Mateo 18:9 - CHUYA QELLQA La Biblia en Quechua de Ayacucho 2012

⁹ Sichum ñawiki huchallichisuptikiqa, hurqokuruspa qanmanta karuman wischuruy, allinqa kanman huk-nin ñawiyuqllañapas wiñaypaq kawsa-kuynikim, iskay ñawintin wiñaypaq infiernoman wischusqa kanaykimantaqa.

Quechua Ayacucho Bible 1987

⁹ Sichu ñawiki huchallichisuptikiqa, allinnikipaqchá horqoruwaq, allinraqmi kanman huknin ñawillañapas wiñaypaq kawsakuynikiqa chaynapi iskay ñawintin rawrachkaq wiñay castigoman ama wischusqa kanaykipaq.

Chuya Qellqa 1992

⁹ Sichum ñawiki huchallichisuptikiqa, hurqoruspa qanmanta karuman wischuruy, allinqa kanman huknin ñawiyuqllañapas wiñaypaq kawsakuynikim, iskay ñawintin wiñaypaq infiernoman wischusqa kanaykimantaqa.

Mateo 18:9 Iomraidhean Croise

Mateo 16:26

¿Imatataq runa hurqokunman kay pachapi kaqkunata ganaruspan vidantañataq pierderuspan? ¿Haykatataq runa paganman vidanta salvananpaq?

Mateo 18:8

Chaynaqa, sichum makikipas otaq chakikipas huchaman apasuptikiqa qoruruspayá qanmanta wischuruy, allinqa kanman huknin makiyuqllañapas otaq qoru chakiyuqllañapas wiñaypaq kawsakuynikim, iskaynin makintin otaq iskaynin chakintin wiñaypaq rawrachkaq ninaman wischusqa kanay-kimantaqa.

Mateo 19:17

Jesusñataqmi nirqa: ¿Imanasqataq allin niwanki? Allinqa chullallam, payqa Diosmi. Wiñay kawsayta munaspaykiqa Diospa kamachikuyninkunata kasukuy, nispa.

Mateo 5:22

Ichaqa niki-chikmi, pipas wawqenpaq piñakuq-qa juzgasqam kanqa, wawqenta upalla-manta kamiqñataqmi cortepi juzgas-qa kanqa, pipas wawqenta ñakaq-ñataqmi infiernoman wischusqa kanqa.

Mateo 5:29

Chaynaqa, sichum alleq ñawiki huchallichisuptikiqa hurqoruspayá wischuruy, cuerpoykipa huknin partellanta pierderuynikim allinqa, infiernoman lliw cuerpontin wischusqa kanaykimantaqa.

Marcos 9:47

Sichum ñawiki huchallichisuptikiqa hurqokuruy, allinqa kanman chulla ñawillañapas Diospa munaychakuyninman yaykuynikim, iskaynin ñawintin wiñaypaq rawrachkaq infiernoman wischusqa kanaykimantaqa.

Hechos 14:22

Chay llaqtakunapim Jesucristoman iñikuqkunata imam creesqankupi qaqa hina sayanankupaq kallpancharqaku: Diospa munaychakuyninman yaykuqqa achka sasachakuytam ñakarinan, nispanku.

Hebreos 4:11

Chaynaqa, Diospa qosqan samayman yaykuypiyá kallpanchakusunchik, chaynapi ñawpaq tiempopi mana kasukuqkunapa ruwasqanta qatipakuspa ama wichinapaq.

Apocalipsis 21:27

Chay llaqtamanqa manam ima qachapas, millakuypaq kaqkuna ruwaqkunapas nitaq llullakunapas yaykunqachu. Chaymanqa yaykunqaku Corderopa wiñay kawsay libronpi sutinku qellqasqa kaqkunallam.