Mateo 2:4 - CHUYA QELLQA La Biblia en Quechua de Ayacucho 2012

⁴ Chaynapim rey Herodesqa sacerdotekunapa kamachiqninkunatawan Diospa leynin yachachiqkunata qayachispan maypim Cristo nacenanmanta tapurqa.

Quechua Ayacucho Bible 1987

⁴ Hinaptinmi Rey Herodes qayachirqa llapallan *f**sacerdotepa jefenkunatawan Diospa leynin yachachiqkunata hinaspam tapurqa maypim Cristo nacenanmanta.

Chuya Qellqa 1992

⁴ Chaynapim rey Herodesqa sacerdotepa kamachiqninkunatawan Diospa leynin yachachiqkunata qayachispan maypim Cristo nacenanmanta tapurqa.

Mateo 2:4 Iomraidhean Croise

2~Crónicas 34:13

Paykunam qepiqkunatawan llamkaqkunata kamachirqaku. Levitakunapim karqa secretariokuna, gobernadorkuna hinaspa punkukuna nanachikuqkuna.

2~Crónicas 34:15

Chaymi secretario Safanman Hilcías kaynata willarqa: Tayta Diospa templonpim kamachikuy librota tariruni, nispa. Hinaspanmi Safanman qoykurqa.

2~Crónicas 36:14

Judapi kamachikuqkunawan llapa sacerdotekunapa kamachiqninkuna hinaspa llapa runakunapas huchamanmi qokururqaku. Wakin llaqtakunata qatipakuspankum Jerusalenpi Tayta Diospa chuyanchasqan templontapas pasaypaqta qachacharurqaku.

Esdras 10:5

Chaymi Esdrasqa hatarispan sacerdotekunapa kamachiqninkunata, levitakunata hinaspa Israel runakunata jurachirqa nisqankuman hina ruwanankupaq, hinaptinmi llapanku jurarqaku.

Esdras 7:6

Esdrasqa karqa Moisesnintakama Israelpa mirayninkunaman Tayta Diospa kamachikuykuna qosqanta allin yachaqmi. Tayta Diosmi Esdrasta yanaparqa, chayraykum rey Artajerjespas tukuy ima mañakusqanta qoykurqa. Chaynatam Babiloniamanta Esdras kutimurqa.

Nehemías 12:7

Salú, Amoc, Hilcías hinaspa Jedaías. Paykunawan ayllunkunam Josueypa tiemponpi sacerdotekunapa kamachiqninkuna karqaku.

Jeremías 8:8

¿Imanasqataq ninkichik: Yachaysapam kaniku, Tayta Diospa yachachikuynintam hatalliniku, nispaqa? Qellqaqkunapas llullakunatam qellqachkanku, llullakuspankum yachachikuyniykunata qellqachkanku.

Malaquías 2:7

Sacerdotekunapa ruwayninqa ñoqa Diosta reqsiwanankupaq runakunata yachachiymi, chayraykum runakunapas paykunamanta yachachikuyta chaskinanku, paykuna ñoqa Diosmanta willakuqkuna kasqankurayku.

Mateo 13:52

Jesusñataqmi nirqa: Chayraykum Diospa munaychakuyninmanta allin yachachisqa Diospa leynin yachachiqkunaqa huk wasipa dueñonman rikchakunku, payqa tukuy kapuqninkuna waqaychasqanmantam musoqtapas otaq mawkatapas hurqomun, nispan.

Mateo 2:3

Chayta yacharuspankum rey Herodeswan Jerusalenpi yachaqkuna llumpayta hukmanyarurqaku.

Mateo 2:5

Hinaptinmi paykuna nirqaku: Judea law Belén llaqtapim, Diospa profetanmi kaynata qellqarqa:

Mateo 21:15

Sacerdotekunapa kamachiqninkunawan Diospa leynin yachachiqkunañataqmi Jesuspa ruwasqan milagrokunata rikuspanku chaynataq warmakunapas “Davidpa Churin salvaykullawayku” nispa nisqankuta uyarispanku llumpayta piñakururqaku.

Mateo 21:23

Chaykunapa qepantam, temploman Jesús yaykuruspan yachachichkarqa, hinaptinmi llaqtapa kamachiqninkunawan sacerdotekunapa kamachiqninkuna kaynata tapurqaku: ¿Pitaq kamachisurqanki kaykunata ruwanaykipaq? ¿Pitaq kaykunata ruwanaykipaq atiyta qosurqanki? nispanku.

Mateo 26:3

Chay punchawkunapim, sacerdo-tekunapa kamachiqninkunawan an-cianokuna, sumo sacerdote Caifaspa palacionpi huñunakururqaku.

Mateo 26:47

Chaynata Jesús rimachkaptinraqmi Judas chayaramurqa, payqa discipulonkunapa hukninmi karqa. Paywanmi achkallaña runakuna hamurqa espadayuq hinaspa kaspi aptarisqa. Chay runakunaqa karqa sacerdotekunapa, judiokunapa chaynataq kamachiqkunapa kachamusqanmi.

Mateo 27:1

Achikyaramuptinmi sacerdotekunapa kamachiqninkunawan ancianokuna tanteanakurqaku Jesusta wañuchinankupaq.

Mateo 7:29

Payqa atiywanmi yachachirqa, manam Diospa leynin yachachiqkuna hinachu, chayraykum admirakurqaku.

Marcos 8:31

Chaymantam Jesusqa yachachiyta qallaykurqa, runapa Churinqa llumpayta ñakarichisqa kananmanta, an-cianokunapa, sacerdotekunapa kama-chiqninkunapa, Diospa leynin yacha-chiqkunapa cheqnisqan kananmanta. Chaynataq wañuchisqa kananmanta-wan, kimsa punchawman kawsari-munanmantapas.

Lucas 20:19

Diospa leynin yachachiqkunawan sacerdotekunapa kamachiqninkunaña-taqmi, Jesuspa rikchanachiy rimas-qanqa paykunapa contranpi kasqan-ta musyakururqaku, hinaspam chay ratollapi presocharuyta munarqaku, ichaqa runakunata manchakuspankum mana atirqakuchu.

Lucas 23:10

Chaypitaqmi sacerdotekunapa kamachiqninkunawan Diospa leynin yachachiqkunapas kachkarqaku, paykunam piñakuyninkuwanña Jesusta acusarqaku.

Juan 18:3

Chaymanmi Judas chayaramurqa soldadokunawan hinaspa sacerdotekunapa kamachiqninkunapa hinaspa fariseokunapa kachasqan guardiakunawan. Paykunam antorchayuqkama, mecheroyuqkama hinaspa armayuqkama rirqaku.

Juan 3:10

Jesusñataqmi nirqa: Qamqa Israelpi runakuna yachachiqmi kanki, ¿hinachkaspachu kaykunata mana yachanki?

Juan 7:32

Llapa fariseokunam Jesusmanta runakunapa rimasqanta yacharuspanku sacerdotekunapa kamachiqninkunapiwan tanteanakuruspanku guardiakunata kacharqaku Jesusta presochamunankupaq.

Juan 8:3

Diospa leynin yachachiqkunawan fariseokunañataqmi, huk warmita waqllikuypi kachkaqta hapiramuspanku aparamurqaku, hinas-pankum runakunapa chawpinpi sayaykachispanku,

Hechos 23:9

Llumpayta atipanakuptinkum, fariseokunamanta Diospa leynin yacha-chiqkuna sayarispanku nirqaku: Manam kay runapiqa ima mana allintapas tarinikuchu, ichapas paytaqa huk angelpas otaq espiritupas rimapayarqa, nispanku.

Hechos 4:5

Paqarinnintinñataqmi Jerusalén llaq-tapi huñunakururqaku judiokunapa kamachiqninkuna, ancianokuna, Diospa leynin yachachiqkuna,

Hechos 6:12

Chaynapim llapa runakunatawan judiokunapa kamachiqninkunata hinaspa Diospa leynin yachachiqkunata Estebanpa contranpi hatarirachirqaku. Chaymi qonqayta pawaykuspanku Estebanta hapiruspa corteman aparqaku.