Mateo 18:10 - CHUYA QELLQA La Biblia en Quechua de Ayacucho 2012

¹⁰ Amayá kay uchuychakunamantaqa mayqantapas usuchiychikchu. Hanaq pachapiqa paykunapa angelninkunam Taytaypa uyanta tukuy tiempo qawachkanku.

Quechua Ayacucho Bible 1987

¹⁰ —Kayna uchuychakunataqa amam hukllatapas despreciankichikchu. Hanaq pachapiqa paykuna cuidaq angelkunam tukuy tiempo Taytaypa qayllanpi kachkan. [

Chuya Qellqa 1992

¹⁰ Amayá kay uchuychakunamantaqa mayqantapas usuchiychikchu. Hanaq pachapiqa paykunapa angelninkunam Taytaypa uyanta tukuy tiempo qawachkanku.

Mateo 18:10 Iomraidhean Croise

2~Samuel 14:28

Iskay watam Jerusalenpi Absalón yacharqa, ichaqa manam reypa qayllanman yaykurqachu.

1~Reyes 22:19

Micaiasñataqmi nirqa: Chaynaqa, Tayta Diospa nisqantayá uyariy: Ñoqam Tayta Diosta rikurqani trononpi tiyachkaqta, rikurqanitaqmi hanaq pachapi llapallan tropankunatapas alleqninpi hinaspa ichoqninpi sayachkaqta.

Ester 1:14

Reypa confianzan runakunam karqa: Carsena, Admata, Tarsis, Meres, Marsena hinaspa Memucán. Paykunam Persia nacionmanta, Media nacionmanta karqaku. Reypa munaychakuyninpi hatun kamachikuqkunam karqaku.

Zacarías 13:7

Tukuy Atiyniyuq Tayta Diosmi kaynata nin: Espada, michiqniypa contranpi hatariy, yanapaqniypa contranpi hoqarikuy, michiqta wañuchiptikim llapa ovejakuna cheqenqa. Ñoqañataqmi uñachakunapa contranpi makiyta hoqarisaq, nispa.

Zacarías 4:10

Templo ruwayta qallaykuptinku, “maytaya tukurusun” niqkunapas, Zorobabel qespirachiptinmi kusikunqaku. Chaymantam chay angelqa niwarqa: Kay qanchis mecherokunañataqmi Tayta Diospa ñawinkuna, kaykunam kay allpa pachapi tukuy hinastinta qawachkanku, nispa.

Mateo 1:20

Chaynata tanteachkaptinmi Diospa angelnin mosqoyninpi rikuriykuspan kaynata nirqa: Davidpa miraynin José, Mariawan casarakuytaqa ama manchakuychu, payqa Chuya Espiritupa atiyninwanmi wiksayakurun.

Mateo 12:20

Raqrasqa soqosllatapas manam pakinqachu, wañunayachkaq mecherotapas manam wañuchinqachu, allin kawsakuyta hatarichinankama.

Mateo 18:14

Chaynam hanaq pachapi kaq Taytaykichikpas mana munanchu kay taksakunamanta hukllanpas chinkanantaqa.

Mateo 18:6

Ñoqapi iñiq taksakunamanta mayqellantapas huchallichiqtaqa, allinchá kanman molino rumita kunkanman wataruspanku lamar qochaman wischuykuyninkuqa.

Mateo 2:13

Yachayniyuqkunapa ripukusqanku qepallantam, Diospa angelninñataq Joseyman mosqoyninpi rikuriykuspan nirqa: Hatarispayki wawatawan mamanta Egiptoman ayqechiy hinaspa ñoqa ninaykama chaypi yachamuy. Herodesmi wañuchinanpaq wawata maskachkan, nispa.

Mateo 2:19

Herodes wañuruptinmi Egipto nacionpi José kachkaptin Diospa angelnin mosqoyninpi rikuriykuspan nirqa:

Mateo 24:31

Trompetapa waqayninwanmi angelninkunata kamachinqa, akllakusqankunata tukuy hinastinmanta huñumunankupaq.

Lucas 1:19

Chaymi angelñataq nirqa: Ñoqaqa Diospa qayllanpi servikuq Gabrielmi kani, paymi kachamuwarqa kay allin noticiata qanman willanaypaq.

Lucas 10:16

Qamkunata uyariq runaqa ñoqatam uyariwan, qamkunata wischupakuq runaqa ñoqatam wischupakuwan, ñoqata wischupakuqñataqmi pim kachamuwaqniyta wischupakun, nispa.

Lucas 16:22

Chay limosna mañakuq runam wañukurqa, hinaptinmi Abrahampa kasqanman angelkuna aparurqaku. Chaynataqmi apupas wañururqa, hinaptinmi pamparurqaku.

Hechos 10:3

Huk punchawmi yaqa kimsa hora tardeykuyta visionpi rikururqa, Diospa angelnin paypa kasqanman yaykuspa: ¡Cornelio! nisqanta.

Hechos 12:15

Chaymi sipaschata nirqaku: ¡Icha locayarunki! nispanku. Payñataqmi nirqa: ¡Pedropunim! nispa. Paykunañataqmi aswanraq nirqaku: ¡Manam payqa kanmanchu, angelninchá! nispanku.

Hechos 12:23

Chayllamanmi Señorpa angelnin hamuruspan Herodesta onqorachirqa, Diosta mana hatunchasqanmanta. Hinaptinmi urukunapa mikusqan wañu-rurqa.

Hechos 27:23

Chisi tutam rikuriykuwarqa servisqay Diospa angelnin.

Hechos 5:19

Ichaqa chay tutam Señorpa angelnin hamuspan punkuta kicharurqa. Paykunata hurqoruspanmi nirqa:

Romanos 14:10

Chaynaqa, ¿imanasqataq wawqekitaqa juzgachkanki? chaynataq, ¿imanasqataq wawqekitaqa despreciachkanki? Lliwchanchikmi Diospa qayllanman juzgawananchikpaq rikurisunchik.

Romanos 14:21

Allinmi kanman aychata mana mikuspayki vinotapas mana tomaynikiqa, iñiqmasikita wichichinaykipaq hina kaptinqa ama imatapas ruwaychu.

Romanos 15:1

Iñiyninchikpi kallpayuq kaqkunam pisi iñiyniyuqkunata yanapananchik, ama kikillanchikpaq imatapas munaspa.

1~Corintios 11:22

¿Manachu wasikichikpi imapas mikunaykichikpaq hinaspa tomanaykichikpaq kan? Chaynata ruwaspaqa Diospi iñiq-kunatam despreciachkankichik, chaynataqmi wakchakunata penqayman churachkankichik. ¿Imatataq nikichikman? ¿Alabaykichikmanchu? ¡Manam kaymantaqa alabaykichikmanchu!

1~Corintios 16:11

Chaynaqa, amayá pipas mana kaqpaqqa hapichunchu, yanapaykuspayá allinllata ñoqaman kutirichimuychik, wakin wawqeku-napiwanmi paytaqa suyachkaniku.

1~Corintios 9:22

Pisi iñiyniyuqpaqmi pisi iñiyniyuq churakurqani, lliwpaqmi tukuy imaymana kayman churakurqani paykunata gananayrayku, chaynapi hukkaqllantapas salvanaypaq.

2~Corintios 10:1

Ñoqa Pablom, Cristopa kuyakuq hinaspa llampu sonqonrayku nikichik. Qamkunawan kaspayqa humildes kani, qamkunamanta karupi kaspayñataqsi manchakuypaq kani.

2~Corintios 10:10

Wakinkunañataqmi ninku: “Payqa cartankunapiqa manchakuyllapaqtañam riman, kaypi kaspañataqmi pisi kallpayuq hina, rimayninpas mana kasunapaq hinallam”, nispanku.

Gálatas 6:1

Wawqe-panillaykuna, pipas huchallikuruptinqa, Espirituman hina kawsaqkunayá Diosman kutirikunankupaq yanapaychik. Chaytaqa llampu sonqollawanyá ruwaychik, kikikitayá qawarikuy, yanqañataq qampas tentasqa kawaq.

1~Tesalonicenses 4:8

Chaynaqa, kay yachachisqayta wischupakuqqa, manam runatachu wischupakun aswanqa Chuya Espíritu qosuqnikichik Diostam.

1~Timoteo 4:12

Jovenraq kasqaykiraykuqa ama piwanpas despreciachikuychu, aswanqa iñiqkunapa ejemployá kay: Rimaynikipi, allin kawsaynikipi, kuyakuynikipi, iñiynikipi chaynataq chuya sonqo kaynikipipas.

Hebreos 1:14

Llapallan angelkunaqa Dios serviq espiritukunam, paykunaqa salvakunankupaq kaqkunata yanapanankupaqmi kachamusqa kachkanku.

Hebreos 9:24

Cristoqa manam runakunapa ruwasqan santuariomanchu yaykurqa. Moisespa ruwasqan chay sitioqa hanaq pachapi cheqap santuarioman rikchakuqllam karqa. Cristoqa hanaq pachamanpunim yaykurun, chaypim ñoqanchikrayku Diospa qayllanpi mañapuwachkanchik kachkan.

Apocalipsis 8:2

Chaymantam rikurqani qanchis angelkunata Diospa qayllanpi sayachkaqta, paykunamanmi qanchis trompetakuna qosqa karqa.