Mateo 2:8 - CHUYA QELLQA La Biblia en Quechua de Ayacucho 2012

⁸ Chaymantam Belenman rinankupaq kamachispan nirqa: Rispaykichik chay wawamanta allinta yachaykamuychik, tariruspaykichikñataqmi willaykamuwankichik ñoqapas rispay hatunchamunaypaq, nispan.

Quechua Ayacucho Bible 1987

⁸ Paykunata Belenman kachaspanmi nirqa: —Allinta maskamuychik, wawata tariruspaykichikñataqmi willaykachimuwankichik ñoqapas rispay adoraykamunaypaq —nispa.

Chuya Qellqa 1992

⁸ Chaymantam Belenman rinankupaq kamachispan nirqa: Rispaykichik chay wawamanta allinta yachaykamuychik, tariruspaykichikñataqmi willaykamuwankichik ñoqapas rispay hatunchamunaypaq, nispan.

Mateo 2:8 Iomraidhean Croise

2~Samuel 17:14

Chaymi Absalonwan lliw Israel runakuna nirqaku: Ahitofelpa consejasqanmantapas aswan allinqa Arqui casta Husaipa consejasqanmi, nispanku. Tayta Diosmi chayta ruwarqa Ahitofelpa consejasqan allin kachkaptinpas yanqachasqa kananpaq, chaynapi Absalonman desgracia chayananpaq.

1~Reyes 19:2

Chaymi Eliasman Jezabel kaynata nichimurqa: Dioskunayá sinchita castigawachun Baalpa profetankunawan imaynallam ruwasqaykita hina qamtapas paqarin kay horata mana ruwaruptiyqa, nispa.

Proverbios 21:30

Diospa qayllanpiqa yachaypas, yachayniyuq kaypas, allin tanteoyuq kaypas mana serviqmi.

Lamentaciones 3:37

¿Pitaq imatapas rimanman Señorpuni mana kamachikuptinqa?

Mateo 2:1

Judá nacionpi rey Herodes munaychakuchkaptinmi, Jesús nacerurqa Judea law Belén llaqtapi. Chay punchawkunapim yachayniyuq runakuna intipa qespimunan lawmanta Jerusalenman chayaramuspanku,

Mateo 2:7

Chaymi Herodesqa, mana pipa yachasqallanta chay yachayniyuqkunata qayarachimurqa, hinaspam haykapim chay chaska rikurisqanmanta allinta tapurqa.

Mateo 2:9

Paykunam reypa nisqanman hina pasarqaku. Rikumusqanku chaskañataqmi ñawpaqninkuta rispan wawapa maymi kasqanpi sayarurqa.