Mateo 21:44 - CHUYA QELLQA La Biblia en Quechua de Ayacucho 2012

⁴⁴ Chay rumiman wichiqñataqmi pakipasqa kanqa, rumipa hapisqanñataqmi ñutusqa kanqa, nispa.

Quechua Ayacucho Bible 1987

⁴⁴ Chay rumiman wichiqmi pakipasqa kanqa. Rumipa hapisqankunañataqmi ñutusqa kanqa.

Chuya Qellqa 1992

⁴⁴ Chay rumiman wichiqñataqmi pakipasqa kanqa, rumipa hapisqanñataqmi ñutusqa kanqa, nispa.

Mateo 21:44 Iomraidhean Croise

Isaías 28:13

Chayraykum Tayta Dios paykunata rimapayanqa, chayllaraq leey yachaq warmachakunata hina: Kay kamachikuyta yachaychik, asllatapas ruwaychik, kay kamachikuyta kasukuychik, as-asllamanta, chulla-chullallamanta, kaypi asllata, wakpi asllata; purisqankupi wasanpa wichinankukama, heridasqa kaspa, toqllaman wichispa, preso kanankukama, nispa.

Isaías 60:12

Mana servisuqniki nacionqa chinkachisqam kanqa, chayna nacionqa pasaypaq purmachisqam kanqa.

Zacarías 12:3

Chay pun-chawpim Jerusalén llaqtata, llapa nacionkunapa contranpi llasa-llasaq rumita hina ruwarusaq; pipas hoqariy munaqtaqa chay rumim ñuturunqa. Hinaptinmi kay pachapi llapallan llaqtakuna contranpi huñunakunqaku, nispa.

Mateo 21:43

Chaynaqa, nikichikmi, Diospa munaychakuyninmi qamkunamanta qechusqa kanqa, hinaspam Diospa munaychakuyninta ruruchiq llaqtamanña qosqa kanqa.

Mateo 21:45

Sacerdotekunapa kamachiqninkunawan fariseokunañataqmi Jesuspa rikchanachisqanta uyariruspanku, paykunamanta rimasqanta musyakururqaku.

Mateo 26:24

Cheqaptapunim runapa Churinqa Qellqapa nisqanman hina ruwasqa kanqa, ichaqa, ¡imaynaraq traicionaqnin runa kanqa! Amapas nacenmanchu karqa, nispa.

Mateo 27:25

Hinaptinmi llapallan runakuna nirqaku: ¡Paypa wañusqanmantaqa ñoqaykum mirayniykupiwan huchayuq kasaqku! nispanku.

Lucas 2:34

Simeonñataqmi paykunata bendeciykuspan Jesuspa maman Mariata nirqa: Kay wawam Israelpi runakunapaq kanqa wakinpaq urmachiqnin, wakin-paqñataq hatarichiqnin. Paymi huk señal kanqa, achkaqmi contranpi hatarinqaku.

Lucas 20:18

Pipas chay rumiman wichiqqa paki-pasqam kanqa, pipas rumipa hapisqanñataqmi ñutusqa kanqa, nispa.

Juan 19:11

Jesusñataqmi nirqa: Sichum atiyta Dios mana qosuptikiqa manam imanawankimanchu. Chaynaqa, qampa makikiman ñoqata churamuqmi qanmantapas aswan huchayuqqa, nispa.

Romanos 9:33

Chuya Qellqapim kaynata nin: “Sión moqopim mitkana rumita churani, Sión moqopim urmachikuq hatun rumita churani, pipas paypi iñiqqa manam hukmanyanqachu”, nispa.

1~Tesalonicenses 2:16

paykunaqa mana judío kaqkuna salvakunankupaq allin noticia willanaykutam harkakuwanku. Chaynata ruwaspankum aswan mastaraq huchankuta llimparichichkanku, ichaqa ñam paykunapaq wiñay castigo chayaramunña.

1~Pedro 2:8

Kaytapas nintaqmi: “Paymi mitkana rumi hinaspa urmachikuq hatun rumi”, nispapas. Paykunaqa Diospa palabranta mana kasukusqankuraykum mitkarunku, chaypaqqa citasqañam karqaku.