychik.