Mateo 19:28 - CHUYA QELLQA La Biblia en Quechua de Ayacucho 2012

²⁸ Chaymi Jesusñataq nirqa: Cheqaptapunim nikichik, tukuy ima-pas musoqyachisqa kanan tiempo chayaramuptinmi kancharichkaq tro-nonpi runapa Churin tiyaykunqa, hinaptinmi qamkunapas chunka iskay-niyuq tronokunapi tiyaykuspa Israel ayllukunata juzgankichik.

Quechua Ayacucho Bible 1987

²⁸ Chaymi Jesusñataq nirqa: —Cheqaptapunim nikichik, tukuy imapas mosoqyanan tiempopi Diosmanta hamuq Runa achkirichkaq tiyanaypi tiyaykuptiymi qatiqniykunapas tiyaykunkichik chunka iskayniyoq hatun tiyanakunapi hinaspam juzgankichik chunka iskayniyoq Israel ayllukunata.

Chuya Qellqa 1992

²⁸ Chaymi Jesusñataq nirqa: Cheqaptapunim nikichik, tukuy imapas musoqyachisqa kanan tiempo chayaramuptinmi kancharichkaq trononpi runapa Churin tiyaykunqa, hinaptinmi qamkunapas chunka iskayniyuq tronokunapi tiyaykuspa Israel ayllukunata juzgankichik.

Mateo 19:28 Iomraidhean Croise

1~Reyes 18:31

Hinaspam chunka iskayniyuq rumikunata hapiykurqa Jacobpa churinkunaman hina, paytam Israelwan Tayta Dios suticharqa.

2~Crónicas 9:19

Chay soqta gradaskunapa kaylaw-waklaw waqtanpipas chunka iskayniyuq leonkunam karqa, huk leonmi karqa sapa gradaspa waqtanpi. Chayna tronotaqa manam maylaw nacionpa reyninpas ruwachirqachu.

Esdras 6:17

Templota dedicaspankum Tayta Diosman ofrecerqaku pachak malta torokunata, iskay pachak carnerokunata, tawa pachak malta carnerokunata hinaspa chunka iskayniyuq chivatokunatapas, huk chivatotam sapa ayllumanta hucha pampachana ofrendapaq wañuchirqaku.

Éxodo 15:27

Chaymantam Elimman chayarurqaku chunka iskayniyuq pukyukunapa chaynataq qanchis chunka palmera sachakunapa kasqanman, hinaspam yakukunapa hichpanpi carpankuta sayachirqaku.

Éxodo 24:4

Chaymi Tayta Diospa tukuy nisqankunata Moisés qellqarqa, hinaspam tutapayta hatarispan Sinaí orqopa ñawpaqninpi huk altarta ruwaspan chunka iskayniyuq rumikunata sayachirqa, chaynataqa ruwarqa Israelpa chunka iskayniyuq ayllunkunaman hinam.

Éxodo 28:21

Israelpa chunka iskayniyuq churinkunapa sutinman hinam alhaja rumikunapas chunka iskayniyuq kanqa; sapa rumipim sello hina sapa ayllupa sutin qellqasqa kanqa.

Isaías 65:17

Hanaq pachatawan kay pachatam musoqmanta unanchasaq, ñawpaq kaqkunaqa qonqasqañam kanqa, manañam pipas yuyarinqañachu.

Isaías 66:22

Ñoqa Tayta Diosmi nini: Imaynam musoqmanta unanchasqay hanaq pachapas chaynataq allpa pachapas wiñaypaq takyanqa, chaynam miraynikikunawan sutikipas takyanqa.

Levítico 24:5

Allinnin harinamantam chunka iskayniyuq tantakunata ruwankichik. Sapa tantam tawa kilo parten harinamanta kanqa.

Mateo 16:27

Runapa Churinqa Taytanpa atiyninwan huntarisqam angelninkunawan hamunqa, hinaspam sapakamaman imam ruwasqanman hina pagapunqa.

Mateo 19:27

Hinaptinmi Pedro nirqa: Ñoqaykuqa tukuy imata saqespam qatichkaykiku, chaynaqa, ¿imatataq chaskisaqku? nispa.

Mateo 20:21

Jesusñataqmi tapurqa: ¿Imatataq munanki? nispa. Chaymi Zebedeopa warmin nirqa: Kamachiyá munaychakuynikipi kay iskaynin wawaykuna, huknin alleq lawnikipi hukninñataq ichoq lawnikipi tiyanankupaq, nispa.

Mateo 25:31

Runapa Churinmi kanchariyninpi llapa angelninkunawan kuska hamuspan kancharichkaq trononpi tiyaykunqa,

Mateo 6:33

Imamantapas llalliriqtaqa Diospa munaychakuynintawan paypa munasqanman hina ruwaytayá maskaychik, hinaspaqa ima munasqaykichiktapas chaskinkichikmi.

Mateo 8:20

Jesusñataqmi nirqa: Atoqkunapapas kanmi machaynin, alton pawaq urpikunapapas kanmi qesan, runapa Churinpam ichaqa maypim umanta samaykachinallanpaqpas mana kanchu, nispa.

Marcos 10:37

Hinaptinmi paykunañataq nirqaku: Mañakuykikum munaychakuynikipi hukniykuta alleq lawnikipi, hukniyku-tañataq ichoq lawnikipi tiyaykachiwanaykikupaq, nispanku.

Hechos 3:21

Jesucristoqa hanaq pachapiraqmi kamunan, tukuy imakunatapas ñawpaqpi hina Dios allichanankama, chaytaqa ñawpaq tiempopi profetankunatakamam nirqaña.

2~Timoteo 2:12

ñakarispaqa paywanmi munaychakusun, payta negaptinchikqa, paypas negaruwasuntaqmi,

Josué 3:12

Chaynaqa, kunanyá Israelpa mirayninkunamanta chunka iskayniyuq runakunata akllaychik sapa ayllumanta huktakama.

2~Pedro 3:13

Ñoqanchikmi ichaqa suyachkanchik Diospa prometewasqanchik musoq cielokunatawan musoq allpata, chaypim ichaqa tukuy imapas allin arregloman hina ruwasqa kanqa.

Apocalipsis 11:16

Hinaptinmi Diospa qayllanpi iskay chunka tawayuq tronopi tiyaq ancianokuna pampakama kumuykuspa Diosta hatunchaspanku kaynata nirqaku:

Apocalipsis 12:1

Hanaq pachapim hatun señalta rikururqani: Warmim intiwan pachasqa kachkasqa, hinaspam killata saruchkasqa, umanpiñataqmi chunka iskayniyuq chaskakunamanta coronan kachkasqa.

Apocalipsis 20:4

Rikurqanitaqmi tronokunatapas, chay-kunapiqa juzganankupaq kamachisqakunam tiyachkasqaku. Rikurqanitaqmi Jesusrayku hinaspa Diospa palabranta willakusqankurayku kunkan qorusqakunapa almankunatapas. Paykunaqa manam yupaycharqakuchu manchakuypaq animaltapas nitaq imagennintapas, manataqmi urkunkupipas nitaq makinkupipas marcantaqa churachikurqakuchu. Paykunaqa kawsarimuspankum Cristowan kuska waranqa wata munaychakunqaku.

Apocalipsis 21:5

Hatun tronopi tiyaqñataqmi kaynata niwarqa: Ñoqam tukuy imata musoqyachini, nispa. Huktawanmi niwarqa: “Qellqay: Kay nisqaykunaqa hapipakunapaqmi hinaspa cheqapmi”, nispa.

Apocalipsis 22:2

Chay llaqtapa callenpa chawpinpiñataqmi mayupa kaylaw-waklawninpi kawsay qokuq sacha wiñasqa. Chay sachaqa killan-killanmi rurusqa watapi chunka iskayniyuq kutita, llaqenkunañataqmi kasqa kay pachapi llapallan runakuna hampikunankupaq.

Apocalipsis 22:5

Chaypiqa manañam tutapas kanqañachu, chaypi yachaqkunaqa achkitapas, intitapas manañam necesitanqakuñachu. Paykunataqa Señor Diosllañam achkinqa, hinaptinmi wiña-wiñaypaq munaychakunqaku.

Apocalipsis 3:21

Pipas venceqtaqa ñoqawan kuskatam tronoypi tiyachisaq, imaynam ñoqapas vencesqayrayku Taytaywan kuska trononpi tiyaykusqayta hina.

Apocalipsis 4:4

Chay tronopa muyuriqninpim iskay chunka tawayuq tronokunata rikurqani, chaypim iskay chunka tawayuq ancianokuna tiyachkasqaku, paykunam yuraq pachayuqkama hinaspa umankupi qorimanta coronayuqkama kachkasqaku.

Apocalipsis 7:4

Chaymi uyarirqani llapallan Israel ayllukunamanta sellowan marcasqakunaqa pachak tawa chunka tawayuq waranqa kasqankuta.