Mateo 21:26 - CHUYA QELLQA La Biblia en Quechua de Ayacucho 2012

²⁶ Sichum “runakunallam kachamurqa” niptinchikqa llapa runakunachiki imatapas ruwaruwasun; Bautizaq Juantaqa profetapaqmi hapinku, nispanku.

Quechua Ayacucho Bible 1987

²⁶ Manataqmi nichwanchu: “Runakunallam kachamurqa” nispaqa, chaynata niptinchikqa llapa runakunachiki imanaruwasunpas, Bautizaq Juantaqa hapinku Diosmanta willakuqpaqmi —nispa.

Chuya Qellqa 1992

²⁶ Sichum “runakunallam kachamurqa” niptinchikqa llapa runakunachiki imatapas ruwaruwasun; Bautizaq Juantaqa profetapaqmi hapinku, nispanku.

Mateo 21:26 Iomraidhean Croise

Isaías 57:11

¿Pita manchakuspaykitaq ñoqapi manaña iñispa karunchakurunki? ¿Unayña mana rimarisqayraykuchu manaña kaqpaqpas hapiwanki?

Mateo 11:9

Chaynaqa, ¿pi qawaqtaq rirqankichik? ¿Profetata qawaqchu? Arí, cheqaptapunim nikichik, payqa manam profeta hinallachu.

Mateo 14:5

Chayraykum Herodesqa Juanta wañurachiyta munarqa, ichaqa runakunatam manchakurqa, Juanta profetapaq hapisqankurayku.

Mateo 21:11

Hinaptinmi runakunañataq nirqaku: Payqa Galilea law Nazaret llaqtayuq profeta Jesusmi, nispanku.

Mateo 21:25

¿Pitaq bautizananpaq Juanta kachamurqa, Dioschu icha runakunachu? nispa. Chaynata niruptinmi kikinkupura kaynata nispa kutipanakurqaku: Sichum “Diosmi kachamurqa” niptinchikqa “¿Imanasqataq manaqa creerqankichikchu?” niwasunchiki.

Mateo 21:27

Chaymi Jesusta nirqaku: Manam yachanikuchu, nispanku. Jesusñataqmi nirqa: Chaynaqa, ñoqapas manam nisqaykichikchu ima atiywanmi kaykuna ruwasqaytapas, nispa.

Mateo 21:46

Hinaspankum hapiruyta munarqaku, ichaqa runakunata manchakuspankum mana atirqakuchu, Jesusta profetapaq runakuna hapisqankurayku.

Marcos 11:32

Mana-taqmi nichwanchu “runakunallam ka-chamurqa nispapas”. Aswanqa llapa runakunatam manchakurqaku Juanta profetapaq hapisqankurayku.

Marcos 12:12

Hinaptinmi tapuqninkuna musyakururqaku Jesuspa rikchanachiy rimasqanqa paykunapa contranpi kasqanta, chaymi hapiruyta munarqaku; ichaqa llapa runakunata manchakuspankum mana ima ruwayta atispa pasakurqaku.

Marcos 6:20

Rey Herodesmi Juanta chuya runa kasqanta yachaspan manchakurqa, chayraykum payta waqaycharqa. Juanpa rimasqankunata uyarispanmi mana ima ruwakuytapas atirqachu, ichaqa ganasllawanñam uyarirqa.

Lucas 20:19

Diospa leynin yachachiqkunawan sacerdotekunapa kamachiqninkunaña-taqmi, Jesuspa rikchanachiy rimas-qanqa paykunapa contranpi kasqan-ta musyakururqaku, hinaspam chay ratollapi presocharuyta munarqaku, ichaqa runakunata manchakuspankum mana atirqakuchu.

Lucas 20:6

Manataqmi nichwanchu “Runakunallam kachamurqa” nispapas, chaynata niptinchikqa llapa runakunam rumiwan chamqaparuwachwan, Juantaqa profetapaqmi hapinku, nispanku.

Lucas 22:2

Sacerdotekunapa kamachiqninkunawan Diospa leynin yachachiqkunañataqmi, runakunata man-chakusqankurayku, mana pipa yachas-qallanta Jesusta imaynam wañurachiyta maskarqaku.

Juan 5:35

Juanqa achkiq mechero hinam karqa, chaymi chay achkiywan pisi tiempollapas kusikuyta munarqankichik.

Juan 9:22

Tayta-mamanqa chaynata nirqaku judiokunata manchakuspankum. Llapa judiokunam tanteanakururqaku, sichum pipas “Jesusqa Cristom” niqtaqa sinagogamanta wischurunankupaq.

Hechos 5:26

Hinaptinmi guardiakuna kamachiqninkupiwan rispanku, runakuna rumiwan choqaparunankumanta manchakuspanku mana imanaspalla pusamurqaku.