Mateo 17:6 - CHUYA QELLQA La Biblia en Quechua de Ayacucho 2012

⁶ Chayta uyariruspankum discipulon-kunañataq qonqorakuykurqaku, hinaspam llumpayta mancharikurqaku.

Quechua Ayacucho Bible 1987

⁶ Discipulonkunañataqmi chayta uyariruspanku qonqorakuykurqaku llumpay mancharisqallaña.

Chuya Qellqa 1992

⁶ Chayta uyariruspankum discipulonkunañataq qonqorakuykurqaku, hinaspam llumpayta mancharikurqaku.

Mateo 17:6 Iomraidhean Croise

1~Crónicas 21:16

Davidñataqmi qawarispan Tayta Diospa angelninta rikururqa kay pachapa altonpi kaspan espadanta hapiykuspan Jerusalén llaqtaman haywarayachkaqta. Chaymi Davidwan llapa ancianokuna, qachqa pachawan pachakuruspanku qonqoranpa pampaman kumuykurqaku.

Ezequiel 3:23

Chaynapim hatarispay pampaman rirqani. Chaypim Tayta Diospa kanchariynin kachkasqa, chay kanchariyqa kasqa Quebar mayupa patanpi rikusqay hinam. Chaymi qonqoranpa pampaman kumuykurqani

Ezequiel 43:3

Chay visionpi rikusqayqa karqa Jerusalén llaqtata Tayta Dios tuñichinanpaq hamusqanta rikusqay hinaraqmi chaynataq Quebar mayupa patanpi qawasqay hinaraqmi. Chaymi pampaman kumuykurqani.

Daniel 8:17

Chaynapim payqa ñoqapa kasqaykama asuykamuwarqa, chaymi manchakuyllawanña qonqoranpa kumuykuptiy niwarqa: “Runapa churin, kay imam qawasqaykiqa tukupay tiempokunapaqmi”, nispa.

Levítico 9:24

Hinaptinmi Tayta Diospa qayllanmanta lenwachkaq nina lloqsiramurqa, hinaspam lliw kañana animaltawan altarpi wirakunata ruparurqa. Chayta llapallan runakuna qawaykuspankum kusikuymanta qaparispa pampaman pakchakuykurqaku.

Mateo 17:5

Pedro rimachkaptinmi kancharichkaq puyuñataq paykunata pampaykurqa, hinaptinmi puyumanta kaynata nimurqa: Paymi kuyasqay Churiy, payraykum kusisqa kachkani. Payta uyariychik, nispa.

Mateo 17:7

Hinaptinmi paykunata llapchaykuspan Jesús nirqa: Hatariychik, ama manchakuychikchu, nispa.

Hechos 22:7

Hinaptinmi pampaman wichiykuspay uyarirqani “¡Saulo, Saulo! ¿Imanasqataq qatikachawanki?” niqta.

Hechos 26:14

Chaymi lliwchayku pampaman wichiykurqaniku, hinaptinmi uyarirqani hebreo rimayniykupi kayna niqta: “¡Saulo, Saulo! ¿Imanasqataq qatikachawanki? Puyata toro haytachkaq hinam kikillayki nanachikuchkanki”, nispa.

2~Pedro 1:18

Ñoqaykupunim hanaq pachamanta chay rimariyta uyarirqaniku, chaytaqa uyarirqaniku Diospa akllasqan orqopi Señorwan kachkaspaykum.

Jueces 13:20

Altarmanta nina altoman lenwaptinmi, chay lenwachkaq ninapi Tayta Diospa angelnin wicharirqa. Chayta rikuruspankum Manoaqa warminpiwan pampakama qonqoranpa kumuykurqaku.

Jueces 13:22

Hinaptinmi warminta Manoa nirqa: Diostam rikurunchik, kunanqa cheqaptapunim wañurusun, nispa.