Mateo 21:3 - CHUYA QELLQA La Biblia en Quechua de Ayacucho 2012

³ Sichum pipas imatapas nisuptikichikqa: “Señormi necesitachkan, chayllam kutichipamusunki” nispam ninkichik.

Quechua Ayacucho Bible 1987

³ Pipas imatapas nisuptikichikqa: “Señormi necesitachkan, chayllam kutichipamusunki” ninkichikmi.

Chuya Qellqa 1992

³ Sichum pipas imatapas nisuptikichikqa: “Señormi necesitachkan, chayllam kutichipamusunki” nispam ninkichik.

Mateo 21:3 Iomraidhean Croise

1~Reyes 17:9

Hatarispayki Sidón lawpi Sarepta llaqtapi yachamuy. Chaypim huk viudata kamachiniña mikuchisunaykipaq, nispa.

Esdras 1:1

Profeta Jeremiasnintakama Tayta Diospa nisqan cumplikunanpaqmi, Persia nacionpi rey Ciropa munaychakusqan punta kaq watapi, rey Ciropa sonqonman kay munakuyta Tayta Dios churarqa, lliw munaychakuyninpi runakunaman kay decretota simiwan hinaspa cartakunawan kaynata nimunankupaq:

Esdras 1:5

Jerusalén llaqtapi Tayta Diospa templon ruwaq rinankupaqmi Judá ayllupa chaynataq Benjamín ayllupa kamachiqninkunawan sacerdotekuna hinaspa levitakuna hatarirqaku, hatarirqakutaqmi haykam Tayta Diospa sonqochasqan runakunapas paykunawan rinankupaq.

Esdras 7:27

Chaymi Esdras kaynata nirqa: Ñawpaq taytanchikkunapa yupay-chasqan Tayta Diosyá hatunchasqa kachun, paymi rey Artajerjesta sonqocharqa Jerusalenpi Tayta Diospa templonta hatunchananpaq.

Mateo 21:2

nirqa: Wak chimpa llaqtaman riychik, chaypim uñayuq china asnota watarayachkaqta tarinkichik. Paskaykuspa pusaramuychik.

Mateo 21:4

Chayqa pasakurqa profetapa qellqasqan cumplikunanpaqmi.

Juan 17:2

Qanmi atiyta qowarqanki llapallan runapi munaychakunaypaq, chaynapi qowasqayki llapallan runakunaman wiñay kawsayta qonaypaq.

Juan 3:35

Taytaqa Churinta kuyaspanmi tukuy imatapas makinman churaykun.

Hechos 17:25

manataqmi runamantaqa imatapas necesitanchu, payqa lliwchanchikta kawsachiwaspanchikmi samaytapas chaynataq tukuy imakunatapas qowanchik.

2~Corintios 8:16

Diosmanmi graciasta qoni nanachikusunaykichikpaq Titomanpas allin sonqota ñoqaman hina qosqanmanta.

2~Corintios 8:9

Qamkunaqa yachankichikñam Señorninchik Jesucristopa kuyawasqanchikta. Payqa apu kachkaspam qamkunata kuyasusqaykichikrayku wakchayarurqa, chaynapi wakcha kayninwan qamkuna apu kanaykichikpaq.

Santiago 1:17

Tukuy imapas allin kaqkunawan cheqap atiyqa cielopi kaq chaskakuna unanchaq Diosllamantam hamun. Diosqa hina kaqllam, payqa manam tikrakunchu, nitaqmi llantuy hinachu pasaruqlla.

1~Samuel 10:26

Saulpas kutikurqataqmi Gabaa llaqtapi wasinman, paywantaqmi rirqaku Diospa kallpanchasqan peleay yachaq qarikunapas.