Mateo 2:23 - CHUYA QELLQA La Biblia en Quechua de Ayacucho 2012

²³ Chayman chayaruspanmi Nazaret llaqtapi yacharqa. Chaynapi profetakunapa “Nazaret llaqtayuqwanmi sutichanqaku” nisqanku cumplikunanpaq.

Quechua Ayacucho Bible 1987

²³ Chayman chayaruspanñataqmi rirqa Nazaret llaqtapi yachananpaq. Chaynam karqa Diosmanta willakuqkunapa “Nazaret llaqtayoqwanmi sutichanqaku” nisqanku cumplikunanpaq.

Chuya Qellqa 1992

²³ Chayman chayaruspanmi Nazaret llaqtapi yacharqa. Chaynapi profetakunapa “Nazaret llaqtayuqwanmi sutichanqaku” nisqanku cumplikunanpaq.

Mateo 2:23 Iomraidhean Croise

Números 6:13

Ñoqapaq sapaqchakusqan punchaw tukuruptinqa kay yachachikuyman hinam ruwanqa: Asuykuwanaykichik carpapa punkunmanmi pusasqa kanqa.

Mateo 1:22

Tukuy kaykunam pasakurqa profetantakama Diospa kayna nisqan cumplikunanpaq:

Mateo 21:11

Hinaptinmi runakunañataq nirqaku: Payqa Galilea law Nazaret llaqtayuq profeta Jesusmi, nispanku.

Mateo 26:71

Chaymantam punkuman pasarqa, hinaptinmi chaypi kaqkunaman huk criada nirqa: Kay runapas Nazaret llaqtayuq Jesus-wanmi purichkarqa, nispa.

Marcos 1:24

¡Nazaret llaqtayuq Jesús! ¿Imata-taq ñoqaykuwan munanki? ¿Chinkachi-qniykuchu hamurunki? Ñoqaqa reqsikim, qamqa Diospa Churinmi kanki, nispa.

Marcos 1:9

Chay punchawkunapim Galilea lawpi Nazaret llaqtamanta Jesús hamurqa, hinaspanmi Juanwan Jordán mayupi bautizachikurqa.

Lucas 1:26

Elisabetpa wiksayakusqanmanta soqta killa qepatam, ángel Gabrielta Dios kacharqa Galilea lawpi Nazaret llaqtaman,

Lucas 18:37

Chaymi Nazaretmanta kaq Jesuspa chayninta pasasqanta willaykurqaku.

Lucas 2:39

Señorpa kamachikuyninkunata cumpliruspankum, Galilea lawpi Naza-ret llaqtankuman kutikurqaku.

Juan 18:5

Paykunañataqmi nirqaku: Nazaretmanta kaq Jesustam, nispanku. Jesusñataqmi nirqa: Ñoqam kani, nispa. Traicionaqnin Judaspas paykunawanmi kachkarqa.

Juan 18:7

Jesusmi musoqmanta tapurqa: ¿Pitataq maskachkankichik? nispa. Paykunañataqmi nirqaku: Nazaretmanta kaq Jesustam, nispanku.

Juan 19:19

Pilatom cruzpa umanpi qellqachirqa: “JUDIOKUNAPA REYNIN NAZARETMANTA KAQ JESÚS” niqta.

Hechos 2:22

Israelpa mirayninkuna, uyariwaychik: Yachasqaykichikpi hinapas, Diosmi qamkuna ukupi Nazaretmanta kaq Jesuspa atiyninta qawachirqa, paynintakama admirakuypaq milagrokunata hinaspa señalkunata ruwaspan.

Hechos 24:5

Kay Pabloqa peste onqoy hinam. Tukuy hinastinpim judiokunata rakinamuchkan, payqa nazareno partidopa cabecillanmi.

Jueces 13:5

Wiksayakuspam qari wawata wachakunki. Paypa chukchantaqa amam pipas rutunqachu, payqa nacesqanmantapunim Diospaq sapaqchasqa kanqa. Paymi Israel nacionta Filistea castakunamanta libranqa, nispa.

1~Samuel 1:11

Chaymi prometekuspan Ana kaynata nirqa: Tukuy Atiyniyuq Tayta Diosnilláy, kay serviqnikipa ñakarisqanta qawaykuwaspaykiyá ama qonqaruwaychu. Qari wawata qoykuwaptikiqa Diosnilláy qampaqmi wañukunankama sapaqchapusqayki, chayraykum chukchanpas mana rutusqa kanqa, nispan.