Mateo 19:9 - CHUYA QELLQA La Biblia en Quechua de Ayacucho 2012

⁹ Ñoqam ichaqa nikichik, huk qariwan mana waqllikuruchkaptin warminmanta rakikuspan hukwan casarakuqqa, waqllikuy huchapim kachkan, nispan.

Quechua Ayacucho Bible 1987

⁹ Ñoqam ichaqa nikichik, huk qariwan mana pierdekuchkaptin yanqamanta warminta wischuspan hukwan casarakuqqa hukwan pierdekuy huchapim kachkan —nispa.

Chuya Qellqa 1992

⁹ Ñoqam ichaqa nikichik, huk qariwan mana waqllikuruchkaptin warminmanta rakikuspan hukwan casarakuqqa, waqllikuy huchapim kachkan, nispan.

Mateo 19:9 Iomraidhean Croise

Génesis 20:3

Chaymi Abimelecman chay tuta musqoyninpi rikuriykuspan Dios nirqa: Kunanqa wañunkim, kay pusachimusqayki warmiqa qosayuqmi, nispa.

2~Crónicas 21:11

Rey Joramqa Judá nacionpi kaq moqokunapipas capillakunatam ruwachirqa, chaykunawanmi Jerusalenpi yachaqkunata chuchumika warmita hinaña huchallirachirqa, hinaspam Tayta Diosmanta karuncharachirqa.

Jeremías 3:1

Ñoqa Tayta Diosmi kaynata nini: Sichum pipas warminmanta rakikuruptin warmiñataq hukwanña casarakurunman, hinaptinqa manañam punta qosanqa payman hukllawakunmanchu, sichum chayta ruwaptinqa llaqtam hatun penqaypi kanman. Israel runakuna, qamkunam ichaqa achkallaña waynaykichikkunawan qanrakuruchkaspapas ñoqamanraq kutirimuyta munachkankichik. Ñoqa Tayta Diosmi chaynata nini.

Jeremías 3:8

Rikurqataqmi hukwan pierdesqanrayku mana kasukuq Israelmanta rakikusqaytapas; ichaqa paypas ñañan hinam mana kasukurqachu, aswanraqmi mana manchakuwaspan chuchumika warmi hina qanrakurqa.

Ezequiel 16:15

Ichaqa kuyayllapaq kaynikimanmi hapipakururqanki, hinaspam ancha reqsisqa kasqaykirayku chuchumika hinaña rikurirurqanki, llapallan chayninta puriqkunawanmi qanrakurqanki.

Ezequiel 16:29

Chaynallataqmi Babilonia nacionpi negociante runakunawanpas aswan-aswanraq huchapakurqanki. Aswanqa manam chaywanpas hawkachu karqanki.

Ezequiel 16:8

Huktawan chayninta pasachkaspaymi, casarakunaykipaq hina tiempoykipiña kasqaykita qawaykurqani. Chaymi capayta mastarispay qalalla cuerpoykita tapaykurqani; hinaspam ñoqapaña kanaykipaq qanwan pactota ruwarqani; chaymantam ñoqapaña karqanki. Ñoqa Tayta Diosmi chaynata nini.

Mateo 19:10

Hinaptinmi discipulonkuna nirqaku: Sichum casado runapaq warminwan chayna kanan kaptinqa mana casarakuymi aswan allinqa, nispanku.

Mateo 19:8

Chaymi Jesusñataq nirqa: Rumi sonqo kasqaykichikraykum Moisesqa permitisurqankichik warmiki-chikmanta rakikunaykichiktaqa, chay-wanpas qallariyninpiqa manam chaynachu karqa.

Mateo 5:32

Ñoqam ichaqa nikichik: Huk qariwan mana waqllikuchkaptin warminmanta rakikuqqa, hukwan waqllikunanpaqmi tanqaykun, chay warmiwan casarakuqpas waqllikuruntaqmi.

Lucas 16:18

Warminmanta rakikuruspan huk warmiwan casarakuq runaqa chay warmiwanmi waqllikurun. Qosanpa saqesqan warmiwan casarakuqpas waqllikuruntaqmi.

1~Corintios 5:1

Yachanim qamkuna ukupi hukkaqnikichik madrastrallanwan kakusqanta, chay hatun huchataqa Diospi mana iñiqkunapas manam ruwanmankuchu.

1~Corintios 7:39

Casada warmiqa leyman hinaqa qosanmanmi hukllawasqa kachkan qosan kawsachkaptinqa, qosan wañukuptinmi ichaqa libreña piwanpas munasqanwan casarakunanpaq, ichaqa Señorpi iñiqwan.

1~Corintios 7:4

Warmipa cuerponqa manam kikinpañachu aswanqa qosanpañam, qosapa cuerponpas manataqmi kikin-pañachu aswanqa warminpañam.