Mateo 19:21 - CHUYA QELLQA La Biblia en Quechua de Ayacucho 2012

²¹ Chaymi Jesusñataq nirqa: Mana pantaq runa kayta munaspaykiqa, tukuy imaykita rantikamuspa chay qollqeta wakchakunaman qomuy, chaynapim hanaq pachapi kapuqniyuq kanki hinaspa qatiway, nispa.

Quechua Ayacucho Bible 1987

²¹ Chaymi Jesus nirqa: —Cabal runa kayta munaspaykiqa tukuy imaykita *f**rantikamuspa chay qollqeta wakchakunaman qomuy, chaynapim kapuqnikikunaqa hanaq pachapi kanqa, chaymanta kutimuspañam ñoqawan rinki —nispa.

Chuya Qellqa 1992

²¹ Chaymi Jesusñataq nirqa: Mana pantaq runa kayta munaspaykiqa, tukuy imaykita rantikamuspa chay qollqeta wakchakunaman qomuy, chaynapim hanaq pachapi kapuqniyuq kanki hinaspa qatiway, nispa.

Mateo 19:21 Iomraidhean Croise

Génesis 17:1

Abramqa isqon chunka isqonniyuq watanpi kachkaptinmi Tayta Dios rikuriykuspan nirqa: Ñoqam kani Tukuy Atiyniyuq Tayta Dios, munasqayman hinayá kawsay.

Génesis 6:9

Kaymi Noeypa vidanmanta willakuy. Noeyqa karqa runamasinkunamantapas allin ruwaq runam, payqa mana faltayuq kaspam Diospa munasqanman hina kawsarqa.

Jobwan Sutichasqa Libro 1:1

Uz nacionpim Job sutiyuq runa yacharqa. Payqa karqa mana huchayuqmi, allin kaqkuna ruwaqmi, Tayta Diosta manchakuqmi, mana allin ruwaykunamanta sapaqchakuqmi.

Mateo 16:24

Chaymantam discipulonkunata nirqa: Pipas qatiwayta munaspaqa amaña kikillanpaq kawsaspayá cruzninta qepikuykuspa qatiwachun.

Mateo 19:20

Hinaptinmi chay joven nirqa: Tukuy chaykunataqa ñam cumpliruniña. ¿Imatawanraqtaq ruwayman? nispan.

Mateo 19:22

Jovenñataqmi chayta uyariykuspan, apu kasqanrayku llakisqallaña kutikurqa.

Mateo 19:28

Chaymi Jesusñataq nirqa: Cheqaptapunim nikichik, tukuy ima-pas musoqyachisqa kanan tiempo chayaramuptinmi kancharichkaq tro-nonpi runapa Churin tiyaykunqa, hinaptinmi qamkunapas chunka iskay-niyuq tronokunapi tiyaykuspa Israel ayllukunata juzgankichik.

Mateo 4:19

Paykunatam Jesús nirqa: Qatiwaychik, runakuna challwaqtañam ruwasqaykichik, nispan.

Mateo 5:48

Qamkunaqa hanaq pachapi Taytaykichik hina mana pantaqyá kaychik.

Mateo 8:22

Jesusñataqmi nirqa: Wañusqakunaqa wañusqapura pampanakuchun, qamqa qatiway, nispan.

Mateo 9:9

Chaymanta pasaspanmi Mateota Jesús rikururqa, Romapaq impuesto cobrananpi tiyachkaqta, hinaspam nirqa: Qatiway, nispan. Hinaptinmi Mateoqa hatarispan paywan pasakurqa.

Marcos 10:21

Jesusñataqmi kuyakuywan qawarispan nirqa: Chaywanpas kayraqmi faltasunki: Kutispaykiyá tukuy kapuqnikita rantikaramuy hinaspa wakchakunaman qoykamuy, chaynapim hanaq pachapi kapuqniyuq kanki; hinaspaykiyá cruznikita qepikuykuspa qatiway, nispa.

Marcos 2:14

Richkaspanmi Jesús rikururqa Alfeopa churin Leviyta, Romapaq impuesto cobrananpi tiyachkaqta. Paytam nirqa: Qatiway, nispa. Chaymi Leviyqa hatarispan Jesusta qatikurqa.

Marcos 8:34

Chaymantam discipulonkunatawan runakunata qayaykuspan nirqa: Pipas qatiwayta munaspaqa, amaña kikillanpaq kawsaspayá cruzninta qepikuykuspa qatiwachun.

Lucas 12:33

Kapuqnikichikta rantikuspayá mana imayuqkunaman qoychik. Chaynata ruwaspaqa hanaq pachapi mana mawkayaq wayqamanmi mana tukuq kapuqnikichikta huntachichkankichik. Chaymanqa manam suwapas chayanchu, chaypiqa manataqmi puyupas tukunchu.

Lucas 14:33

Chaynaqa, mayqannikichikpas tukuy kapuqninta mana saqeqqa, manam discipuloyqa kanmanchu.

Lucas 16:9

Chaynaqa, nikichikmi: Mana allinkunamanta chaskisqaykichik qori-qollqewanqa amistadkunatayá armaychik, chaynapi qollqekichik manaña kaptinpas hanaq pachapi chaskisunaykichikpaq.

Lucas 18:22

Chayta uyarispanmi Jesusñataq nirqa: Chaywanpas kayraqmi ruwanayki kachkan, rispayki tukuy kapuqnikita rantikaramuy hinaspa chay qollqeta wakchakunaman qoykamuy, chaynapim hanaq pachapi kapuqniyuq kanki, hinaspayá qatiway, nispa.

Lucas 5:27

Jesusmi chaymanta pasaspan rikururqa Romapaq impuesto cobraq Leviyta, impuesto cobrananpi tiyachkaqta, hinaspanmi nirqa: Qatiway, nispan.

Lucas 6:40

Discipuloqa manam yachachiqninmanta aswan yachayniyuqchu, chaywanpas allin yachaykunata chaskiruspanqa yachachiqnin hinam kanqa.

Lucas 9:23

Chaymantam llapallankutaña nirqa: Pipas qatiwayta munaspaqa, kikinpa munasqanman hina amaña kawsaspayá cruzninta qepikuykuspa qatiwachun.

Juan 10:27

Ovejaykunaqa simiytam uyarin, ñoqapas paykunataqa reqsinim, chaymi paykunaqa qatiwanku.

Juan 12:26

Pipas serviwayta munaspaqa qatiwachunyá, payqa ñoqapa kasqaypim kanqa, serviwaqniytaqa Taytaymi ancha reqsisqata ruwanqa.

Hechos 2:45

Chakrankutawan imapas kapuqninkutam rantikuqku hinaspam sapakamapa necesitasqankuman hina rakinakuqku.

Hebreos 10:34

Carcelpi kaqkunamantapas llakipayarikurqankichikmi, imaykichikta qechusuptikichikpas kusisqallam karqankichik, chaynataqa ruwarqankichik hanaq pachapi aswan allin wiñaypaq kapuqniyuq kasqaykichikta yachaspam.