Mateo 2:11 - CHUYA QELLQA La Biblia en Quechua de Ayacucho 2012

¹¹ Chaymi wasiman yaykuykuspanku wawatawan maman Mariata tariykurqaku hinaspam qonqorakuykuspa wawata hatuncharqaku, chaymantam qepinkuta kichaspa apamusqanku qorita, inciensota hinaspa miski asnaq mirrata qorqaku.

Quechua Ayacucho Bible 1987

¹¹ Wasiman yaykuykuspankuñataqmi rikuykurqaku wawatawan maman Mariata hinaspam qonqorakuykuspanku wawata adorarqaku, baulchankuta kichaykuspankutaqmi qorqaku apasqanku qorita, inciensota hinaspa miski asnaq *f**mirrata.

Chuya Qellqa 1992

¹¹ Chaymi wasiman yaykuykuspanku wawatawan maman Mariata tariykurqaku hinaspam qonqorakuykuspa wawata hatuncharqaku, chaymantam qepinkuta kichaspa apamusqanku qorita, inciensota hinaspa miski asnaq mirrata qorqaku.

Mateo 2:11 Iomraidhean Croise

Génesis 43:11

Chaymi taytanku Israel nirqa: Chayna kaptinqa kaynatayá ruwaychik, chay runamanyá kay Canaán lawpi allinnin regalokunata apaychik: Aslla balsamota, mielta, miski asnaq perfumekunata, mirrata, nuezkunata hinaspa almendrasta.

1~Reyes 10:10

Hinaspam Salomonman qorqa kimsa waranqa isqon pachak soqta chunka kilo qorita, miski asnaq achka perfumekunata chaynataq alhaja rumikunatapas. Sabá nación reinapa nana-nanaq miski asnaq perfumekuna apamusqanta hinaqa manam pipas Salomonmanqa apamurqakuchu.

1~Reyes 10:2

Hinaspam achka serviqninkunawan Jerusalén llaqtaman chayarurqa. Camellokunapim apamurqa miski asnaq perfumekunata, achka qorita hinaspa alhaja rumikunata. Salomonpa kasqanman chayaramuspanmi sonqonpi llapa ima tanteasqanta tapurqa.

Éxodo 30:23

Kay miski asnaq qorakunatam huñunki: Mirra sachapa weqenmanta yaqa soqta kilota, canelamanta yaqa kimsa kilota, cálamo sutiyuq plantamantañataq yaqa kimsa kilota,

Éxodo 30:34

Moisestam Tayta Dios nirqa: Kay miski asnaq qorakunapa weqentapas huñunkitaqmi: Estacte plantapa weqenta, uña olorosa sutiyuq plantapa weqenta, incienso sachapa chuya weqenta hinaspa gálbano plantapa weqentapas, kaykunaqa chaynakamallam kanqa.

Cantares 3:6

¿Pitaq wak, chunniqmanta qespimuchkan? Qosni hinaraq, mirrapa inciensopa asnayninwan, tukuy rikchaq olorkunawan perfumasqallaña.

Isaías 60:6

Madián lawmantawan Efa lawmantam achkallaña camellokuna huntaykamusunki. Sabá lawmantapas qoritawan inciensotam apamusunki, Tayta Diostam tukuy ruwasqankunamanta hatunchanqaku.

Levítico 6:15

Chay sacerdotekunamanta hukkaqninmi aceitewan chaynataq inciensowan chapusqa harinamanta huk aptiyllata hurqoykuspan altarpa hawanpi kañanqa, chayqa yuyarinapaq ofrendam hinaspa ñoqa Tayta Diospaq miskillaña asnariq ofrendam.

Malaquías 1:11

Ñoqataqa intipa qespimunan lawmanta qallaykuspa intipa seqaykunan lawkamam lliw nacionkuna hatunchawanku, yupaychawanankupaqpas tukuy hinastinpim inciensokunatawan suma-sumaq ofrendakunata kañapuwanku. Llapallan nacionkunapim sutiyqa hatunchasqa. Tukuy Atiyniyuq Tayta Diosmi chay-nata nin.

Números 7:14

Ofrecerqataqmi yaqa tawa onza llasaq qorimanta wisllatapas incienso huntayuqta,

Números 7:86

Incienso huntayuq qorimanta chunka iskayniyuq wisllakunañataqmi sapakama yaqa tawa onzatakama llasarqa. Chaynaqa, qorimanta llapallan wisllakunapa llasayninqa karqa yaqa kilo cuartonmi.

Mateo 1:18

Kaykunam Jesuspa nacesqanmanta willakuy: Jesuspa maman Mariam rimapayasqaña karqa Joseywan casarakunanpaq, ichaqa manaraq kuskanchakuchkaptinkum Chuya Espiritupa atiyninwan wiksayuq rikurirurqa.

Mateo 12:46

Runakunata Jesús rimapayachkaptinmi, mamanwan wawqenkuna chayaramurqaku, hinaspam Jesuswan rimayta munaspanku hawallapi suyarqaku.

Mateo 14:33

Chaymi barcapi kaqkuna, Jesuspa ñawpaqninpi qonqoraspanku nirqaku: ¡Cheqaptapunim qamqa Diospa Churin kasqanki! nispanku.

Mateo 2:10

Chaskata rikurus-pankum chay yachayniyuqkuna llumpayta kusikurqaku.

Mateo 2:2

kaynata tapukurqaku: ¿Maypitaq kachkan judiokunapa reynin nacemuq? Intipa qespimunan lawpim chaskanta rikumurqaniku, chaymi payta hatunchanaykupaq hamurqaniku, nispanku.

Lucas 2:16

Hinaspam chaylla pasaspanku Ma-riatawan Joseyta tariykurqaku chay-nataq wawatapas animalman qara-na artesapi puñuchkaqta.

Lucas 2:38

Chayllamanmi pay chayaramurqa, hinaspanmi Diosman graciasta qospan Jerusalén salvasqa kananta suyaqkunaman Jesusmanta willakuyta qallaykurqa.

Juan 19:39

Jesuswan rimananpaq huk kutipi tutallan riq Nicodemopas yaqa pachak libra mirrawan áloes chaqrusqata aparikuspanmi rirqa.

Apocalipsis 19:10

Angelta yupaychanaypaq ñawpaqninpi qonqorakuykuptiymi, payñataq niwarqa: ¡Ama chaytaqa ruwaychu! Ñoqaqa kani, qampapas chaynataq Jesusmanta willakuq wawqe-panikikunapapas serviqmasillaykichikmi. ¡Yupaychaspaqa yupaychay Diosllatayá! Jesusmanta cheqap willakuqqa Diospa revelasqantam yachachin, nispa.

Apocalipsis 5:8

Chay rollota chaskiykuptinñataqmi chay tawan kawsaqkuna iskay chun-ka tawayuq ancianokunapiwan Cor-deropa qayllanpi qonqorakuykurqaku. Llapallan ancianokunaqa arpayuqkamam apachkasqaku incienso hun-tayuq qorimanta copakunata. Chay inciensoqa chuya llaqtanpa Diosta mañakuyninkum.

1~Samuel 10:27

Ichaqa mana allin runakunam Saulta kamispa nirqaku: ¿Imaynataqsi kay runaqa salvawasunchik? nispankum despreciarqaku, hinaspam ima regalollatapas mana aparqakuchu, Saulmi ichaqa mana uyariqpas tukurqachu.