Mateo 20:7 - CHUYA QELLQA La Biblia en Quechua de Ayacucho 2012

⁷ Chaymi paykuna nirqaku: “Llam-kanaykupaqqa manam pipas minkawankuchu”, nispanku. Hinaptinmi nirqa: “Qamkunapas chakrayman rispa llamkamuychik, imam kaqtam pagasqaykichik”, nispa.

Quechua Ayacucho Bible 1987

⁷ Chaymi paykunañataq nirqa: “Mana pipas contratawaptinkum” nispa. Haciendayoqñataqmi nirqa: “Qamkunapas chakraytayá riychik llamkaq, imam kaqtam pagasqaykichik” nispa.

Chuya Qellqa 1992

⁷ Chaymi paykuna nirqaku: “Llamkanaykupaqqa manam pipas minkawankuchu” nispanku. Hinaptinmi nirqa: “Qamkunapas chakrayman rispa llamkamuychik, imam kaqtam pagasqaykichik”, nispa.

Mateo 20:7 Iomraidhean Croise

Eclesiastés 9:10

Ruwanayki kaqtaqa, kallpanchakuspayá chaylla ruway; sepulturapiqa manañam imatapas ruwankiñachu, manañam llamkankiñachu, manañam imatapas yachankiñachu, yachaypas chaypiqa manam kanñachu.

Mateo 20:1

Diospa munaychakuyninqa rikchakun uvas chakranpaq llamkaqkunata maskamunanpaq tutapayta lloqsiq chakrayuqmanmi.

Mateo 20:6

Pichqa hora tardeykuyta plazaman huktawan kutispanmi, runakunata mana imatapas ruwachkaqta tarirurqa, hinaspam tapuykurqa: ¿Imanasqataq mana imata ruwaspa tukuy punchaw yanqa kaypi kachkankichik? nispa.

Mateo 20:8

Tutaykuruptinmi mayordomonta chakrayuq nirqa: “Llamkaqkunata qayamuy hinaspa qepa yaykumuqkunamanta qallarispa punta yaykumuqkunapi tukunaykikama pagamuy”, nispa.

Juan 9:4

Punchawraq kachkaptinqa kachamuwaqniypa ruway-ninkunapim llamkanay, tutayaramuptinmi ichaqa manaña pipas llamkayta atinmanñachu.

Hechos 4:16

Paykunam ninakurqaku: ¿Imatataq ruwasun kay runakunawanqa? Jerusalén llaqtapi llapallan runakunam yachanku kay suchu runa sanoyarachisqankutaqa. Manam kaytaqa pakayta atichwanchu.

Romanos 16:25

Jesucristomanta allin noticiakunata willaspay yachachisqayman hina Diosninchik qaqata hina takyachisunkichik. Kaykunaqa kachkan ñawpaqmantaraq pakasqa kaqkunata kunan reqsichiwasqanchikman hinam. Chaynaqa, ¡payllatayá yupaychasun!

Efesios 6:8

Yachananchikmi, sapakamam esclavo otaq libre kaspapas allin ruwasqanman hina Señormanta chaskinqa.

Colosenses 1:26

Chay pakasqa hina palabrankunataqa ñawpaq-ñawpaqmantaraqmi mana pipas yacharqachu, kunanmi ichaqa chay ñawpaq pakasqa kaqta payllapaqña kawsaqkunaman reqsiykachinña.

Hebreos 6:10

Diosqa allin ruwaqmi, paypaq llamkasqaykichiktaqa manam qonqanqachu, manataqmi qonqanqachu payta kuyaspa wawqe-panikunatapas yanapaspa kuyasqaykichiktapas, arí, chaynatam kunanpas servichkankichik.