Mateo 16:3 - CHUYA QELLQA La Biblia en Quechua de Ayacucho 2012

³ Pacha achikyaytañataqmi puyutawan antaqata rikuspa ninkichik: “Wayra-param kanqa”, nispaykichik. ¡Iskay uyakuna! Qamkunaqa cielopi kaqkunata qawaspam imaynam tiempo kananta yachankichik; chaynaqa, ¿imanasqataq kunan tiempokunapi imakunam pasakusqanmantaqa mana kaqpaqpas hapinkichikchu?

Quechua Ayacucho Bible 1987

³ Tempranon antaqaspa puyullaña kaptinñataqmi “Paranqam” ninkichik. ¡Iskay uyakuna! Qamkunaqa cielopi kaqkunata qawaspam imaynam tiempo kananta yachankichik, kunan tiempokunapi sucedekuqkunamantañataqmi mana cuentata qokunkichikchu.

Chuya Qellqa 1992

³ Pacha achikyaytañataqmi puyutawan antaqata rikuspa ninkichik: “Wayra-param kanqa”, nispaykichik. ¡Iskay uyakuna! Qamkunaqa cielopi kaqkunata qawaspam imaynam tiempo kananta yachankichik; chaynaqa ¿imanasqataq kunan tiempokunapi imakunam pasakusqanmantaqa mana kaqpaqpas hapinkichikchu?

Mateo 16:3 Iomraidhean Croise

1~Crónicas 12:32

Isacar ayllumantam hamurqaku iskay pachak kamachikuqkuna, paykunaqa tiempokuna qawayta allinta yacharqaku, yacharqakutaqmi Israelpa mirayninkunapa imam ruwanantapas.

Mateo 11:5

Ñawsakunam qawakuchkanña, suchukunam purichkankuña, leprayuqkunam sanoyarunkuña, mana uyarikuqkunam uyarikuchkan-kuña, wañusqakunam kawsarinku, wak-chakunapas evangeliotam uyarichkanku, nispaykichik.

Mateo 15:7

¡Iskay uya runakuna! Allintam profeta Isaiasqa qamkunamanta kaynata nirqa:

Mateo 22:18

Jesusñataqmi mana allin piensasqankuta yachaspan nirqa: ¡Iskay uyakuna! ¿Imanasqataq pan-tachiwaypi richkankichik?

Mateo 23:13

¡Iskay uya fariseokuna hinaspa Diospa leynin yachachiqkuna, imaynaraq kankichik! Qamkunaqa Diospa munaychakuyninman yaykuqkunatam harkaypaq-harkachkankichik. Manam qamkunapas yaykuyta munankichikchu nitaqmi yaykuy munaqkunatapas yaykunankuta munankichikchu.

Mateo 4:23

Jesusmi lliw Galilea llaqtapi pu-rirqa, Diospa munay chakuyninmanta allin noticiata sinagogakunapi willa-kustin, tukuy rikchaq onqoyniyuqkunata hinaspa nanayniyuqkunata sanoyachistin.

Mateo 7:5

¡Yaw, iskay uya! Puntataqa ñawikipi kaspitaraq hurqokuruy, chaynapi allinta qawakuspa runamasikipa ñawinmanta qopata hurqonaykipaq.

Lucas 11:44

¡Ay, imaynaraq kankichik! Qamkunaqa mana rikuriq sepulturakuna hinam kachkankichik, chayraykum runakunapas mana yachaspa hawanta purinku, nispa.

Lucas 12:56

¡Iskay uyakuna! Qamkunaqa cielopi chaynataq kay pachapi kaqkunata qawaspam imaynam tiempo kananta yachankichik; chaynaqa, ¿imanasqataq kunan tiempo-kunapi imakunam pasakusqanmantaqa mana yachankichikchu?

Lucas 13:15

Señorñataqmi nirqa: ¡Yaw, llapa iskay uyakuna! ¿Manachum qamkunapas toroykichikta otaq asnoykichikta samana punchawpi paskaspa yaku tomachiq pusankichik?

Hebreos 5:14

Mikuyqa yuyayniyuqkunapaqmi, paykunaqa entiendeqña kaspankum allin kaqtapas hinaspa mana allin kaqtapas reqsinku.