Mateo 21:19 - CHUYA QELLQA La Biblia en Quechua de Ayacucho 2012

¹⁹ Chaymi ñanpa patanpi higosta rikuruspan asuykurqa. Ichaqa manam ima rurutapas tarirqachu aswanqa llaqellantam. Chayraykum chay higosta nirqa: ¡Kunanmantaqa manañam haykapipas rurunkiñachu! nispan. Hinaptinmi chaypunilla chay higos chakirurqa.

Quechua Ayacucho Bible 1987

¹⁹ Ñanpa patanpi higos sachata rikuruspanñataqmi asuykurqa pallananpaq. Ichaqa manam tarirqachu rurunta, chayqa kasqa llaqeyoqllam. Chayraykum chay higos sachata nirqa: —¡Kunanmantaqa manañam haykapipas rurunkiñachu! —nispa. Hinaptinmi sacha chakirurqa.

Chuya Qellqa 1992

¹⁹ Chaymi ñanpa patanpi higosta rikuruspan asuykurqa. Ichaqa manam ima rurutapas tarirqachu aswanqa llaqellantam. Chayraykum chay higosta nirqa: ¡Kunanmantaqa manañam haykapipas rurunkiñachu! nispan. Hinaptinmi chaypunilla chay higos chakirurqa.

Mateo 21:19 Iomraidhean Croise

Isaías 5:2

Rumicharuspanmi barbecharqa, miski ruruq uvaspa estacantam plantarqa. Cuidananpaqmi chakrapa chawpinpi chukllata ruwarqa, uvasta sarunapaqmi pozota ruwarqa. Miski uvasta rurunantam payqa suyarqa, ichaqa puchqo uvasllatam cosecharurqa.

Jeremías 8:13

Tayta Diosmi nin: Pasaypaqtam paykunata chinkarachisaq, chulla uvaspas kallmanpiqa manam puchunqachu, higospas sachanpiqa manam puchunqachu, rapinkunatapas pasaypaqtam chakirachisaq. Paykunaman qosqaytapas lliwtam qechurusaq.

Mateo 21:20

Discipulonkunañataqmi chayta qawaykuspanku admirasqallaña Jesusta tapurqaku: ¿Imanasqataq kay higos chaypunilla chakirun? nispanku.

Marcos 11:14

Chayraykum chay higos sachata nirqa: Kunanmantaqa manañam pipas ruruykita mikunqañachu, nispa. Chay nisqantam discipulonkuna uyarirqaku.

Marcos 11:20

Paqarinnintin punchawmi, chay higos sachapa hichpanta pasachkaspanku sapinmanta chakisqataña rikururqaku.

Lucas 3:9

Hachaqa chayllam kachkan sachakunata sapinmanta kuchunapaq. Mana ruruq sachaqa sapinmanta kuchusqa kaspam ninaman wischusqa kanqa, nispa.

Juan 15:2

Ñoqapi kaq kallmakuna mana ruruqtaqa paymi kuchurunqa, ruruq kallmatañataqmi aswanraq rurunanpaq rawmapaykunqa.

Juan 15:6

Pipas ñoqapi mana takyaqqa qorusqa kallma hinam wischusqa kanqa, chakiruspanmi ninapi rupananpaq wischusqa kanqa.

2~Timoteo 3:5

yanqallam Diosta serviq tukunqaku, paykunaqa ruwayninkuwanmi cheqap kaqpa atiyninta wischupakunqaku. Chayna runakunawanqa ama hukllawakuychu.

Tito 1:16

Paykunam ninku: “Diostam reqsiniku” nispanku, ruwasqankuwanmi ichaqa Diosta neganku. Paykunaqa chiqnikuqmi, mana kasukuqmi hinaspa allin kaqkuna mana ruway munaqmi kachkanku.

Judas 1:12

Paykunaqa kuyanakuy fiestapi convidoykichiktapas qanrachanmi, qamkunawan kuska mikuspankupas mana penqarikuspam mikunku. Mana allin michiq hinam kikillankuta michikunku. Paykunaqa kanku, kayman chayman wayrapa apaykachasqan mana yakuyuq puyu hinam. Paykunaqa chirawpi mana ruruyuq sapinmanta chutasqa sacha hina iskaykama wañusqam kachkanku.

Apocalipsis 22:11

Mana allin ruwaqqa mana allintaraqyá ruwachkachun, millakuypaq ruwaqpas millakuypaq kaqtaraqyá ruwachkachun, allin kaqkuna ruwaqñataqyá allin kaqkunataraq ruwachun, chuyanchakuqpas Diosllapaqñayá chuyanchakuchun, nispa.